الجماعه اللى بالحصه اللى مش فاهمين حاجه هيا هيسه وخلاص

[mohamed_]

الى كل معلمى الحصه اللى عاملين اعتصام وعايزين تعيين من الواضح ان حضراتكم مش فاهمين ان هناك قانون كادر موثق فى مجلس الشعب ولازم حضراتكم تكونوا واخدين الكادر علشان تتعينوا حتى الناس اللى بالعقد وما حصلتشى على الكادر ما يطالبوش بالتعين لان القرار الوزارى اللى ظهر للناس اللى اخدت الكادر بيقول ايه

قرار وزارى رقم (53 )
بعد الاطلاع على قرار رئيس الجمهوريه رقم 129 لسنه 2008 بتنظيم الاكاديميه المهنيه للمعلمين
وبعد الاطلاع على اختبارات المعلمين المساعدين الخاصه بالكادر

يعنى معناه الناس اللى هتتعين ده لازم يكون واخدين الكادر مش لسه بالحصه

[Observer]

عيب لما توصف زمايلك انهم مش فاهمين حاجة
ولو فى قانون ظالم يبقى لازم يتغير لمصلحة الكل
مهنة التدريس لازم تكون بالتعيين من اول لحظة زى الاوقاف بالظبط
وحب لاخيك ما تحب لنفسك

[mohamed_]

يا عم احنا كنا شغلين بالحصه من 2034 لحد ما عملنا عقد فى 2005 واصبرنا كتير اصبروا ذى ما صبرنا وبعدين احنا لسه اتعينا علشان اللى بالحصه تطالب بالتعيين

[saber samy]

عندك حق هو كلام لحد الوقت هو حد اتعين

[Observer]

واحنا برضه اشتغلنا بالحصة
وتعاقدنا
وامتحنا كادر
ونجحنا
وعملنا icdl
وكملنا شرط ال 3 سنين
يعنى التثبيت معمول لينا احنا من الاخر
لكن ده مش معناه ندور على مصلحتنا والباقى مش مهم
عايزين روح حلوة بين كل المدرسين فى المدارس
واظن حضرتك عانيت من حتة اسمك لسه بالقلم الرصاص
يبقى ليه تكره الخير لزمايلك واصحابك ؟!!!
ولو القانون ظالم منكونش احنا ظالمين كمان زيه
لأ نغيره لمصلحة الكل
التثبيت المفروض للكل خصوصا فى مهنة التدريس
ولو فى اكاديمية يبقى الكادر معيار ترقى وصرف البدل وبس
تقبل تحياتى

[Observer]

ياريت حضرتك تعدل عنوان الموضوع لانه جارح جدا وغير لائق

[teto2204]

للاسف هو لسة فى ناس بتتكلم كدة بعد الثورة !!!!!!!!!!
اما الناس اللى مش عاجبين سيادتك معتصمين عشان تغيير القانون من الاصل او الحصول على عقود ( يعنى الواضح ان سيادتك اللى مش فاهم )
ثم ان يا اخى مش معنى انهم بالحصة يقلل من قيمتهم يعنى مثلا انا خريج تربيه انجليزى2001وعامل تمهيدى ماجيستير و9سنين خبرة ومع ذلك باشتغل بالاجر
فياريت ان كل واحد يعرف بيقول ايه ومايطجنش

[داليا عبد الرحمن]

اللي حضرتك مش عرفه ومش هقول مش فاهمه لاني مش هتكلم باسلوبك
ان عمرنا ما هندخل الكادر واحنا بالحصه او بالمكأفاه لان لازم نكون معلم مساعد يعني ناخد عقد مميز عشان ندخل الكادر
يبقي لازم نطالب بحقنا والا هعمرنا اصلا ما هنتعين طول ما احنا بالحصه

[mr.aiad]

يا جماعه يا اللى بتتكلموا عن العداله لو سمحتم يا ريت تطلعوا على قانون الكادر كويس ويا ريت محدش يهرف بما لا يعرف لأن القانون بيقول يعين فى وظيفه معلم من أتم عاما دراسيا فى وظيفه معلم مساعد وفقا للشروط وكون مدرسى الأجر لم يمتحنوا أو لم يأخذوا عقد معلم مساعد فهذا ليس ذنبهم بل هذا من الظلم الذى وجدناه فى الحكومات السابقه ويا ريت نطالب بتعيين الكل وتطبيق بدل الإعتماد على من تنطبق عليه الشروط فقط مع العلم أننى معلم مساعد وكنت أعمل بالمكافأه منذ 2002 فهذا ليس ذنبى أن الأكاديميه لم تعقد اختبارات

[drfayoum2010]

يا جماعة بلاش تجريح في بعض عايزين أسلوب أرقى من كده
أما بالنسبة للتعيين فلابد من تعيين المعلمين المساعدين المستوفين للشروط ، أما معلمي الحصة يجب عمل عقود مميزة لهم مع تسجيلهم للتقدم لاختبارات الأكاديمية التي تتم حاليا وبعد استيفائهم للشروط يتم تعيينهم أسوة بزملائهم
والله الموفق للجميع

[مدحت52]

المشاركة الأصلية كتبت بواسطة teto2204

للاسف هو لسة فى ناس بتتكلم كدة بعد الثورة !!!!!!!!!!
اما الناس اللى مش عاجبين سيادتك معتصمين عشان تغيير القانون من الاصل او الحصول على عقود ( يعنى الواضح ان سيادتك اللى مش فاهم )
ثم ان يا اخى مش معنى انهم بالحصة يقلل من قيمتهم يعنى مثلا انا خريج تربيه انجليزى2001وعامل تمهيدى ماجيستير و9سنين خبرة ومع ذلك باشتغل بالاجر
فياريت ان كل واحد يعرف بيقول ايه ومايطجنش

انا اعتقد ان الاستاذ محمد صاحب الموضوع خانة التعبير لكنة لو يقصد
مدرسي الحصة من غير التربوين فانا بضم صوتي لية
اي حد خريج كلية تربية او اي حد مؤهل عالي وحصل على التربوي
من حقة التعيين اما غير كده فهوا دا اللي طماع ويعتبر بياخد حق غيره
لان خريج كلية التربية هو الوحيد من بين خريجي الجامعات اللي ميقدرش
يشتغل حاجة تانية بمؤهلة

[ايهاب العراقى]

اخوانى كلنا كنا بالحصه و بعدين عقد عادى ثم مميز يعنى مجيناش كده مره واحده احنا اخوات فى الاول و الاخر لكن دا قانون

اما لو بتطالبوا بتغيير هذا القانون يبقى دا موضوع تانى و انا اوافق بتغيير هذا القانون لانى شايف ان الاختبارات دى حاجه قله ادب و اهانة