من وحي الثورة ...بث مباشر وحصري من التحرير

[مسيو وليد عسكر]

وانا في ميدان التحرير
قابلت مجموعة من الشخصيات العامة
وسالتهم سؤال واحد:
أنت مصري وبتحب مصر ؟
كل واحد رد عليا بطريقته وبشخصيته

الكابتن محمود بكر :طبعا مصري ..بس هاتوا فلوسنا حد يسألني هي فلوسنا فين ؟ أقوله فلوسنا في البنك وبالمناسبة دي عاوز أشكر السيد مدير البنك..وشكرا لسيادة المحافظ وشكرا لسيادة المشير ..وشكرا لعم أحمد اللي جاب لي شاي دلوقتي

**أشرف عبد الباقي : لو سألتني انا مصري اقولك ايه؟؟ اه مصري يا معلم طبعا امال ايه يلا يا رمزي يلا طبعاااا مصري يلاااا يلااا ياد من هنا ياااد

**مرتضي منصور : نعم يا حبيبي؟؟؟ طبعا مصري انت بتشك ولا ايه؟؟ مصري اكتر منك ومن اهلك وانا عارفك علي فكرة وهاجيبك!!!!!!!

**يسرا: طبعا مصرية المصري اصلا حد جميل وشخصية امورة جدا ..وانت حد جميل قوي انت اسمك ايه ؟

**أسامة منير : انا مصري بحب وبعشق كل حاجة في مصر بحب ترابها بحب سمارها بحب شمسها حتي بحب الكشري المصري تخيل ؟..

**معارض سياسي : لاااا يا حبيبي السؤال ده تسأله لناس احنا عارفينهم كويس قووووي ..ماااشي يا حبيبي مش ليا انا خالص انا محدش يزايد عليااااا انت فاااهم انا وطني جداااا
أحمد عز:مصر يعني استقرار وثبات
يعني يعني عز.. يعني جمال
عاوز اطمن الشعب المصري ان عندنا اعلي نسبة رفاهية في العالم كلنا ياجماعة معانا موبايلات فيها شريحتين وساعت تلاته ..وتقولوا فقر ده احنا فخ جديد
اه والله !!
انس الفقي :طبعا زي مانتوا عارفين كلنا فداء مصر عاوز اطمن كل المصريين ان القلة المندسة اللي في التحرير دول معاهم اجندات اجنبيه وظبطنا فيه اخوان معاهم اجندات بالتقويم الهجري مش الميلادي ..ده تنظيم ارهابي دولي وتم السيطرة عليهم واديني يابني كادر النيل الهادي وشيل الكاميرات من التحرير علشان نطمن المصريين في البيوت
**مدحت شلبي: اولا اقولك يا مساء الانوار عليك
واقولك طبعا مصري واقول للقلة المشككة المنحرفة "انتوا مش فاهمين حاجة" مع احترامي طبعا..انتوا مابتفهموش حاجة..مع احترمي طبعا..انتوا مينفعش تطلعوا علي المحطات وتتكلموا عن مصريتي ..بفضل الله انا اشتغلت اعلام وانتوا لسه في بطن امكم ..مع احترامي طبعا!!

**شادي محمد : والله بسم الله الرحمن الرحيم هو انا اكيد مصري يا كابتن وبحب مصر جدا وبسم الله الرحمن الرحيم الواحد بيحاول يبقي مصري علي قد ما يقدر وان شاء الله نجتهد الفترة الجاية ونقدم احسن حاجة في المظاهرة اللي جاية ضد الرئيس اللي ميعجبناش شكرا يا كابتن

**ايناس الدغيدي : مصرية مش مصري ..كلمة مصري او اي حاجة مذكرة بتجيبلي اشمئزاز لاننا في مجتمع ذكوري قذر منحط!!!!

**احمد فؤاد نجم : مصري؟؟ ده انا مصري من صميم قلبي واقول للحاكم بتاعنا ..او الحاكم الجاي..مصري وراجل كمان ولا شايفني بمضغ لبانة وبقول بابا وماما ومسقط هدومي!!!

**ممدوح فرج : هااااي انا اكيد مصري ..وكنت بطل العالم حتي لو كنت بلاعب علي ايامي لعيبة بكروش وبيعرجوا اصلا في حلبة المصارعة بس انا بطل مصري
وثواني ونرجججججججججع لبعض تاني

**عمرو أديب : امال ايه يا سيدي ..يا سلام بقي علي مصر بليل والواحد بياكل من عند بلبع والاكل بيلعب كده في الطبق وحتة الكفتة بترن فوق الطرابيزة مع شوية سلطة بلدي بالدقة والطرشي المخصوص بقي
يااااااااه يا سلام علي مصروعلي أكلها

**تامر حسني : اجمل حاجة فيك يا مصري هي دي..اااااااه هي دي طيبة قلبك..واجمل حاجة في ابن بلدي هو ده ااااااااااه هو ده...وبعدين يا عم هو انا كنت اعرف اربي شعر صدري ده من غير مصر مصرونيلها الطيب هو اللي نبت شعري المشهور ده وبعدين اانانزلت المزاهرات وكنت فاتح القميص كله وقلت للبلطجية امشوا من هنا يا وحشييييييييين

**حمادة هلال : مصري وابن بلد واحب اقول لمصر "واقع في شبكتك وبخطط وبتكتك..مستني اللحظة اللي الاقيني شبكتك اااااااه ما انا قلبي اتخبط واتقطع واتفرتك ولما المظاهرات خلصت وكسبنا البلطجية اتنين واحد غنيت وقلت :والله وعملوها الرجالة "

**علاء صادق: مصري حتي النخاع..واشعر في بلدي بغربة..ولي في مصر الكثير من الرفاق..وبعيد عنها اشعر بغربة واحتراق ومش هسيب سمير محمود عثمان علشان حسب علي فريق المتظاهرين واحد مولوتوف وهي كانت تبع البلطجية

**معتز الدمرداش: اه مصري يا سيدي ..ايه يا عم الحكاية دي ؟
وانتتتى فين ياحكوووومة
كل مسئول يستخبي وقت منعوزه علي الهوا شوف لنا يابني الاعداد يجيب حد تاني مكان البيه اللي دفيان في بيتهم والبلد والعة

**مني الشاذلي: نعم نعم انا مصرية..ولكن عفوا لا اسمعك بوضوح

**عدوية: طبعا مصري ياااعم..امال يعني ايه ياااعم..والناس الحلوة دي ايه يااااعم..والصحبة الحلوة دي ايه ياااااعم...طبعا مصري ياااااعم

وانت هتقول ايه لو سالتك

انت مصرى؟؟؟؟؟؟؟؟