مبارك بعد التنحي

[أيمن الوزير]

كلامك جميل ورأيك كويس
على فكرة أنا مش مع مبارك ولا ضد الثورة ولا متعاطفة معاه ولا ضد إنه يتحاكم بل بالعكس أنا بقول يعنيي الراجل ده كان بطل حرب وكان عقله كبير البلد ما دخلتش ف عهده حرب نفتكرله حاجة حلوة ويتحاسب برده بس محاسبة رئيس مش بالطريقة ديه

أنا بقول يعنيي الراجل ده كان بطل حرب

كان يحارب منفردا ولأنه من أبطال أكتوبر فلا يحاسب علي عيوبه و ويلاته التي تفوق ملايين المرات حسناته

وكان عقله كبير

بدليل ما نحن فيه الآن بعد ثلاثين سنة من حكمه

البلد ما دخلتش ف عهده حرب

يا سلام وبلد مين دي اللي دخلت في حروب
الأردن وليبيا وسوريا والمغرب والجزائر وتونس و امش مع خريطة أفريقيا كلها وبعدين خريطة العالم وشوفوا دول العالم كلها سنجد أن كل هذه الدول لم تخل في حروب باستثناء ما لا يتعدي خمس أو ست دول علي مستوي العالم لأسباب الكل يعلمها فهل ال 90 % من دول العالم التي لم تدخل حروب كان يحكمها مبارك

ويتحاسب برده بس محاسبة رئيس مش بالطريقة ديه

فعلا محاسبة الريس غير محاسبة أي حد لابد أن تكون أشد وأعنف لأنه أقسم أن يحمي الوطن والملايين وبالتالي فمحاكمته يجب أن تختلف

[إليزابيث]

المشاركة الأصلية كتبت بواسطة أيمن الوزير

كان يحارب منفردا ولأنه من أبطال أكتوبر فلا يحاسب علي عيوبه و ويلاته التي تفوق ملايين المرات حسناته


يحاسب على عيوبه اه بس برده ما ننساش حسناته وكل ابن ادم خطاء
وحكاية ويلاته اللي تفوق حسناته ملايين المرات ديه بقى الله اعلم فيها وانت محجزتش لنفسك مكان ف الجنة عشان تحكم ع الناس
بدليل ما نحن فيه الآن بعد ثلاثين سنة من حكمه

أنا قصدي انه كان دمه بارد وكان بيبص على علاقات مصر الحارجية ويهتم بها بدليل أنه كان في اجتماع لرؤساء العرب ليناقشوا قضية وكان هو أحدهم واستغل احدهم الفرصة لينشب شجارا مع مبارك بسبب المشاكل بينهم ولكنه قال لم اتي الى هنا لأصفي حساباتي الشخصية ولا مسمعتش عنها


يا سلام وبلد مين دي اللي دخلت في حروب
الأردن وليبيا وسوريا والمغرب والجزائر وتونس و امش مع خريطة أفريقيا كلها وبعدين خريطة العالم وشوفوا دول العالم كلها سنجد أن كل هذه الدول لم تخل في حروب باستثناء ما لا يتعدي خمس أو ست دول علي مستوي العالم لأسباب الكل يعلمها فهل ال 90 % من دول العالم التي لم تدخل حروب كان يحكمها مبارك

البلد ما دخلتش ف عهده حرب وديه حاجة متفق عليها
والبلاد اللي انت بتتكلم عنها ديه أبناءها مابيسيئوش لرؤساءها زينا


فعلا محاسبة الريس غير محاسبة أي حد لابد أن تكون أشد وأعنف لأنه أقسم أن يحمي الوطن والملايين وبالتالي فمحاكمته يجب أن تختلف
اه تبقى محاسبة ناشفة بس ما تبقاش اهانة على لسان اللي يسوى واللي ما يسواش على مستوى العالم

مشكور على المرور و الرد وجهة نظر وتحترم