ذكريات كنتاكي في ميدان التحرير...؟!

[**تسابيح**]

المشاركة الأصلية كتبت بواسطة هانى الشرقاوى

هههههههه
شكله زى كده

ههههههههههههه
جميلة اوووووووي

اما بخصوص استغلالى
زى ما انتو عارفين انى ف أصل الأصل من الزقازيق
واغلب اسرتى عايشة فى الزقازيق
وإقامتى فى القاهرة بسبب الدراسة
أنا خلصت امتحانات قبل 25 يناير ورجعت الزقازيق
وأصلا احنا كنا عاملين حسابنا ان هو يوم وهنمشى
ولظروف ما مرحتش يوم 25 الصبح
وأخر النهار كلمنى مجموعة من أصحابى وعرفت منهم انهم ناويين الإعتصام
حضرت شنطتى أقصد السندوتشات ونزلت كايرو
تانى يوم الصبح مكنشى فى وجود للسندوتشات الجماعة قاموا بالواجب صح

لما كنا بنجوع
كان واحد بيلم فلوس مننا وينزل أى مكان يشترى أكل ويرجع وكل مجموعة كانت بتاكل مع نفسها ... وكان فيه ناس أحيانا بتوزع مية ومشروبات خصوصا بعد ضرب القنابل المسيلة للدموع ولما كانت بتحصل حالات إختناق ... وده مننا فينا مش من تل إبيب ولا حزب الله

الفلوس خلصت بسرعة جدا
خصوصا وإن فيه كام واحد من أحصابى اتسرقوا
ازاى معرفشى ... كان فيه ناس بتقوم بدورها برده
يوم والتانى لاقينا فيه راجل جئ يبيع كشرى وواحد بيعمل شاى ... شاى التنحى
وكان كل شوية يعدى حد يبيع قرص وكانت بتبقى عليه حرب كبرى ..
حتى من المراسلين والمذيعين

وأصلا كل المحلات كانت قافلة .. فكانت الوجبات بتجيلنا مت بغيس فى طياغة خاصة

بالمناسبة انا جالى فقر دم فى أيام التحرير دى

انا عرفت دلوقتي كنتاكي جيه منيين أكيد من الشنطة اللي جاية من الزقازيق
بيقولووا في الزقايق كنتاكي بلدي
حتي بغيس كانت في الموضوع
يعني مش تل ابيب وحزب الله بس المتهميين دا ساركوزي كمان معاهم
بس صحيح ازاي الناس قدرت تصبر 18 يوم وازاي كانت بتجيب أكل وكدا...؟؟!!كنتم بتحلوا المشكلة دي ازاي؟
وقعدت في الميدان كام يوم
وازاي كان بيقعدوا في الميدان في عز التلج بالليل ...؟؟!!
وايه حكاية الأجانب اللي بيوزعوا منشورات؟!!
القلة المندسة


اكيد مع قلة الأكل اقل حاجة فقر دم
الحمدلله انك بخير دلوقتي ربنا يحفظك أخي ع طول.....
بس يابختك بئا يعني في المستقبل
هتحكي لأطفالك ان والدكم كان من المحررين

ربنا يوفقك يارب

[هانى الشرقاوى]

المشاركة الأصلية كتبت بواسطة تسابيح النجوم

انا عرفت دلوقتي كنتاكي جيه منيين أكيد من الشنطة اللي جاية من الزقازيق

يا حسرة
ماما عملت معايا الواجب عشان أرجع بسرعة
كانت الشنطة كلها سندوتشات وبس والله

بيقولووا في الزقايق كنتاكي بلدي

هههههههههه
قصدك فراخ وبط بلدى
حتي بغيس كانت في الموضوع
أكيد
يعني مش تل ابيب وحزب الله بس المتهميين دا ساركوزي كمان معاهم
ده الأب الثورى بتاعنا هو والبقية اللى ذكرها الإعلام الفاشل
بس صحيح ازاي الناس قدرت تصبر 18 يوم وازاي كانت بتجيب أكل وكدا...؟؟!!كنتم بتحلوا المشكلة دي ازاي؟
ههههههههههه
أنا مقعدتش ال 18 يوم كلهم
انا قعدت تقريبا 11 يوم ولما قالولى فى المستشفى الميدانى هناك انت لازم تخرج الرصاص المطاطى لأنه خلاص المضاد الحيوى مش هينفع ... روحت
وقعدت في الميدان كام يوم
تقريبا 11 يوم متصلين ويومين كنت بروح وأجئ وامبارح يبقى كله 14 يوم
وازاي كان بيقعدوا في الميدان في عز التلج بالليل ...؟؟!!
أنا كنت بنام تحت الكوبرى
وكان فيه بطاطين وكان فيه ناس بتنام فى مداخل المترو وكان فيه شقة قريبة كان كتير من البنات بيناموا فيها
وأصلا اللى كان بيفكر ينام مكنشى بيعرف من كتر الهتاف والدوشة
بس المكان كان دافى بنفس الناس
وايه حكاية الأجانب اللي بيوزعوا منشورات؟!!
القلة المندسة
أنا فعلا شفت حد منهم بس كان بيهتف
سياح متعاطفين مع القضية مش اكثر ...
ومحدش ورزع عليا منشورات
أنا اللى كنت بوزع

اكيد مع قلة الأكل اقل حاجة فقر دم
لا مش من قلة الأكل
من الرصاص المطاطى
الحمدلله انك بخير دلوقتي ربنا يحفظك أخي ع طول.....
هو مش بخير أوى يعنى ههههههه
بس الحمد لله أنا كويس جدا دلوقتى .. وأشكرك
بس يابختك بئا يعني في المستقبل
هتحكي لأطفالك ان والدكم كان من المحررين
هههههههههه ده أنا من كتر الحكاوى هخليهم يكرهوا الثورة ويكرهونى

ربنا يوفقك يارب

ويوفقك يا تسابيح ويوفقنا كلنا