|
||||||
| الجودة والإعتماد التربـوى كل ما يخص الجودة و الدراسات التربوية و كادر المعلم |
 |
|
|
أدوات الموضوع | انواع عرض الموضوع |
|
|
|
#1
17-02-2011, 09:43 PM
|
|||
|
|||
أهلا يا عم عبد المجيد وحشتنا
بس دمياط مفيهاش جمال يا راجل الجميع يسلمون عليك وعلي الجميع 
|
|
#2
17-02-2011, 11:15 PM
|
||||
|
||||
|
شكرا للمصريين ... الذين دافعوا عن بيوتنا .. و ممتلكاتنا ... فسهروا علي راحتنا .... و كانت عيونهم الساهرة هي الأمان لنا بعد رحمة الله و قدرنه شكرا للمصريين في موقفهم المتحد حول رأي واحد ... وهو استرداد الكرامة المسلوبة شكرا للمصريين أهلي و جيراني و زملائي أقولها لنتذكر ان لنا هدف واحد جميعا وهو أن نستكمل رحلة الكفاح السلمي و نحافظ علي مصرنا بارك الله فيكم جميعا إذا مصـر قالـت نعم أيدوها وأن أعلنـت لائها فأسمعوها فمصـر منـزهة فى الأرب فمصـر العـلا وضميـر العـرب إلى بيتهـا لجأ الأنبيـاء وفرعون معجـزة فى البنـــاء وأوصـى الإله بهـا العالمين وقال أدخلوا أرضهـا آمنين حمى الله نيلهـا من كل عادى وجنب شعبهـا غزو الطغاة فيا رب بـارك مصـر الحبيبة وكـن معهـا فى الليالـى العصيبـة فـمصـر العــــلا مـصـــــر العـــــــلا مـصــــــــر العـــــــــلا وضـمـيـــــــــــــــر الــعـــــــــــــرب قصيدة للشاعر :: شكرى نصر الله قام بغنائها الفنان الكبير :: وديع الصافى
__________________
(الحمد لله رب العالمين)
|
|
#3
18-02-2011, 12:12 AM
|
|||
|
|||
الى من يدافعون عن الرئيس المخلوع حسنى مبارك
سمعت عن موضوع جمعة العرفان دي
عرفان وتوديع لمبارك، عشان يقولوا له شكرا
انا كمان عايز اشكر مبارك شكرا يا مبارك على انك خدمت البلد تلاتين سنة شكرا لأنك دمرت الصناعة المصرية وفككت القطاع العام وبعته للمستثمرين وخربت بيوت العمال شكرا انك حولت المواطن المصري من مزارع وصانع لسواق توك توك شكرا على تجريف الاراضي شكرا على ان السفارة المصري في اي حتة في العالم هي بالنسبة لاي مصري مهاجر او مقيم في الخارج بوابة جهنم لحد ما بقى كل الناس تستهين بينا وتسترخصنا شكرا على انك كسرت نفس الصعايدة وقعدت عشر سنين تطحن في كرامتهم لما خليتهم مش حاسين ان البلد بلدهم وبقوا حاسين ان اهالي بحري دول قوات احتلال شكرا على انك حاربت الارهاب.. امال، انا فاكر كويس قوي حربك على الارهاب، لما كنت بتقتل شباب زي الورد في الشارع وياخدوا بصمات الجثث ويبتدوا التحقيق..... مع الجثث شكرا على انك عشان تحارب الارهاب خلقت تجار مخدرات وبلطجية في الصعيد كانوا بيكسروا نفس الناس وينيموهم من المغرب شكرا انك عشان تقسم الصعيد على نفسه خلقت فتنة طائفية وكرهت المسلمين والمسيحيين في بعض (في بداية الحرب على الارهاب في الصعيد، الجماعات الاسلامية كانوا بيروحوا يستخبوا في بيوت المسيحيين عشان بيتناصحوا يعني على الامن، والمسيحيين زي اي صعايدة، اللي يستغيث بيهم لازم ينجدوه، فلما عرف عمل كام حاجة تقوم المسيحيين على المسلمين وتخوفهم، ومن ضمنها مثلا ان المسئول عن مذبحة الكشح ما يتحاسبش، والله اعلم بقى مين اللي عملها، اكيد هم مدام هم اللي فجروا القديسين، ومدام اللي عملها ما اتمسكش، واجبر بعض المسيحيين انهم يشتغلوا مع الامن، وخلا الامن يسرب خبر ان مسيحيين بيشتغلوا مع الامن للمسلمين وشعللها وخلاهم مش طايقين بعض، مع انه كان داخل عليهم وهم سمنة على عسل حتى مع وجود الجماعات الاسلامية) شكرا انك بعد ما كسرت نفس الصعيد عشان تخلص على الجماعات الاسلامية قلت ان الايد البطالة نجسة ودرت على بقية مصر تكسر نفسها شكرا على انك قعدت قوات الامن في الصعيد كل السنين دي وما فكرتش ولا ثانية ان الصعايدة لابسين الجلاليب على اللحم وانهم بياكلوا طاقة واحدة في اليوم وان فيه ايام بتعدي عليهم من غير اكل.. ما كانش يهمك، كان يهمك تكسر نفسهم وتهينهم وتخليهم يا اما يشتغلوا مع الامن يا اما يبقوا تحت رحمة تجار المخدرات والبلطجية شكرا انك عممت التعذيب في كل قسم وفي كل مديرية امن لحد ما ظابط الشرطة المصري اقتنع تماما ان شغلته الاساسية انه يعذب الناس شكرا على سكان العشوائيات اللي بياكلوا من الزبالة وفضلت تكبر وتوسع فيهم واي حد يحاول يساعدهم تطفشه لانك محتاجهم في الانتخابات تشتري اصواتهم بوجبة وبطانية وشيرز شكرا على جوع الناس وانت عمال تكوم في سبعين مليار دولار شكرا على انك اشتغلت خدام للامريكا وقضيت تلاتين سنة تخدم المصالح الامريكية زي ما هيلاري بتقول وتذلنا احنا شكرا على انك فضحتنا وخليت اللي يسوى واللي ما يسواش يقول لنا يا عملاء امريكا يا عملاء اسرائيل شكرا على اننا بنشحت القمح شكرا على تقسيم السودان شكرا على فضيحتنا ايام حرب غزة وبقى العالم كله بيعمل مظاهرات قدام سفارتنا زي ما بيعملوا مظاهرات قدام سفارات اسرائيل وبقت راسنا احنا البلد اللي عمرها سبعتلاف سنة واتبنت على اكتاف الفلاحين والبنائين تتساوى براس أفعى عمرها ستين سنة اللي اسسها مجموعة عصابات وخارجين عن القانون شكرا على اننا ذالين نفسنا ومصالحين اسرائيل وانت بتبعت عيالنا يموتوا في كل حتة، وتبعت عيالنا يموتوا في حرب العراق وايران وخناقة مالناش لا في تورها ولا طحينها وبعدين ترجع تبعتهم تاني يموتوا لما صدام احتل الكويت.. ، مش انت اللي قعدت تدعم في صدام طول السنين دي؟ وتبعت العيال لافغانستان عشان تخلص منهم ولما يرجعوا تحكم عليهم بالاعدام، وتبعت بنفسك العيال للبوسنة ولما يرجعوا تعدمهم برضه، انت ما عندكش غيرنا تبعته يموت؟ واللي يرجع ما يموتش تموته بنفسك؟ ولما ما لقتش حتة تموتنا تاني فيها بقيت تبعتنا في عبارات .. اه، عبارة من اللي بيغرقوا دول شكرا على ان اول تصريح لك عن العبارة اتريقت عليها شكرا على انك سبت الف مصري يموتوا ما بعتش لهم توك توك وانت بتبعت طيارة انقاذ لحرائق اسرائيل وتركب ابنك علينا ويدلدل رجليه ويجيب صحابه يتسلوا علينا ويقلبونا في الفلوس وتعمل لنا فتنة طائفية وكل ما تحتاس تدبح لك جوز عتاقي مسيحيين وتلبس المسلمين والمسيحيين في بعض عشان تخلص منا كأن وجودنا في الحياة هو مشكلتك الوحيدة وتموت لنا الناس وهم خارجين في عيدهم وتدخل اللي قتلهم مجلس الشعب وتموت لنا الناس في ليلة راس السنة وتلبسها لبريء يموت من التعذيب وتدي امر بنفسك لقوات الامن انهم يفتحوا علينا الرصاص الحي شكرا شكرا شكرا ... مش عارف اودي العرفان والوفاء فين ولا فين شكرا على فتح الرصاص الحي على عمال المحلة عشان عايزين عيش حاف يأكلوا بيه ولادهم وتعمل لنا علاوة الصبح وتضاعف سعر البنزين بعد الضهر شكرا على الشباب اللي مات على كوبري قصر النيل وغيره ومنظر الدم على جسمهم ووشهم مش عايز يفارق عينيا شكرا على انك تدي القوات المسلحة امر انهم يضربوا علينا رصاص حي ولولا انهم بني ادمين ومصريين كان زمانها بقت مدبحة وكان زمان البلد راحت في داهية ومش بعيد كان جالنا احتلال عشان انت ماسك في الكرسي ومش بعيد كان الجيش ضرب في بعضه... وانت يهمك ايه؟ ما نولع احنا وجيشنا وناسنا واهلنا وبلدنا المهم انت وفلوسنا اللي هربتها واللي طول فترة الثورة كنت بتعمل اتصالاتك عشان تأمنها شكرا على انك كنت بتسيبنا مذلولين مستنيين خطابك وانت قاعد على التليفون مع بن اليعازر تشكي له همك شكرا شكرا شكرا ايها الرئيس المخلوع محمد حسني مبارك السادة اللي عاملين ده على الفيس بوك.. اقولكم ايه؟ اهالي الشهدا اتحرقت قلوبهم وانتو بتشكروا مبارك صورة مبارك اتشالت، واتحط مكانها لوحة عليها لفظ الجلالة ومش حينفع لفظ الجلالة يتشال عشان يتحط مكانه اي حد تاني لا غالب الا الله اما العبيد.. فخليهم في اغلالهم
|
|
#4
18-02-2011, 12:35 AM
|
||||
|
||||
|
رحمة الله أكبر... و يجزي الله كل مسئول -خشي الله فينا -عنا خيرا وبمناسبة الفكاهةالمصرية أحدهم علق علي الأحداث قائلا ياريت مبارك كان ضربنا احنا الضربة الجوية
وحكم اسرائيل 30 سنة ...كان زمانهم بيشحتوا
__________________
(الحمد لله رب العالمين)
|
|
#5
18-02-2011, 12:54 AM
|
|||
|
|||
|
اقتباس:
|
|
#6
18-02-2011, 12:56 AM
|
||||
|
||||
|
لكن للأمانة ما قاله طلعت السادات عنه معناه انه بعد الله له شرف الانتصار في اكتوبر
__________________
(الحمد لله رب العالمين)
|
|
#7
19-02-2011, 01:17 AM
|
|||
|
|||
|
اقتباس:
الم تعرفى انه سجن الفريق سعد الدين الشاذلى رحمه الله رئيس الاركان اثناء حرب اكتوبر ذلك العسكرى الفذ وكان قائدا لمبارك فى تلك الحرب رغم توسلات المسؤلين والرؤساء العرب أى شرف هذا وقد سجن قائده ؟ أنا مش آسف ياريس يا مخلوع
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 07:39 PM.
