ثورة لافاقة المرسين (ثورة المدرسين)

[حبيبة رمضان]

فين المدرسين من هذه الثورة
مرتب زي الزفت
كادر ظالم
المدرسين اكسل فئة واللي بيحصل فيهم حلال
الشرطة اللي ***ت الشعب خادوا في ساعات حوافز 100%
اتحركوا حرام عليكم
بطلوا نوم ..............فين كرامتكم
المدرس مهان
المدرس يضرب
معلش في اللفظ المدرس بذلك اصبح نتن

[جاسمينm]

والله بقول من زمان يا جماعة نشتكى من قبل الثورة حتى

يتهمونى بانى ثورجية عايزين يقعدوا فى مكانهم ومرتباتهم تتغير بقدرة قادر

من غير حتى ما يعرضوا مطالبهم

ياريت نعمل بيان ونكتب فيه التعديلات اللى عايزينها

ونمضى اكبر عدد من المدرسين عليها فى كل محافظات مصر

وكل مدرس يمضى مدرسين زمايله فى المدرسة ونقدمها فى الوزارة ايه رايكم

[هشام المجتهد]

كا الكلام ده كله عندكوا حق فيه وانا موافق عليه
انا عايز طلاب الثانويه يعملو بيان لمصلحة طلاب الثانوى و التعليم كله لتنظيم اسلوب التعليم العقيماللى احنا بندرسه فى المدارس
اشمعنا احنا اللى بنتعلم فقط عشان نخرج موظفين حتى الدكتور موظف اللى الواحد بيوصللها بعد معاناة المعاناه من المواد المدروسه
مع ان الدول الاوروبيه يتعلموا ليكونوا مخترعين و علماء على الرغم من ان الذىي يضعون هذه الخطه التعليميه دكاتره مصريين واذا احهم قدم تلك الافكار فى مصر يرفض يمكن كمان يدخل امن الدوله لانه بيعمل اللى امريكا مش عايزاه عايزه الوطن العربى متخلف لانها تعلم ان الشعب المصرى اذا تعلم تعليم مثلهم سوف يسحق العالم بذكائه الخارق وكل ذلك من النظام القديم والحمد لله اتخلع ياريت مصر تتقدم بقه لاننا زهقنا من الفقر و التخلف والفساد وربنا يكرم الدكتور احمد زويل و يعينه على تغيير مصر
وحسبنا الله و نعم الوكيل فى النظام القديم

[nagar3321]

يامعلمين يامن يطلق علينا معلمين هل هذا هو الوقت المناسب لطلباتنا

[abdelziz1962]

معكم قلبا وقالبا

[محمد المنشاوى 123]

نريد ثورة :-
1) في العملية التعليمية :-
أ ) تغير المناهج .
ب) تدريب المعلمين
ج) تنفيذ القرار 155 لسنة 2007 م للمعلمين داخل المدارس و البعد عن المحسوبية .
د ) رفع الأجور مما يحقق حياة كريمة للمعلمين .
ه ) تثبيت العقود .حتى يستقر المعلم إجتماعيا و إقتصاديا .
ع ) نريد نقابة فعالة تقف بجانب المعلمين و البع عن الأغراض الشخصية .
غ ) نريد الدولة تقف بجانب المعلم حتى ترجع هيبته التى تراجعت .
و أخير :-
قم للمعلم ووفيهالتبجيلا ............ كاد المعلم أن يكون رسولا

[wow wow]

يا جماعة احنا من الاسكندرية عاملين مظاهرة يوم 21 فبراير للمطالبة بتعديل التعليم فى مصر
وده جروبنا على الفيس بوك يوم 21 فيراير مظاهرات لمطالب طلاب مصر
ارجو التواصل من اجل حقنا

[هاجر حسن عبدالراضى]

انا راى انى اكتر ناسى مظلومه فى الحوار ده كله احنا طلاب الثانويه العامه والمدرسين واخدين حقوقهم على الاخر كفايه الدروس الخصوصيه كل يوم اربع حصص على الاقل والحصه بميه وخمسين جنيه احسبو بقا وشوفو كام فى الشهر احنا اللى مظلومين و المفروض اقل حاجه يخففو المناهج شويه ويحطو جداول للامتحانات عدله كل اب حاطط امل كبير فى ابنه او بنته ولو الامل ده راح حاجات كتير هاتروح معاه انا بابا مش بيقولى الا يا دكتوره وانا بعمل اللى عليا يا ريت يساعدونا باى تغيير يكون فى صالحنا