بتوع التحرير قاعدين ليه

[moh ali moh]

بصراحة أغلب الناس اللي بتتكلم هنا مش فاهمة حاجة في السياسة , ادرسوا تاريخ الثورات , شاهدوا برامج التحاليل السياسية, فكروا شوية, حللوا الموقف , افهموا.........
ليه هم لسا في الميدان :
اولا :رحيل رأس النظام هو اول المطالب اللي تحققت وهو كان مطلب رئيسي وليس المطلب الوحيد.
ثانيا:لسا قانون الطوارئ.
ثالثا :لسا حل مجلس الشعب والشوري واللي اتحل اليوم في البيان الخامس للقوات المسلحة.
رابعا: لسا الغاء الدستور واللي اتلغي اليوم في البيان الخامس برضوا.
خامسا : الافراج عن جميع المعتقلين السياسيين.
سادسا : الغاء جهاز أمن الدول ومحاكمه.
سابعا: تحديد وقت زمني محدد لعمل القوات المسلحة تعمل فيه علي تحقيق مطالب الشعب.
أخيرا:اي ثورة تحقق نصف مطالبها فقط فهي ثورة فاشلة لابد من تحقيق جميع المطالب.
اللي في ميدان التحرير دول مش بيلعبوا وبكرة تعرفوا هما عملوا ايه لمصرو ليك ولولادك وتعرفوا قيمتهم .
اللي في ميدان التحرير دول نخبة مصر من علماء وسياسين ومثقفين وأطباءواقتصادين وشباب.
ربنا يبارك فيهم ويجعلهم زخرا لمصر وكفاية بقي هجوم عليهم اتقوا الله!!!!!!!