و الان الفقرة الثالثة
و لقد وعدتكم بان تكون العضوة اسطورة الاحزان هى التى تشرفنا فى الحلقة الماضية
لكنها لم تاتى و لم تختار العضوة التى تليها
لذلك فانى سوف اختار العضو\ة بعد قليل انتظروها
أستنوه بس هتشفوا حد غيرى أزى بعتتذر عن التأخير غصب عنى ظروف وجوبات بقى
و هذه هى الاسئلة
ـــــــــــــــــــــــ
ايه اكتر مادة بتحبيها و ليه ؟
علم النفس والأجتماع بحبها لأسباب كتير بس أهمها بتساعدنى فكيفية التعامل مع الأطفال وعلاج مشاكلهم النفسيه وغيرها لانى أعشق الأطفال ووجودى معهم دائما هو سر سعادتى 
ايه اكتر مادة بتكرهيها و ليه ؟
الجولوجيا هو انا مش بكرهها اوى بس انا مكنتش بزكرها أول بأول فتركمت عليا وهى أصلا طويله فبقت بالنسبالى هم كبيييير
نفسك تطلعى ايه و ليه ؟
نفسى أكون أستاذة علم نفس أنا شايفه أن ده هيكون أنسب مجال ليا وبعدين بجانب التدريس عندى طموحات فى مشاريع تانيه بقى ربنا يوفقنى فيها
بتأيدى موضوع السهر ؟
لأ خالص انا كنت بسهر بس ومبنامش ساعات بس مش زى مذاكرة بدرى بس بردوا كل واحد واللى يريحوا لاننا اكيد مش زى بعض فى ناس مبتعرفش تذاكر غير باليلل ولما تسهر بس عموما ده بيختلف من شخص لأخر
بتذاكرى على حوالى كام ساعة " ماتخافيش احنا هنا اخواتكمش هانحسدك " ؟
تحسدونى ايه بس ربنا ستار 
هو انا مش بحدد لنفسى وقت لما بخلص بقوم او بمعنى اصح لما بزهق بقوم اوعوا حد يعمل زيى هيندم لازم تتحلوا بالصبر وتخدوا المزاكرا عن حب علشان توصلوا للى عاوزينوه
ايه اكتر وقت بتحبى تذاكرى فيه ؟
انى اصحى الساعه 6صباحا وافطر واشرب شاى ليبتون سخن فى البلكونه وأدخل أذاكر يااااه بيبقى اجمل وقت بالذات بقى لو نمت بادرى وصحيت على الفجر صليت وذكرت ربنا وتأملت السما شويه ودعيت ربنا وأعدت أزاكر ساعتها أحسن وقت ببقى ذاكرت فيه
ايه اكتر مشكلة بتواجهك اثناء المذاكرة ؟
السرحان علشان كدا بنصحكم لما تذكروا ياريت ترموا كل حاجه ممكن تشغلكم عن مذاكرتكم ورا ظهركم ولو مش هتعرفوا تعملوا كدا فياريت قبل ما تذاكروا تحولوا تحلوا اى مشكله او ضغط نفسى او هم هتسألونى أزاى الحل بسيط هتتدخلوا للوضوء بعد كدا للصلاه بعد كدا للأستغفار والدعاء وكل ده مش هياخد وقت بس هترتاحوا حتى من اى ذرة هم فى تانى حاجه الملل وده حله ان منوصلش مدة المذاكرا متوصله ياريت تبقى منفصله يعنى كل ساعتين يكون فى راحه
مكان الامذاكرة عندك مناسب ؟
نعم مناسب بس انا مليش مكان مذاكره محدد اصلى بمل بسرعه أنا بقى بتحدى الملل بأنى أغير مكان مذاكرتى كل لما أزهق ده لما بذاكر يعنى
ساعات بذاكر على مكتبى ساعات بذاكر وأنا واقفه وساعات على السفره ساعات فى البلكونه وساعات فى المطبخ (متسألونيش أزاى)
ايه اخبار اصحابك بيشجعوكى و لا ايه ؟
كان فى ناس زمان أعرفهم معرفش ازاى كنت بسميهم اصحابى هما سبب لغبطه كبيرا فى حياتى الحمدلله بس ياريت اللى يختار الصديق يختار صح يختار حد كويس يشجعوا على الصح ويحققوا سوا اهدفهم معنديش أصحاب دلوقتى بس أتعرفت على انسانه كويسه جدا هنا فى المنتدى نفسى انا وهى نكون اصحاب لانى بجد انا وهى مطمنين لبعض وبنواصل بعض من حين لأخر
خلاص كفاية كدة عشان مانعلطيش
تعطلونى ايه انا اللى كفايه طولت عليكم
و اختارى بقى العضوة او العضو اللى جاى
العضو هانى الشرقاوى
11-02-2011, 08:51 PM
العرض المتطور
