نفسي اعرف مين هيآمن ينزل ابنه أو بنته يروح المدرسة في الأوضاع اللي احنا فيها دلوقت
أنا انهاردة نزلت المدرسة الصبح عادي جدا وفجأة سمعنا ان فيه مظاهرة عند مبنى محافظة بورسعيد وان الناس حرقت المحافظة وفيلا المحافظ وسيارته
وكلنا وقتها خفنا ...... فما بالكم لو الدراسة شغالة وأولادنا في مدارسهم طبعا كلنا هنجري نستأذن علشان نلحق أولادنا اللي مدارسهم في محيط المحافظة اللي اتعمل في شوارعها كردون وتم اغلاقه وساعتها كلنا هنموت من الخوف على اولادنا اللي محصورين في مدارسهم واحنا اللي محصورين خارج الكردون
وضع زي دة كلنا معرضين له لهذا اتمنى الغاء الفصل الدراسي الثاني لحين الوصول للإستقرار التام
وربنا يحفظ مصر بلدنا من كل شر
|
10-02-2011, 12:06 AM
العرض المتطور
