قصيدة شغل الأمريكان

nasser gad · #1 05-02-2011, 10:47 AM

شغل الأمريكان –شعر إلهام صلاح
اتفرج يا سلام
على شغل الأمريكان
ع الجهل وع الفساد
ع الظلم والامتهان
كانت أمتنا سايدة
كانت شعلتنا قايدة
كانت همتنا راية
مرفوعة للعنان
كان المولود بطل
كان المفقود شهيد
كان العامل أمل
عزمه يفل الحديد
وإيدين خدام قلم
ف إيدين سدنة إيمان
واليوم الأمريكان
دهسوا بلاد العرب
ضحكوا عليهم بحلم
غاب العقل وهرب
بالعربى المختصر
دول أهل الإنفلات
شربوا الدم ف كاسات
شيطان لابس بشر
مرة يقولوا دى موسكو
هى أكبر خطر
وأهى وقعت والتاريخ
شاهد ع اللى انكسر
هوإحنا نسينا روحنا
ونقول وحياة جدودنا
وترابنا وأرضنا؟!!!!
كانت فين الشهامة
لما بقينا فى ندامة
نقدر نمسك سلاحنا
أونرفع حسنا
لأ وحياة اللى راح
ما هنفلح عمرنا
بصوا لمهد المسيح
شوفوا الأقصى
اللى زاعق
طب فين تاه ردنا؟!!!!
أمريكا وإسرائيل
ناوين على هدنا
وأهو بدءوا من العراق
والدور جاى عندنا
وساعتها نقول بخوف
لو يسترربنا
ويهد الأمريكان
والإيد على خدنا
ويا ريت العمر يرجع
ونوحد صفنا
اتفرج يا سلام
ع الذل وع الهوان
مش ذل الأمريكان
دا هوانا بجهلنا
مش ذل الأمريكان
دا ضياعنا بضعفنا
مش ذل الأمريكان
دا أدب من ربنا

رضاالوادي · #2 05-02-2011, 02:23 PM

ربنا فعلنا يستر لنبقي عراق 2

LoOoLy El Treikawya · #3 05-02-2011, 02:45 PM

خليكو خايفين .. خليكو فى ذل مبارك

يوم مانفكر نحرر نفسنا تقلبوها مسرحية ازاى تكون جبان

وهو مين طول عمره كان حبيب امريكا واسرائيل غير مبارك

دة كلام خيالى من منافقين الحزب الوثنى الغير ديمقراطى

وعيشو فى خوووووووووووووووووووووووف

اوعى تطلع تقول حقك .. عيش جبان .. احسن تتهان .. من الامريكان

ياااااااااه قصيدة جميلة جدا فيها كل سمات العربى الاصيل الشجاع شكرا

إلهام صلاح · #4 06-02-2011, 12:15 AM

شكر ا جزيلا

nasser gad · #5 06-02-2011, 12:23 AM

سلمت الايادي

ويا سلام على الامريكان ولكن لعلنا في طريقنا لتحرر

تحية لك

من مواضيع الباشازوبعة نت :

أعتدوا على ناشطين أمام السفارة التونسية

مشجعات خليجي20.. استحوا ياعالم!

صعلكة (1)...

((((((لإثارة والفجــــــــور)))))))) زوبعة

هيا أنهض يا شعب الجنوب الأبي وقل لا.. لا.. لخليجي 20

التوقيع:

جلست لما كملت رصيدك النضالي الله يصلحك سويت مثل صقر