الشباب يباد فى ميدان التحرير

[حـHoSaMـسام]

انا خلصت خدمة ونزلت اجازة
والله لما شفت حال البلد قلت منك لله يا كل واحد لسة قاعد فالتحرير
قادر ربنا ينتقملنا منكو واحد واحد عاللي عملتوه فالناس

[اسد السنه]

بصراحه ان حاسس انى اشاهد مباراه بين فريقين
الفريق الاول:
الحزب الوطنى والاعلام المصرى المؤيد تماما للرئيس مبارك
والفريق التانى:
فريق الشباب المتظاهرين فى القاهره والمحافظات التانيه والذى يتكلم بلسان حاله القنوات الفضائيه زى الجزيره والحره والمستقله ولندن والحره وغيرهم
خطه الفريق الأول:
1- استخدام الاعلام فى اعطاء صوره عن المتظاهرين انهم اعداء الوطن وخونه وبينهم جماعات مندسه واسرائيلين وانهم مش عاوزين استقرار مصر وطبعا ده هيخلى الناس تكره المتظاهرين ولو ماتوا كلهم يبقى هم اللى يستاهلوا انهم بيعملوا الشغب ده
واعتقد ان التلفزيون المحلى فعلا نجح فى كده
2- قفل البنوك وتضييق الحياه على الناس لحد الناس ماتزهق من المتظاهرين وده اكيد هيحصل
3- المراهنه على عنصر الوقت هيسيبوهم فى الميدان لحد مايزهقوا ولن يستجيبوا لمطالبهم الاساسيه
4- تخويف الغرب من جماعه الاخوان المحظوره انها ممكن تمسك السلطه لو الرئيس ترك الحكم ولذلك كل السياسين الموالين للحكومه بيضغطوا على الحته دى ويقولوك ان الثوره دى بيحركها الاخوان اللى الاعلام مخوف كل الناس منهم تقوم الدول الاخرى تقف ضد مطالب المتظاهرين
4- عمل مظاهرات مضاده لمظاهرات الشباب
5- بث الاشاعات فى وسط المتظاهرين وعمل حرب نفسيه عليهم
6- بث الفرقه بين صفوف المعارضه والمعروف ان فرق تسد
وانا اعتقد ان الحزب الوطنى خطته نجحت تماما
خطه الفريق التانى:
1- التجمهر باعداد كبيره فى الميادين العامه وده بيجذب انتباه العالم الغربى
2- استخدام القنوات الفضائيه العالميه فى توصيل مطالبهم للعالم
((ده تحليلى للموقف ده واعتقد ان الفريق الاول هيكسب والنظام سيظل باقى ))

[توتاااااااااااااااااا]

المشاركة الأصلية كتبت بواسطة arabianpda

والله انا بضحك لما اشوف شويه العيال قليلي العلم

والي هايجين مع الهوجه وخلاص

يا عمي دا نص الي بييجي يسألهم بيقولولوا احنا شباب 25 ابريل
حتي مش عارفين هما بادئينها امتي

خلينا صرحاء
اسهل حاجه علي حسني انه كان ياخد ماه ملايين ويمشي بره مصر ويسيبها تولع

وانت باين عليك ولا فاهم سياسه ولا بتنجان
اخي اقري الدستور وهتفاجئ انه
1
لو تم حل مجلس الشعب لن يتم اي عديل دستوري
واحد
+
رحيل مبارك
=
شهر انتخابات رئاسيه وسط فوضي + انتخابات شوي وشعب

وده مع انتخابات تانيه في شهر 9 يافرحتي
تكون البلد ولعت

2
الي موجودين ف التحرير نصهم عيال هبله
لسه حتي ماكملوش سماع البيان وقعدوا يعملوا هوجه ومسمعوش الباقي "انت كنت هناك التلات" بعد البيان رجعت البيت

3
هو حضرتك فاكر ان امريكا الي قاعده تقول لمبارك امشي
دي بتحبك

افهم

الي موجودين ف التحرير عاملين زي البت مها ف برنامج عمرو اديب
حماره - غبيه - قافله ودانها

والله والله والله
لو ان الريس كان قال انا ماشي لكانوا يقولوا لاااااااااااااامش كفايه

والله عندك حق دول مش عاجبهم العجب

[الأستاذة هدى]

مع كامل احترامى وتقديرى لرأي السادة الزملاء عن الجزيرة فإن لى رأى يختلف فى زاوية الرؤية للقناة
فأنا أتفق انها تشحن الناس
أرى انها تركز على المعارضين اكثر من تركيزها على المؤيدين
أؤكد انها تحاول إثارة الرأى العام
لكننا نحن من نفسح لها المجال حينما نتركها تبث كثير من الحقائق التى نكذبها نحن
الجزيرة تقول ما تقوله جميع الوسائل العالمية
اشتكيت لأخى من إثارتها للجماهير وهو يعمل ومقيم بدولة اوروبية , قال لى بالحرف الواحد "سيبك من الجزيرة شوفى التليفزيون الفرنسى الإيطالى العربية السى ان ان بيقولوا نفس الكلام والعالم كله عارف اللى بيجرى ف مصر حتى ضرب المتظاهرين المسالمين من البلطجية التابعين للحزب الحاكم ، كل العالم كداب وتليفزيوننا بس اللى صادق؟؟"!!!!!!

أشهد الله تعالى انى رأيت بالجزيرة بالرغم من كل شىء مصداقية غير متواجدة بالتليفزيون المصرى
مثال : ترجمة التليفزيون المصرى لنص حوار أوباما كان محرفاً تحريفاً واضحاً حيث نشروا ان أوباما قال "التغيير فى مصر بدأ بالأمس وليس فى شهر سبتمبر" !!! وثبت ان الجزيرة أكثر صدقاً ونفس الترجمة حرفية على شاشات اخرى كثيرة نفس الترجمة ذاتها وهى على لسان أوباما "التغيير فى مصر يجب ان يبدأ من الأمس وليس فى سبتمبر " واضح ان ثمة تلاعب طفيف لدينا فى الترجمة لكنه يقلب المقال تماماً وهذا هو ما نفعله نحن بأنفسنا !!!
الجزيرة نقلت ليلة الأربعاء صورة حية مباشرة لميدان التحرير ومداخله ورأيت بأم عينى رأسى ما حدث بالميدان من اعتداءات لبلطجية على متظاهرى الميدان المسالمين ، ورأينا اطلاق النار ، ورأينا سحب مصابين وقتلى ، فأين كان اعلامنا من تغطية مهمة كهذه؟؟!! ولماذا لم يتم نقل الصورة كاملة؟ ولماذا تم تغيير الحقائق؟؟ اليس نحن من نفعل هذا بأنفسنا حينما ننقل الصورة مبتورة ومشوهة وحينما نحاول طمس الشرفاء وتشويههم ، وحينما نحاول تغيير الحقائق وكأننا نخرج افلام سينيمائية مشوهة؟؟؟

وسائل الإعلام العالمية تقول نفس ما تقوله الجزيرة وتحدثت عن بلطجية هاجموا المسالمين بالميدان وأصابوهم وشجبوا ما تم بالفعل
وسائل الإعلام العالمية وعلى رأسهم المجلس الدولى لحماية الصحافة قال ان السلطة بمصر تريد فعل جريمة دون شهود" وذلك تعقيباً على ايذاء الصحفيين وتعقبهم ومنعهم من التغطية الصادقة

فلماذا نلوم الجزيرة التى تنقل حقائق بينما لا نلوم انفسنا ونحن نطمسها؟؟؟!!!!!!!!

[اسد السنه]

تشويه صوره المنافس واتهامه بالعماله لعبه قديمه عاوز اقول للشخص اللى مجند نفسه للهجوم على القنوات الحره مش قنوات الهشك بشك وقنوات تأليه النظام اتق الله الذى سيحاسبك على كل كلمه تقولها الدنيا فانيه وهناك فى الاخره عند قنطره المظالم كل واحد سيأخذ حقه من الذى ظلمه او ساعد الظالم على ظلمه ربنا حاسب فرعون وهامان وجنودهما وليس فرعون وحده يوم القيامه لن ينفعك الا عملك انت حر انت تؤيد هذا او تعارض ذاك لكن لاتشوه صوره الاحرار بدل ان تتكلم عن البلطجيه اللى قتلوا الشباب المسالم فى ميدان التحرير تتكلم عن القنوات الشريفه
التى تدافع عن حقهم؟ شوف قنوات الكذب بتاعتك اللى عامله غسيل مخ لشباب مغيب عن الوعى لذلك ليس لها مصداقيه فى اى دوله فى العالم ولا احد يشاهدها الا ربات البيوت والسذج

[mr gaber]

ربنا يستر http://www.fonekat.net/vb/t78172.html

[mr gaber]

رسالة هامة وعاجلة إلى أبناء مصر العقلاء

...إن كنتم تريدون فوضي .. فقد حققتموها.

...إن كنتم تريدون تغييرات .. فقد غيرتموها.
.........
..... إن كنتم تريدون الرئيس .. فهو معنا حتي نهايه الفترة.

......إن كنتم لا تريدون الرئيس.. فقال لن يرشح نفسه مرة أخري.

...إن كنتم تريدون النهضة... فقد حان الوقت لنساعد بعضنا ... ونتكاتف لننهض مرة أخري.

وإن كنتم تتظاهرون بلا هدف .. فأتركوا مصر .. لأن شعبها أعظم شعب

[mr gaber]

[mr gaber]

[aboareda]

اولا اشكر الابلة هدى فهى فعلا إنسانة مثقفة كل مشاركاتها فى هذا الموضوع رائعة وأأيدها فى رأيها بالنسبة قناة الجزيرة فعلا قناة كويسة وتأتى بحقائق وتاريخها يشهد بذلك فى حرب العراق وكان هناك اراء داخل البنتاجون لضرب مقر القناة أثناء الحرب وفعلا يا جماعة المظاهرة تنادى بإسقاط النظام والتليفزيون المصرى بيقول المظاهرة بتناعدى بإصلاحات اجتماعية وسياسية وتغير الحكومة بالله عليكم المظاهرة بتقول كدة حاجة تجنن طيب الموضوع الاصلى للرسالة اية الحل نفسى اسال سؤال احنا ال وضعنا الدستور ولا الدستور هو ال عملنا حاجة غريبة دستور اية ال ارفنا علية السيد الرئيس عايز ينهى حياتة فى صورة كويسة ونحن نوافق وهو على راسنا من فوق اكيد فكر وتعب وحارب من اجل البلد ماشى على راسنا ونحن لا ننكر اخطاؤة السياسية الله يسامحة المهم الان ياريت اولا يحل مجلس الشعب والشورى وياريت بلاش مجلس الشورى اصلا ملوش لازمة ونبدأ فى انتخابات مجلس شعب بالبطاقة القومية تحت اشراف القضاء مع ملاحظة بان مجلس الشعب هو الذى يسن القوانين يعنى لازم يكون عباقرة المجتمع مش ناس تنام ونظام القبائل دة كلام طيب التزوير يجب ان يكون الشعار انتخابات الشرفاء والناس كلها ال بتعمل المظاهرات والمصريون بصفة عامة تباشر عملية الانتخابات مش عايزين نتقدم يالله نعمل كل حاجة بانفسنا راينا الداخلية مش عارفة تحرس نفسها والله انا عايش فى منطقة من يوم المظاهرة 25يناير لم يحدث اى مشكلة ولا سرقة ولا اى حاجة هم كانوا جدعان فى هدر كرامة الانسان المصرى بس وانتم فاهمنى وبعد كدة نعمل دستور جديد او استفتاء كل المصرين يقراوا الدستور القديم ويضعوا دستور جديد كل واحد على حدة الذى يريد المشاركة ويوضع امام خبراء القانون فى مصر وينتقوا افضل البنود ويصيغوا قانون مية مية يعرض على مجلس الشعب وبعد كدة انتخابات راسة الجمهورية طيب سوف يقول قائل الموضوع دة عايز مدة طويلة اكثر من ستمبر القادم ميعاد انتخابات راسة الجمهورية واية يعنى اية المشكلة يفضل الرئيس حتى اتمام المهمة دة لو انتم عايزين الموضوع يمشى من الناحية القانونية او الان يترك الحكم الى لجنة من حكماء الوطن حتى ينفذوا هذا الموضوع ولكن انا افضل الراى الاول وشكرا