بلدنا بتخرب و لازم نعمل حاجة. اللهم لا تؤاخذنا بما فعل السفهاء منا ، و لا تسلط علينا

[اسد السنه]

بصراحه ان حاسس انى اشاهد مباراه بين فريقين
الفريق الاول:
الحزب الوطنى والاعلام المصرى المؤيد تماما للرئيس مبارك
والفريق التانى:
فريق الشباب المتظاهرين فى القاهره والمحافظات التانيه والذى يتكلم بلسان حاله القنوات الفضائيه زى الجزيره والحره والمستقله ولندن والحره وغيرهم
خطه الفريق الأول:
1- استخدام الاعلام فى اعطاء صوره عن المتظاهرين انهم اعداء الوطن وخونه وبينهم جماعات مندسه واسرائيلين وانهم مش عاوزين استقرار مصر وطبعا ده هيخلى الناس تكره المتظاهرين ولو ماتوا كلهم يبقى هم اللى يستاهلوا انهم بيعملوا الشغب ده
واعتقد ان التلفزيون المحلى فعلا نجح فى كده
2- قفل البنوك وتضييق الحياه على الناس لحد الناس ماتزهق من المتظاهرين وده اكيد هيحصل
3- المراهنه على عنصر الوقت هيسيبوهم فى الميدان لحد مايزهقوا ولن يستجيبوا لمطالبهم الاساسيه
4- تخويف الغرب من جماعه الاخوان المحظوره انها ممكن تمسك السلطه لو الرئيس ترك الحكم ولذلك كل السياسين الموالين للحكومه بيضغطوا على الحته دى ويقولولك ان الثوره دى بيحركها الاخوان اللى الاعلام مخوف كل الناس منهم تقوم الدول الاخرى تقف ضد مطالب المتظاهرين
4- عمل مظاهرات مضاده لمظاهرات الشباب
5- بث الاشاعات فى وسط المتظاهرين وعمل حرب نفسيه عليهم
6- بث الفرقه بين صفوف المعارضه والمعروف ان فرق تسد
7- نشر ناشطين على الانترنت يقنعون الشباب بتأييد مبارك واتهام المعارضين بالخيانه وذلك منتشر فى المنتديات حاليا
8-محاوله فقدان ثقه العوام فى القنوات الاخباريه التى تنقل الحقائق بصراحه شديده واتهامها بالعماله والخيانه..الخ حتى لايشاهدها المصريون ويشاهدوا التلفزيون المصرى المنحاز الى جانب النظام طبعا وهذا يقوم به الاعلام المصرى وبعض الناشطين على الانترنت
9- نشر اكاذيب من خلال قنوات محليه خاصه كالمحور يصدقها الناس الذين لافكر عندهم فيكرهوا المتظاهرين ولايكونوا عونا لهم
10- تحميل الاخوان مسؤليه توجيهه الشباب نحو اعمال عنف حتى يكون ذلك فزاع للدول الغربيه ومبرر لاعتقالهم وانا اعتقد ان الحزب الوطنى خطته ذكيه جدا جدا جدا
خطه الفريق التانى:
1- التجمهر باعداد كبيره فى الميادين العامه وده بيجذب انتباه العالم الغربى
2- استخدام القنوات الفضائيه العالميه فى توصيل مطالبهم للعالم
3- المصريين الموجودين فى الخارج ينظموا مسيرات فى جميع انحاء العالم تضامنا مع المتظاهرين المعارضين فى الداخل

((ده تحليلى للموقف ده واعتقد ان الفريق الاول هيكسب والنظام سيظل باقى ))

[وائل العطار]

أنا بتابع الجزيرة والعربية و cnn و bbc وقناة أوربا للاخبار ، وفعلاً معاك حق إن معظم المعلومات واحدة ويمكن كلها ، دي حقيقه ولكن ..
قناة الجزيرة تتحامل علي مصر فعلاً عند تحليلها للأخبار فمثلاً عندما يسال المذيع ضيفه علي الهواء ويقول : انت معي سيدي أن النظام في مصر تآكل وجاء وقت التغيير ؟ أم أنك تؤيد سياسة النظام في القمع والفساد ؟
طيب بذمتك دي طريقه لتحليل الاحداث أو للحوار دا كان ناقص يقوله قول ايه !!!
وطبعا ضيوفهم بيختاروهم بحيث يكون معارض وضد النظام ...
سمعت مره علي الجزيرة من يوم 25 إلي يومنا هذا اتصلوا بشخص محايد أو معتدل أو سمحوا له أن يعمل علي التهدئة طبعاً محصلش !
ولو اتصل بيهم حد علشان يرد علي تحليلهم المستفز وشحنهم المتواصل 24 ساعة
أول ما يسمعوه بيدعو إلي الهدوء وعودة الشباب إلي المنازل لعودة الاستقرار طبعاً المكالمة تختصر ويأتي من بعده ليقول أنه من عملاء الحزب الوطني أو أنه من الأغنياء الذين لا يشعرون بالفقير !!
هذا ما يحدث أخي وأنا أتابع ذلك ، حتي أن بعض الناس لم يعد يري الجزيرة معللاً ذلك بأنه عندما يجلس أمامها يشعر بالضيق مما يحدث ويتخنق ... فعلاً قناة تحليلاتها مستفزة وكلها ضد الهدوء والاستقرار وتشحن الناس لمواصلة الغضب والثورة مهما تكلف من ثمن وتبين مبارك أنه ديكتاتور ومجرم وهو قطعاً ليس كذلك بل هو قدم لمصر الكثير حرباً وسلماً كذلك له العديد من السلبيات التي عاني منها شعبه سنوات فهو بشر اصاب أحياناً وأخطأ أحيانأً وجاء وقت التغيير وهو اعترف بذلك فلا أظنه ديكتاتوراً أو مجرم حرب
هذا رأي شخصي