اقتباس:
المشاركة الأصلية كتبت بواسطة مدرسة الانجلش
ده شئ متوقع انه يحصل وحصل عندنا برده
ولكن
كفاية بقي ياجماعة
كفاية مظاهرات
كفاية شباب يموتو
كلها كام شهر والراجل يمشي
بجد لازم يكون فيه استقرار
وبعد كده نعيد ترتيب البيت
بعد انتهاء فترة مبارك
ياجماعة الحال كله واقف
تعالوا نفكر بعقل شوية
بجد لو الحال ده استمر
يبقي اللي جاي ايام صعبة
علي الجميع
والحال هيزيد خراب
ممكن رأيي ميعجبش ناس كتير
بس والله انا مش مع حد
ولا انتمي لاي حزب
انا بس عايزة اعيش في استقرار
مش اكتر
وانا شايفة ان الاستقرار حاليا في بقاء مبارك
انا ارد عليكى وقلك كفاية ظلم كفاية سكوت طيب ماهى الناس ساكتة 30 سنة على ظلم عايشة فى فقر وذل واهانة المصرى ارخص مايكون فى مصر وبرة مصر 30 سنة عمل اية غير انة يبيع فى البلد حتة حتة لليهود وجمال ابنة يبيع فى اثار مصر ودى حاجة احنا هنا فى الصعيد شفناهة بعنينا يجى البلد ويطفى النور البلد كلها عشان يهرب الاثار ومحدش يعرف انة هنا فى البلد حسنى مبارك بيجى ويحط على الغلبان لية ؟؟؟ سؤال نفسى اعرفلو اجابة يخصم من التموين ويغلى السلعة لية لية ؟
لية عايشين على منتج صينى لية ؟
انهاردة انا اكلم واحد صينى يقولى انتم الماضى واحنا المستقبل تخيلى والله ما عرفت ادر علية سكت
فى اب يقتل اولادو للى بيحصل النهاردة فى مصر حرب بس مع الحكومة عشان كرسى كفاية انو اتعاون مع اسرائيل وامريكا عشان يقتل شعبو اخذ اسلحة منهم مش حرام دا
بصى لو حسنى مبارك فضل كام شهر تانى اول حاجة حينتقم اشد انتقام تانى حاجة هو حيشرف على الانتخابات وبتالى حيختارو الرئيس على مزاج امريكا واسرائيل ونعيد الكرة من تانى وظلم تانى |
وانا على نفسى مش ممكن اختار البرادعى او ايمن نور او اى حد بيصتاد فى مية العكر
__________________
اللهم انى عفوت عن كل من ظلمنى واغتابنى وانتقص من قدرى فاعفو عنة واغفرلى يارب اذا اسات الى الناس فاعطنى شجاعة الاعتذار واذا اساء لى الناس فاعطنى شجاعة العفو يارب انجح حقق لى املى وحلمى يارب ااااااااااااااااااااااااامين يارب اااااااااااااااااااامين عندى امل
|
03-02-2011, 07:30 PM
العرض المتطور
