ارجو المساعدة ضرورى

[رودينا1]

السلام عليكم

اولا انا طالبة فى الثانوية العامة المرحلة الاولى مشكلتى متعتبرش مشكلة عويصة باختصار انا نفسى اجيب مجموع كبير لكن العقبة ال ادامى انى مش عارفة اذاكر ازاى الدروس بتضيع الوقت لكن فى نفس الوقت مهمة ممكن اذاكر ال اخدته الحصة ال قبلها واحل عليه لكن بركن القديمنفسى انظم وقتى واعمل جدول للمذاكرة لكن مش عارفة ازاى بحب ابدأ يومى من الصبح بدرى لكن اغلب الايام بأخد درس 6:30 الصبح وممكن درس الظهر او الساعة 3 فى 3ايام باخد فيها درسين و4ايام باخد فيها درس واحد نفسى انظم وقتى زى البنات ال معاية بنات ما شاء الله عليها عارفة مصلحتها تذاكر على الجديد والقديم ولو فى اسئلة مش عارفينها يدوها للاستاذ ويحلوا فى اكتر من كتاب انا فى موار معاية فيها كتابين لكن كتاب ممكن احل فيه والتانى فاضى واكبر مادتين مش متظبطة فيهم العربى والفرنساوى بالنسبة للعربى القصة عاملة للى قلق مع انها جميلة وسهلة الا ان الفصل ممكن يكون 15/20 صفحة وبمل اما الاقينى قاعدة فى درس واحد كتير ويمكن بعد ما اخلصه مفتكرش فيه حاجة والفرنساوى اكتر مع انه سهل الا ان انا مبدئتش صح من الاول الدرس من هنا احفظ كلماته مرجعلهاش تانى واكيد هتتنسى وانا اصلا باحفظها بالعافية وال e مش حافظة كلمات كتير بالرغم انها مهمة جدا لسؤال الترجمة والرياضة كذلك يمكن فى دروس محلتش عليها من اول السنة وكذلك الكيمياء شوفتى انا مستهترة ازاى نفسى الحق نفسى قبل ما اضيع نفسى اكون مظبطة الترم الاول قبل الامتحان التجريبى واكون شده عليه قوى نفسى ابقى اد الثقة عشان مجبش مجموع وحش ومستوايا ينزل من نظر المدرسين انا ممكن اذاكر الحمد لله كويس لكن ممكن اهتم بمادة على حساب بقية المواد ياريت تساعدينى وتقوليلى اعمل ايه وانظم وقتى ازاى وازاى اذاكر الدرس واكون مخلصاه على اكمل وجه وازاى اهتم بالفرنساوى والعربى ازاى اعمل جدول مذاكرة اذاكر كام ساعة انام امتى واصحى امتى نفسى ابقى من الاوائل وطبعا التفوق مش هيجيلى على طبق من فضة نفسى بجد اثبت نفسى