بتزعلى ليه لما تتعكسى ؟؟؟

[MohammeD el_SadaT]

<div align="center"> <div class='quotetop'>إقتباس(Dare Angel @ Aug 16 2007, 11:16 PM) [snapback]349041[/snapback]</div>

والله الحل عند رقابه الممثلين
او نقول تلت اربع الحل عندهم
لو عملنا مقارنه بسيطه قبل انتشار الدش وبعده هتلاقى ان البلد دى غير البلد دى خالص
بس علشان مش اخرج عن الموضوع
الحل ان البنت تبقى واثقه فى نفسها وتبقى عارفه انها لو اتعاكست بسبب انها اوفر او مش محترمه _دول الاغلبيه مع ان كله بيتعاكس دلوقتى- فهو من ضهرها هيقول انها مش محترمه
وكتييييييييييييير شفت الكلام ده والله
ولو البنت واثقه فى نفسها ده هينعكس على طريقه لبسها على تعاملها على حياتها كلها فايه هيخلى واحد يعاكسها؟
بالنسبه للشباب دلوقتى محتاج يعرف شويه ان كرامته بتتبهدل يوم ما بيعاكس بنت
ايه يخلي واحد يعرض نفسه لكلمه او لاى حاجه من بنت او من اهلها
مش رجوله ابدا وبرده كما تدين تدان واللى بيعمله اكيد هيترد ليه فى اهل بيته[/b]

فعلا للإذاعه والتلفزيون دور كبير فى اللى بيحصل
بس والله بردو ليها دور أكبر فى معالجته ليه احنا قلدنا الشر ومسمعنهمش فى الخير
وإنت فى ايدك الريموت عارف ان ده الخير وده الشر

زى ما انت عارف هنه الجنه وهنه النار
وليك حريه الاختيار


</div>

[MohammeD el_SadaT]

<div align="center"> <div class='quotetop'>إقتباس(احمد رضا @ Aug 17 2007, 09:28 AM) [snapback]349215[/snapback]</div>

تسلم يا باشا علي طرحك للموضوع الجميل ده و فعلا احنا مش عايزين كلام احنا عايزين حلول علي طول

بصراحه انا برمي الحمل تلت ارباعه علي الصبيان في صبيان زباله اوي اوي

يعني انا اقسم بالله اكتر من حوالي 31 مرة اتخانق بسبب المشوار ده

يعني مرة ألاقي واحد بيعاكس بنت جارتنا و ماشيه لابسه اسدال ( ياعم لبست اسدال عايز ايه تاني الله يخربيتك ) انا مش عارف يعني عايزها تلبسله ايه انا من رأيي البنات تلبس طقيه خفيه دي بقت مهزله

و ألاقي برده واحد بيعاكس اخت صاحبي مع انها ماشيه محترمه و لبسها حشمه ( يابني روح للي يستاهلوا روح للزباله اللي زيك بلاش المحترمين )

و يوميها برده عملت خناقه كبيرة عشان الموضوع ده


بس مش معني كدا ان البنات ملهوش دور لاء ليهم دور و دور فعال اوي كمان


ملحوظه : اقسم بالله العظيم انا عمري ما عاكست بنت ولا هعاكس بنت ولا في دماغي اي حاجة من اللي في دماغ معظم الشباب و بعامل البنات زي ما بحب ان الصبيان تعامل اختي و الله علي ما اقول شهيد

مرة كنت ماشي و كان في شاب بيعاكس بنت قولت ايه البنت دي كانت معايا في الدرس زمان لا انا اعمل ايه اشغل الولا شوية عبال ما هيا تقدم شوية وقفت الولا و قولتله لو سمحت الساعه كام و فتحت كلام معاه لمده عشر ثواني ببص ورايا لقيت البنت واقفه و بتبص علي الولد وبصتلها عملت نفسها بتبص للبترينه ياااااه حسيت بالخنقا جامد و قولت في نفسي حلال فيكي بقه انتي بنت غير محترمه اساسا و قولت للولد شكرا بس مش عشان الساعه لا عشان خلاني اميز البنت دي


و انا شايف و الله اللي عايز يبقي محترم هيبقي محترم تحت اي ظرف و اي مكان و لازم الولد زي ما انت قولت و انا قولت كدا ميت مرة انه يعرف انه اللي هيعمله لازم يتعمل في اهله سواء كانت امه او اخته او بنته فيما بعد


و بقول للبنت ياريت تحافظي علي تعاملاتك شوية و متضحكيش بصوت عالي و تبقي كل حاجة محكومه و ربنا يهدي الجميع بإذن الله


الف شكر ليك علي التوبيك معلش لو طولت عليك شوية[/b]

منوره والله يا احمد
وياباشا يا ريت كل الناس تطول زيك وتتكلم فى الموضوع كده

وفعلا فيه بنات كتير جدااااااااااااااااا بتتعاكس
وتيجى تدخل عشان تدافع عنها تلاقى نفسك اتحطيت فى موقف يخليك هتتشل إنها عاوزه تتعاكس انت مالك شىء من هذا القبيل


وربنا يستر على ولاينا


</div>

[basmala]

انا اساسا مش لاقيه موضوع يتقرى عشان اعقب عليه ....فانا هعقب على العنوان بس

[MohammeD el_SadaT]

المشاركة الأصلية كتبت بواسطة basmala

انا اساسا مش لاقيه موضوع يتقرى عشان اعقب عليه ....فانا هعقب على العنوان بس

والله أنا طلع عينى عشان أكتب الموضوع ده
بس بعد ما المنتدى اتنقل من السرفر القديم الموضوع راح والردود فضلت ليه مش عارف

[*محبة الله*]

بسم الله الرحمن الرحيم

انا مش عارفه ابدأ الموضوع منين ولا منين
بس ربنا حيسهل ....

بصفتى بنت:D.......... وحاسه انى شايفة الوضوع من فوق
يعنى شايفه نظرة عامة على الموضوع كله وقريت كل الردود اللى قبلى

انا حتكلم عن نفسى مثلا.. واللى مش موافقنى يا ريت يعلق
المهم انا بلبس بنطلونات مثلا .. لان الجيب مش بحبها ولا بتساعدنى
فى الحركه عشان بمشى بسرعه شوية

الامهم انا بلبسه عشان اعرف اتجرك وكده . بس ليه انا البس بنطلونات ضيقه اوى مادام انا ممكن استفيد من مميزاته والبس واحد اوسع ؟؟

زكده انا استفدت وريحت غيرى من النظرة الحرام....

انا حديكوا مثال .. انا كنت رايحه اشترى بنطلون المهم عجبنى واحد جدا فى شكلة وكده
وبعدين كان ستايله ضيق جدا .. كنت حاسه انى الشيطان بيقولى خديه عشان شيك
المهم كلمت اخويا على الموبايل وقلتله ايه رأيك
قالى انتى لو جبتيه انا حرجعك تانى المحل ترجعيه

حسيت انى فقت واخدت واحد تانى وحلو برده..

موضوع تانى .. انا بحط make up.. بس والله العظيم عارفين فى حدود الادب
واهلى موافقين على كده حتى اخويا .. لانى شكلى مش مستفز ولا حاجه
لانها حاجات بسيطه ورقيقه جدا .. وممكن تكون اقل القليل

عارفين والله انا لو حطيت eye shadow تقيل او لو زودت العيار حبتين
والله اخويا مينزلنيش من البيت غير لما اشيله
وكل ده بالاتفاق .. مفيش حاجاه مش موافقين عليها

اللبس والله انا اعرف فعلا بنات بتلبس اسدال وكده وبتتعاكس ؟؟!!

انا مش بلبس اسدال بس يا جماعه مش لازم اسدال عشان اقول انى محترمه
لبس فى حدود الادب والشياكه والاهل يوافقوا عليه

انا بس عايزة اعرف هما الولاد بيستفيدوا ايه لما يعاكسوا؟؟؟

كده خلاص عمل اللى هو عايزة ؟؟

واكاد اجزم ان مفيش بنت محترمه مش ينتتضايق من المعاكسات .. لانها بتحس انها
فى نظر الكل رخيصه وقليله
وعلى فكرة انا عمرى ما شفت ولد بيتخانق لبنت عشان اتعاكست

دلوقتى هى الشياكه والادب حاجتين متناقضتين ولا ايه؟؟

يعنى انا بقول ان مفيشمانع تكون او تكونى شيك ومحترمه فى نفس الوقت

وعندى سؤال والله حموت واعرف اجابته من الاولاد ..
هى البنت لما تتعاكس فى الشارع امام الناس او انا اسفه يعنى لو حد مد اديه عليها
ترد عليه ولا تسكنت؟؟؟
تشتمه ولا ايه؟؟
يعنى البنت المحترمه تعمل ايه...

اخر حاجه عشان انا عملت موضوع مش رد .. اظن ان لو الولاد حيموتوا كده ويعاكسوا
والله العظيم بيبان المحترمه من اللى مش محترمه
ده البنات بيعرفوا الفرق يبقى الولاد مش حيعرفوا ؟؟؟!!!

انا اسفه للتطويل

اختكم .. هبـــــــــــــــــــــــ ة