انتبه........طفلك امانة

[Heartbeat]

السلام عليكم ورحمة الله وبركاته

ازيكوا ياحلوين عاملين ايه
طيب الحمد لله انكوا كويسين
بصراحة هتكلم عن موضوع محزن اوى ولازم يكون فى حل له
الاول لازم نكون عارفين اهمية الاطفال فى حياتنا هم اجمل حاجة فى الحياه هم من يعطى للحياه اللون والبهجة انا بصراحة مش ممكن اتخيل الحياة بدون اطفال اجمل حاجة ابتسامتهم طيب نعمل ايه لو الاطفال دول بيضيعوا بسبب الاهمال وبسبب تفاهات
انا هدخل فى الموضوع على طول
اختى الصغيرة امبارح جاية تقولى ان اخو زميلتها فى المدرسة هو فى ابتدائى توفى
هقولكم توفى ازاى
الولد ده كان بيدخل على النت وكان فى لعبه بيلعبها على طول بس هو كان كل لما يلعبها نفسيته بتتعب بسببها وعلى الرغم من كده كان برده بيلعبها هو انا مش عارفه اسم اللعبة دى ايه بس هى بتقولى انها عباره عن واحد بيشنق نفسه وبعدين بيفك نفسه تانى
تقريبا هى كده
وفى يوم كان عندهم ضيوف فى البيت والولد كان فى غرفته بيلعب اللعبة دى ده يعتبر طفل والطفل بطبيعته بيحب يجرب كل حاجة بيكون عنده فضول راح جاب كرسى وربط حبل فى الشباك وعمل زى اللعبة والكرسى اتزحلق ومات الطفل
تخيلوا صدمة الام لما تدخل وتلاقى ابنها مات بسبب لعبة تافهه!!!!!!
ياترى احنا نلوم مين!!!!!!!!!!
وكمان مره برضه طفل قريب واحدة جارتنا باباه اشترى له لبس سوبر مان وكان فى يوم باباه ومامته مش موجودين بس كان معاه اخوه اللى اصغر منه ولبس لبس سوبر مان وطلع فوق السطح وطار زى سوبر مان!!!!!!!!!!!!!!!
برضه تخيلوا صدمة الاهل!!!!!!!
ياريت ياجماعة كل ام واب يراقبوا اطفالهم يعرفوا كل حاجة عنهم يعودوهم انهم يبلغوهم بكل حاجة بتحصل معاهم ولما الطفل يتكلم نسمع له باهتمام ونعرف كل الالعاب اللى بيلعبوها على الكمبيوتر يعنى ساعات الاباء بيكونوا مشغولين كل اخ او اخت كبير يشوف اخوه بيلعب ايه
انا اختى الصغيرة مش بتلعب غير لعبة باربى بردضه البنات غير الاولاد الاولاد بيحبوا الالعاب اللى فيها ضرب واكشن
ارجوكم يا جماعة نحافظ على اولادنا كويس اوى علشان هم احلى حاجة فى الحياة
يارب مش اكون طولت عليكم

[Mr. Ali 1]

طبعاً الأولاد هم زهرة وبهجة الحياة , وأكيد كل رجل وامرأة في أول الزواج
بيكون نفسهم في ولد أو حتي بنت ويقعدوا يدعوا ربنا ليل ونهار انه
سبحانه وتعالي يرزقهم , ويدوخوا علي الدكاترة عشان الخلفة !!
وبعد ما تيجي الخلفة خلاص تبدأ الحكاية تقل تدريجياً إلي أن تصل في كثير
من الأحيان إلي الاهمال والاستهتار , والنتيجة بتكون زي بعض الحالات
اللي انتي ذكرتيها , ونرجع تاني نندم ونندب ( بعد فوات الأوان ) !!
الاهتمام لازم يكون من الأم أولاً ثم الأب ثانياُ , لكن حكاية الأخوة الكبار , ليست
في كل الأمور ( لأن الأخ أو الأخت الكبيرة ممكن يكونوا كبار في السن فقط )
تربية الأولاد ورعايتهم والاهتمام بهم ليست بالأمر الهين مطلقاً , لكن غالبية
الأسر المصرية والعربية أيضاً أصبح لديهم كثير من اللامبالاة والاهمال والتسيب
وكل هذا تأتي ثماره علي الأولاد .
كما أن الجهل لدي الكثير جدا جدا جدا من الأباء والأمهات بكيفية التربية السليمة
والتنشأة الصحيحة للاولاد , تمثل واقعاً ملموساً ومشكلة كبيرة جدا في حد ذاتها !!
يجب علي كل فتاة قبل زواجها أن تتعلم كيف تربي أولادها بطريقة صحيحة , وكذلك الأمر بالنسبة للشاب حتي لا نري أو نسمع عن وقوع مثل هذه الكوارث أو غيرها !!
ليس كل ما يرغبه الطفل , يجب أن يناله ( لكن الطامة الكبري ان كانت الأم تجهل أو كان الأب يجهل !! ) .
ويجب أن نعلم جميعاً أن لكل مرحلة عمرية من مراحل الاولاد , لها ما يناسبها من
الرعاية والاهتمام , وهذا هو ما يجهله الكثيرين جدا أو يفهمونه بطريقة خاطئة !!

[aymaan noor]

بارك الله فيكى على هذا الموضوع الرائع

[كرستال اردنية]

بارك الله فيكي
فعلا موضوع وقصة كتير مؤثرة
الله يرحمه ويلهم اهله الصبر

[Specialist hossam]

جزاكم الله خيرا
وطبعا مش الألعاب بس ؛ لا والكرتون كمان

[Heartbeat]

المشاركة الأصلية كتبت بواسطة aliweeka1

طبعاً الأولاد هم زهرة وبهجة الحياة , وأكيد كل رجل وامرأة في أول الزواج
بيكون نفسهم في ولد أو حتي بنت ويقعدوا يدعوا ربنا ليل ونهار انه
سبحانه وتعالي يرزقهم , ويدوخوا علي الدكاترة عشان الخلفة !!
وبعد ما تيجي الخلفة خلاص تبدأ الحكاية تقل تدريجياً إلي أن تصل في كثير
من الأحيان إلي الاهمال والاستهتار , والنتيجة بتكون زي بعض الحالات
اللي انتي ذكرتيها , ونرجع تاني نندم ونندب ( بعد فوات الأوان ) !!
الاهتمام لازم يكون من الأم أولاً ثم الأب ثانياُ , لكن حكاية الأخوة الكبار , ليست
في كل الأمور ( لأن الأخ أو الأخت الكبيرة ممكن يكونوا كبار في السن فقط )
تربية الأولاد ورعايتهم والاهتمام بهم ليست بالأمر الهين مطلقاً , لكن غالبية
الأسر المصرية والعربية أيضاً أصبح لديهم كثير من اللامبالاة والاهمال والتسيب
وكل هذا تأتي ثماره علي الأولاد .
كما أن الجهل لدي الكثير جدا جدا جدا من الأباء والأمهات بكيفية التربية السليمة
والتنشأة الصحيحة للاولاد , تمثل واقعاً ملموساً ومشكلة كبيرة جدا في حد ذاتها !!
يجب علي كل فتاة قبل زواجها أن تتعلم كيف تربي أولادها بطريقة صحيحة , وكذلك الأمر بالنسبة للشاب حتي لا نري أو نسمع عن وقوع مثل هذه الكوارث أو غيرها !!
ليس كل ما يرغبه الطفل , يجب أن يناله ( لكن الطامة الكبري ان كانت الأم تجهل أو كان الأب يجهل !! ) .
ويجب أن نعلم جميعاً أن لكل مرحلة عمرية من مراحل الاولاد , لها ما يناسبها من
الرعاية والاهتمام , وهذا هو ما يجهله الكثيرين جدا أو يفهمونه بطريقة خاطئة !!

حضرتك عندك حق دلوقتى بقى فى اهمال كبير بالاطفال مع ان مع ان زمان كان بيبقى الاهمال فى الرعاية الصحية لكن دلوقتى بقى فى رعاية صحية جيدة جدا ولكن مش بقى فى رعاية نفسية سليمة للاولاد المفروض انه يكون فى رعاية نفسية للطفل سليمة
انا كمان عرفت ان اللعبة دى كانت سبب فى موت 3 اولاد اخرين يعنى مين اللى بيسمح بالالعاب الخطيرة دى
وازاى الاهل بيسيبوا اولادهم يلعبوا الالعاب دى
انا مش عارفه ازاى تفاهات زى دى تضيع الاطفال اللى هم احلى حاجة

[Heartbeat]

المشاركة الأصلية كتبت بواسطة aymaan noor

بارك الله فيكى على هذا الموضوع الرائع

جزاك الله خير على المرور

[Heartbeat]

المشاركة الأصلية كتبت بواسطة كرستال اردنية

بارك الله فيكي
فعلا موضوع وقصة كتير مؤثرة
الله يرحمه ويلهم اهله الصبر

شكرا ليكى حبيبتى
لكن للاسف مش هى دى الحالة الوحيده ضحية الالعاب الخطيرةدى
ربنا يحفظ اخواتنا الصغيرين

[Heartbeat]

المشاركة الأصلية كتبت بواسطة أبناء عائشة

جزاكم الله خيرا
وطبعا مش الألعاب بس ؛ لا والكرتون كمان

جزانا واياكم كل خير
وعلشان كده لازم يكون فى مراقبة جيدة للاطفال ومشاركاتهم فى كل حاجة ومش كل حاجة يطلبوها تكون مجابة
لازم يكون فى وعى من الاهل

[Dr. Hoda Ahmed]

ايوه فعلا موقف سوبر مان ده حصل لاخو صاحبتى كان عمره حوالى اربع سنين برضه بس ربنا ستر نط من الشباك وكان فى حاجة تحت البالكونه بالرغم ان الدور التالت على فكرة بص بجد موقف فظيع اوى لما الام تتاخر الولد حب يلعب فكر فى ايه ينط من الشباك زى باتمان ولا سوبرمان

ربنا يهدى الاهل والاطفال كمان احنا بقينا فى زمن غريب اوى الاطفال بقوا زى العفاريت من الشقاوة

شكرا حبيبة على موضوعك الجميل

[Heartbeat]

المشاركة الأصلية كتبت بواسطة اللهم اغفر لى

ايوه فعلا موقف سوبر مان ده حصل لاخو صاحبتى كان عمره حوالى اربع سنين برضه بس ربنا ستر نط من الشباك وكان فى حاجة تحت البالكونه بالرغم ان الدور التالت على فكرة بص بجد موقف فظيع اوى لما الام تتاخر الولد حب يلعب فكر فى ايه ينط من الشباك زى باتمان ولا سوبرمان

ربنا يهدى الاهل والاطفال كمان احنا بقينا فى زمن غريب اوى الاطفال بقوا زى العفاريت من الشقاوة

شكرا حبيبة على موضوعك الجميل

العفو ياقمر شكرا ليكى انتى
هو فعلا الاطفال دلوقتى اشقياء جدا علشان كده لازم يكون فى رعاية سليمة علشان نحافظ على الاطفال