نفسى يا جماعة

[zamalek1]

عندى طبعا خمس مواد العربى والانجليزى والرياضة والكيمياء الفرنساوى
نفسى فى الطب البشرى حلم العمر بالنسبالى والرد على كل المشككين فيا انا من ابتدائى كنت شاااااااااااطر اوى لحد اول ثانوى مستويا هبط بطريقة غريبة جدا وعشان اثبت نفسى حططنى تحت ضغط رهيب مغ تفسى قبل اسرتى والناس بس انا داخل على الترم التانى فى تانية ثانوى وحاسس ان حلمى هيضيع زى حلم الكورة ولو ضاع الطب من ايدى هعيش بقية عمرى محبط عديم الثقة بي حتى ادخل طب واقعد فيها مليون سنة
بس مستويل مش مريحنى خالص

[1091993]

بص هقولك على حاجة انا طالب فى 2 بردو وحالى هيا حالتك بالظبط وهموت واخش طب
هقولك على حاجة وانسب حل لظروفك دى وخدها منى نصيحة عاوز تخش طب يبقى لازم تعمل كدة

اولا مش مهم الى فات مهما كان مهم ومش مهم الى راح لسا فى وقت كبير تقدر تعمل فى حاجات كتير
دا ربنا بيعمل المعجزات فى يوم يا جدع وابتدى من الاول وعاهد ربننا على كدة صفحة بيضة

2 مش تضيع وقت خالص تستغلو كويس
3اهم حاجة مش تياس خاللللللللللللللللللللص وحط تحتها مليون خط لو تراجم عليك دروس مثلا او حاجة زى كدى
خلى عندك امل كبير ومتفكرش خالص علشان لو فكرت مش هتعرف تزاكر وعلى اية بقى
وخليك متفائل وو اثق من نفسك

دا انسب حل لاى حد علشان يخش طب او يجيب مجموع كبير

وطبعا لاززم تكون معى ربنا ووهدفك ادامك وبهدوء من غير تفكير

اعمل كدا والمجموع مش بتاعك فى حاجة اسمها التوفيق
على المرء ان يسعى ولكن ليس علية ادراك النجاح



والله العظيم يا ريس فى وقت كبير كمان ومتخليش التفكير سيطر عليك

تقدر تصنع نهاية حلوة ليك والله المستعان

[داندن]

[ بصراحة بعد الكلام الجميل ده
مش لاقية حاجة اقولها
انا دلوقتي في 3 ثانوي و حلمي زيكم بالضبط
وفي نفس المشكلة
وهعمل بالنصائح دي باذن الله

انا بجد بعشف المنتدى ده
لان فيه حب جامد وتعاون بينا
يارب دايما
وكل واحد يحقق حلمه

[Rymonda]

بلاش تشتت تفكيرك
يعني ركز في حاجه وحده وهي ازاي اوصل لهدفي
وش هتعوز اكتر من انك تعمل اللي عليك
وبعدين بلاش نبرة التشاؤم اللي بتتكلم بيها دي
وتأكد دايما ان اللي ربنا بيكتبهولك هو الخير اكيد
ولو لا قدر الله محصلش نصيب في اللي نفسك فيه
فـ انت ممكن تثبت نفسك في اي مجال
بلاش نخرج عن الموضوع .. المهم انت ذاكر بتركيز
حتى لو مش هتذاكر كميه كبيره بس اهم حاجه اللي تذاكره تكون مركز فيه وفاهمه
و خد الامور ببساطه كدا متعقدهاش لو كل يوم هتذاكر مادتين
العربي خليك على صله بيه طول السنه عشان يبقى سهل عليك في الاخر
الانجلش والفرينش والرياضه حل فيهم كتيييير
والكيميا طبعا ذاكرها اول بأول
وان شاء الله ربنا هيوفقك ويكتبلك اللي انت عاوزه ..
==================
ده ردي في الموضوع التاني
وعاوزه اقوللك احنا كلنا كنا زيك هنموت وندخل طب
ولما دخلنا كرهنا اليوم اللي دخلنا فيه
لانه بجد تقييييل
بس الحمد لله طبعا ,, مينفعش نتبطر ع النعمه اللي ربنا ادهالنا
اجتهد انت بس وربنا هيوفقك ان شاء الله انت وكل اللي زيك

[طالبة الجنة 2012]

مفيش خد يندم ع اللى فات المهم اللى جاى وتانية ثانوى ابسط مما تتخيلو يا جماعة بس اعملو اللى عليكم وهتلاقوا بس اوعو تنسوا تدعوا لطلبة تالته يوفقهم ربنا السنه دى وانتم معاهم

[bonno]

انا اخوك في 2 طب ويا ريتني ما اتنيلت ودخلت
المهم
كلمة سر الثانوية هي الدماغ العاليه
بمعنى ايه ؟؟؟
لازم يكون دماغك رايق
انت مش بتذاكر عشان طب لأ انت بتذاكر عشان تعرف الناس انك اكبر من كده بكتير
عشان تجيب مجموع دايما ركز لفوق يعني عاوز 98 قول انا كده هاجيب 99

اهم حاجه ما تحاولش في يوم انك تعمل ضغط على نفسك انت طبيب نفسك
الضغط اللي انت بتقول عليه ده سبب ان في ناس كتير ما بتجبش مجموع
انسى المجموع وفكر في تحدي نفسك

بقولك لو عاوز تسمع نصايحي كلمني ع الايميل ده لاني معدتش بعرف اكتب اللي انا عاوزه زي زمان وممكن تتوه مني
منه لله اللي كان السبب ( الطب ) يا رب الدكاترة بتوعنا في الكلية يتشلوا ما عدا صبحي وماضي

يارب ويدونا بقيت السنة اجازة هييييييه هيييييييييييه

انا لسعت ولا ايه

dr.ahmad_love

*

yahoo
.
com

[bonno]

اخوك زملكاوي وهاساعدك مخصوص عشان انت زملكاوي ومش عاوز حد مننا يبقى زعلان
اي خدمة

بس انت كلمني عشان هكلمك صوت
اوك

لو في اي حاجه قولي