أحبـــــــــــــــــك أبـــــــــــــــــي...!!

[**تسابيح**]

المشاركة الأصلية كتبت بواسطة "حبيبة الله"

انا بقى بابا ده حاجة كبيرة اوى بالنسبة لى انا بحبه جدا وكمان بخاف عليه
اوى يعنى لما بيتاخر شوية فى الشغل بكون قلقانة عليه اوى

يمكن اكتر من ماما كمان

وانا صغيرة كان بيلعب معايا انا واختى
وكمان وانا فى الحضانه افتكر انى كنت بقوله بابا لماتيجى تصلى خدنى اصلى معاك
كمان كنت بحبه اوى يغسل لى ايدى بعد الاكل بصراحة هو كان مدلعنى اوى

ياسيدي ياسيدي كمان كان بيغسل لك أيدك

كل ما اكبر بابا بيخاف عليا اكتر بطريقة مش معقوله يعنى بصراحة لدرجة انى بكون متضايقة يعنى وبقول لنفسى طيب ما كل الاباء بيخافوا على بناتهم

طبيعي يابنتي لانك بنت والبنات يتخاف عليهم اكثر من الأولاد

هو مش بيحب يخلينى اخرج مع صحباتى خالص حتى فى العيد يعنى صحباتى كلهم بيخرجوا وانا لا كمان مش بيخلينى اخرج خالص لوحدى يعنى الحمد لله انى بروح دروسى ولو فى يوم رايحه الدرس لوحدى ومش معايا صحبتى بيروح هو او ماما يودونى

كنت في ثانوي كان ع طول ف معظم الاوقات بيوديني
الدرس وكانت بزن عليه دايما
زنانة اعمل ايه هههههههه

حتى لما مثلا قرايبى عايزينى اخرج معاهم ماما بتقولهم لا علشان بابا بيخاف عليا بيستغربوا جدا

بكون ساعات متضايقة بقول انا نفسى يبقى عندى حرية شوية علشان افهم الدنيا واعرف الصح من الخطا وكمان علشان اعتمد على نفسى بس بقول لنفسى اكيد هو فاهم الدنيا اكتر منى واكيد خوفه عليا ده صح
وانى لما يكون عندى اولاد هحس بخوفه عليا
انا بحب ماما وبابا اوى ربنا يخليهم ليا ومش يبعدنى عنهم
وبجد شكرا ليكى يا تسابيح على الموضوع الجميل ده يعنى بصراحة انا بحب مواضيعك اوى

أكيد طبعا والدك مش بيعمل كداا اللي خوفا عليك
ربنا يخليهم ويحفظهم يارب
شكراا ياروحي ع زوقك
اكيد مواضيعي بتزداد تشريفا بيكي ياروحي