لكل طلبة كلية العلوم ارجو الافادة

[profvip]

المشاركة الأصلية كتبت بواسطة Bsmala1

سلام عليكم
اولا ازاى علوم وتبقى مهندسه
هى علوم فيها قسم جولوجيا ودول بيشتغلوا فى شركات البترول والله اعلم
وفى قسم كيمياء بيتشغلوا فى تكرير البترول
انما مهندسه بترول اكيد لا ودى هى كليه واحدة ولرياضه وبتاخد مجموع كبير وتقريبا للولاد بس

السلام عليكم
اسمحيلى بتصحيح بعض المعلومات
هندسة البترول مش كليه واحده
معظم كليات الهندسة فيها اقسام بترول و فلزات و مناجم
انا حاليا باحث فى هندسة القاهرة دفعة السنه اللى فاتت و عندنا قسم خاص بهندسة البترول التخصص من السنة الثانية
( بشرط ان التخصص فى السنة الاولى يكون بترول و مناجم و فلزات عام )

أما بالنسبه لخريج علوم و يشتغل مهندس
هو فيه تفريق عام بين خريج علوم و خريج هندسة
بحيث ان المهندس بيهمه بالمقام الاول البحث و التطوير لمنتجات فى الواقع
لكن خريج علوم بيهمه بالمقام الاول البحث و التطوير العلمى يعنى مش شرط يكون ليه تطبيق واقعى

عموما فى المجال الاكاديمى تقريبا الفرق بيتلاشى
و بالتالى خريج كليه علوم ممكن يحضر دراسات عليا فى كليات الهندسة و العكس صحيح
مثال : علوم القاهره قسم رياضيات علوم الحاسب بيدرسوا تقريبا نفس مواد قسم هندسة حاسبات
بالمناسبة انا خريج إليكترونيات و إتصالات كهربية

ملحوظه اخرى : كان فيه نشاط شاركت فيها فى سنة ثالثة اتصالات اسمه
SPE : Society of petrolum engineering
و كان فيه شباب كتير من قسم جيولوجيا او جيوفيزياء من كليه علوم
و كانوا مشاركين فى الايفنت ده و هو كان عباره عن مجموعه من الكورسات النظريه و العمليه فى شركات البترول

بالتوفيق