استراتيجيات للحفظ وطرق للمذاكرة ونصائح هامه..

[(( أريــ الفـردوس الأعلى ــد ))]

المشاركة الأصلية كتبت بواسطة alshaimaa magdy

شكرا جدا عالموضوع ياقمر
تسلم ايدك .. بجد جميل ومفيد
جزاك الله خيرا


الموضوع كله انا معاه ماعدا الجملتين دول
أحسن أوقات المذاكرة :
1- من الساعة 5 فجرا الى الساعة 12 ظهرا
2- تاني أحسن وقت تذاكر فيه هو من 3 عصرا الى 8 مساءا
ودول انا شايفاهم للنوم افضل حاجة مش للمذاكرة
خصوصا من الساعه 3 عصرا الى 8 مساء اكتر وقت برتاح فيه فى النوم

وانا شايفه ان اكتر وقت للمذاكرة جميل من الساعه 8 او 10 مثلا لغايه الفجر


تقبلى مرورى

اولا مرسي ياروحي على مشاركتك الجميلة دية ..
ثانيا السهر يا حبيبة قلبي مش كويس خالص علينا..
انا كنت زيك بس كنت ببدأ من 6 المغرب واسهر لو في امتحانات واروح الامتحانات مش مركزة ومش قادرة اتذكر حاجة بس ربنا والله بيسترها مع اللي بيذاكر ..
واحسن وقت والله ياسكرة هو وقت الفجر للمذاكرة بيبقى فية سبحان الله بركة وبتحسي انك مرتاحة وانتي بتذاكري يعني تبدأي يومك بقراءة القران وصلاة الفجر والاذكار وأبدأي ذاكري هتحسي انك في الفترة دية مرتاحة وعارفة تركزي لكن فترة باليل دية مش هتعرفي تركزي فيها انا بستغلها بحل الرياضة لانها بتبقى فترة نومي..
بس عموما سبحان الله اوقات المذاكرة بتختلف من شخص لاخر على حسب المدرسة والدروس وفي طلاب مش بيعرفوا يذكروا الصبح وبيفضلو فترة الليل والعكس صحيح ::
هي الاوقات دية فادتني اوي يا حبي وحسيت بنظام اكتر وبستعداد للمذاكرة حاولي متسهريش يا ما ناس متفوقين اللي ضيعهم في الدرجات السهر ..
عموما ربنا معانا كلنا يا حبية قلبي ويسترها معانا كلنا ومرسي اوي على اللفتة والاضافة اللي ضفتيها للموضوع..
بارك الله فيكم::