تخيل..........!!!!!!!!!

[Dr.abdo salem]

المشاركة الأصلية كتبت بواسطة hellmaster

همنع تصدير الغاز لاسرائيل يااما يبقى بنفس السعر العالمى


وتغيير شامل فى الوزراء


ومنع الوزراء من الترشح فى مجلس الشعب


يكون من حق الدوله 50% من صافى ربح مصانع السجائر بجميع انواعها حتى يكون بدايه لمحاربتها


اعفاء جميع العمال من الضرائب الى دخلهم الشهرى اقل من 1500 جنيه


جعل صرف المعاشات عن طريق بطاقه الفيزا كارت من المكن الالى ف البنوك وهى مش مكلفه دى ب 12 جنيه اشتراك فى السنه


يلا بقى بالنسبه للرياضه هنزل نظام الاحتراف فى الدورى المصرى يبقى من حق رجال الاعمال الكبار شراء الانديه عدا نادييى القمه


وبالنسبه للجيش وهو اهم حاجه :-



اقامه مصانع للاسلحه الثقيله وذخائرها فى مصر لان وقت الحرب امريكا هتقف ضدنا وميبقاش فى معونه من الاخر


محاوله معاوده العلاقات مع روسيا وشراء الاسلحه منها واذا كان فى تحالف فى وقت الحرب ميضرش


عدد الجيش فى الوقت الحالى 450 الف بالاضافه للى اخدوا اعفى


فى زمنى بقى ميبقاش فى اعفى


الجيش هيبقى فيه 3 فروع

1- فرع القوات المسلحه وده للحروب طبعا

2- القوات الزراعيه : وده هيبقى حاجه جديده وعددهم ميقلش عن 300 الف (عندنا ملايين الشباب ليه منستخدمهمش)
ودول مهمتهم اكتشاف افضل اماكن يمكن زراعتها فى الصحراء وبعدين زراعتها بمستلزمات الغذاء مثل القمح
مش عايزين نحتاج حد

3- القوات العامله : ودول مهمتهم يشتغلوا فى مصانع الدوله خدمه لمده سنتين زى الجيش


4- انا كنت شايف بحث علمى لتدمير الالغام لعالم مصرى عن طريق ضغط صوت الطائرات عليها ويمكن تدمير الاف الالغام بسرعه فائقه وباقل تكاليف وده طبعا لتدمير الالغام فى الصحراء الغربيه


كفايه كده انا طولت عليكم معلش


ايه انفع رئيس جمهوريه ؟

جميل يا عم تنفع بس انت مش هتعمل حاجة فى التعليم ولا ايه