مسلسل التعليم

[تحية مصرية]

بمناسبة العيد انا هابدأ يوميات طالب فى الثانوية العامة ****اولا يبدأ اليوم الدراسى بالاستيقاظ مبكرا حوالى الساعة الخامسة صباحا ده لو مكنش متأخر فى المذاكرة ليلا وبعدين يصلى وبعدين يلبس الزى المخصص وبعدين الى المدرسة الى الطابور الصباحى بنعمل التمرينات بالعافية وبعدين النشيد الوطنى اللى مش بيقولوا غير تلاتة او اربعة بس وبعدين نطلع على معمل الفيزياء (اللى المفروض متخصص فى دراسة الفيزياء بالتجارب والملاحظة الدقيقة ) لكن بما اننا نختلف عن الآخرين فمعملنا بتاع كله احياء على فيزياء ومفيهوش غير خزنات المياه فقط المهم اننا مش بناخد الفيزياء غير على السبورة الفصل بيتقسم لقسمين
-اولا بعض البنات اللى جيبين مجاميع عالية يقولوا للمدرسين (احنا مآجلين يا مستر وياخدوا جروب معاهم وهاتك يا ضحك ويا هزار وحكاوى
الاستاذ/ مادام ما انته قاسمين يبقى مش اسمع صوت واحدة فيكم انا مش مجبر انى اشرح انا ممكن اقعد على الكرسى ومليش دعوة بيكم ومحدش يقدر يكلمنى يا بهوات انا عارف انكم مشحونين من بره بس لعلكم تاخدوا فكرة تنفعكم وابقوا قبلونى آخر السنة المهم يفضل كده اسكتى يا بت افهمى يا بت يا اا يشبت فى خناق واحدة ويضيع الحصة تخلص الحصة وبعدين العربى واه اه من العربى حيث الاستاذ (س)ده يمكن عنده حبة ضمير يقعد يكتب الاسئلة وبعدين المفروض يبقى فيه حل من الفصل لكن محدش يرفع ايده غير اللى جايب مذكرات معاه وحاططها فى الدرج وتعمل نفسها ممتازة وفيه ناس بتخاف تتحسد تقعد تقول عربى ايه انا ركناه على الرف والله انا هاضيع السنة دى *تخلص الحصة ونيجى لحصة الانجليزى اللى اهاتك يا ضحك جانبى على نطقه للكلمات مقارنة بمستر الدرس وبعديننننننننننن
يا ريت لو عجبتكم اكتبوا ردود علشان اكملها ونتناقش عن السلبيات فى التعليم بتاعنا من خلال الحلقة دى يا رب رب تنال اعجابكم

[الاستاذ عوض على]

شكرا لحضرتك على الموضوع

وهذه أشياء واقعية فعلا

[تحية مصرية]

المشاركة الأصلية كتبت بواسطة عوض_على

شكرا لحضرتك على الموضوع

وهذه أشياء واقعية فعلا

طيب هوه الواقع ده مش هيتغير والا هنفضل كده لحد ما نموت