هل هي مؤامرة لإشعال الفتنة الطائفية ؟ ام ماذا ؟

[اينشتاين]

بص يا محمد
مش انا اللى بقول بمبدأ ان الحاجة حرام يوم الخميس وحلال يوم الاربعاء لا ابدا مش انا
لو بصيت للامر بعقلانية شوية هتكتشف الآتى :
1-الخمر كانت حلال فى فترة وفيما بعد مكروهة وفيما بعد حرام
2-زواج المتعة كان حلال فى فترة وبعدين الرسول حرمه واعتقد انك عارف ان زواج المتعة لسه حلال عند الشيعة
3 -اكل لحم الحمير ( الحمر الاهلية ) كان حلال ايضا وتم تحريمه فى غزوة لا اذكر اسمها
4- تم تعطيل حد السرقة فى عهد امير المؤمنين عمر بن الخطاب رضى الله عنه وارضاه مع العلم ان حد السرقة مذكور فى القرآن صراحة ولا مجال لتعطيله اطلاقا

تستنتج ايه بقى من الكلام اللى فات ؟
التشريع او الفتوى سواء ايام الرسول او ايام الخلفاء- عمر بن الخطاب المثال المذكور- كان بيراعى الناحية الاقتصادية والسياسية للمجتمع وذلك لان الاسلام وتشريعاته هدفها الاول انشاء مجتمع مستقر من جميع النواحى السياسية والاقتصادية وليس فرض عقوبات وتكدير حياة الاشخاص

ع العموم دى وجهة نظرى وارى انها صحيحة وبردو ممكن تكون وجهة نظرك هى اللى صحيحة وانا اللى خطأ بس انا شفت الامور من وجهة نظرى الخاصة ومن تصورى للاسلام ليس الا وعموما الاختلاف فى الرأى لا يفسد للود قضية يا صاحبى :D