تعليق واستفسار عن إمتحان الدقهلية 2010

[miss heba]

امتحان الدقهلية دايما يكون فيه أسئلة تحير . أنا مدرسة إنجليزى وعن نفسى مقتنعة أن الإجابة هى had studied لأن الزمن تام ثانيا ليس هناك زمنين حتى أقول نضع الماضى البسيط . وعلى فكرة أنا سألت المدرسين والمدرسات منهم من هم أكبر منى اختلفوا على الإجابة وهذا على ما أعتقد لمصلحة الطلبة لأنهم فى هذه الحالة يجب اعتبار الإجابتين صح

[Huda Mohammed 2010]

المشاركة الأصلية كتبت بواسطة مستر وليد السيد

الظاهر ان مس هدى نسيت ان فيه مستويات لازم تتبع فى التدريس: لو وجدنا الطلاب اللى ممكن يستوعبوا القاعدة برمتها هيكون نسبتهم لا تتجاوز بل لا تصل الى 10% . للأسف كلام حضرتك بعيد عن الناحية العملية اطلاقاً.

كلام حضرتك معناه ان لازم نلم القاعدة كلها فى الشرح: طب يعنى لما ادرس قاعدة If الشرطية فى 3 اعدادى ادرسها اذاى ؟؟؟؟؟؟؟
ممكن حضرتك تقدمى لنا نموذج لهذا الدرس ؟؟؟؟؟؟؟؟؟؟ سأكون شاكر جداً!!!!!!!!
الله الموفق.

لو حضرتك عايز شرح لقاعدة If علشان يعنى تقول إن فيه حاجات بندرسها فى هذه المرحلة وفيه حاجات بعدين فى ثانوى ماشى
دى حاجة واللى بتكلم فيه حاجة تانية

الحاجة اللى أنا عايز أسئل فيها
هل الاجابتين صح أم أم لا؟

المفروض دى آراء ومحدش يزعل
احنا كلنا بنتعلم

وأجمل شئ إن اتعلمنا نتجنب مايربك الطالب ونبعد عن التحفيط ونحترم نسبة الـ 10% من الطلبة اللى ممكن يدرس لها بتوسع.


تحياتى لسيادتك

[Huda Mohammed 2010]

المشاركة الأصلية كتبت بواسطة mr mostafa hassan

يا جماعة متكبروش الموضوع

ليه ينظر لأى مناقشة على إنها تكبير

دا بيساعدنا كلنا على التعلم

ياريت دائما يكون فيه مناقشات وناس تستفيد وتحسن من الشكل النهائى للإمتحانات

[amrzezo]

He couldn’t (lend-borrow-give-rent) his brother s book هذه محلوله كده ليه مش من الافضل أنا تكون lend حسب الترجمه

[Huda Mohammed 2010]

المشاركة الأصلية كتبت بواسطة amrzezo

He couldn’t (lend-borrow-give-rent) his brother s book هذه محلوله كده ليه مش من الافضل أنا تكون lend حسب الترجمه

لو انت طالب هأقول لك
واللهى يابنى مرضيت أحط الجملة دى كمان فى نقاش أخطاء الامتحان
حبيت أناقش حاجة كل المدرسين واثقين ان الإجابتين صحيحتين

أما بالنسبة لجملة
He couldn’t (lend-borrow-give-rent) his brother s book

ليه الاجابة متبقاش lend
وليه متبقاش برضه borrow
لأسف أتوجه بالسؤال معك لزملائى المدرسين والمسئول عن وضع الامتحان

[مستر/محمد أبو عمرو]

بسم الله الرحمن الرحيم
السلام عليكم جميعا.

اسمحوا لى ان اعلق على امتحان الدقهليه معاكم

و اسمحوا لى أن أشــــــكرا صـــــاحب الموضوع. لانى فعـــــــــــلا كنت مستنى حد يفتح الموضوع ده .
1- بالنسبه لجمله الاختيارى .

By last Friday, I .......... three times
.

أنا اتحدى واضع الامتحان ان الجمله دي تكون موجوده فى منهج 3 ع أو يكون مشار اليها اوتم التلميح عنها سواء تيرم اول او تانى . يعنى نقدر نقول عليها ( mysterious ) بالنسبه للطالب و ده طبعا مخل بشروط وضع الامتحانات .

وده طبعا و ناهيك عن الجدل فى الجمله رقم 7 فى نفس السؤال .
يعنى borrow صح و lend برده تنفع .

2- و أنا شايف ان مش الجمله دى بس الصعبه فى الامتحان:
ده فيه فــــــــــــــــــــخ فى السوال الثالت و تحديدا الجمل رقم 3و4
3 - بالنسبه للقطعه :
برده مارس صاحبنا ذكاؤه فيها و لم يراعى مستوى الطالب الضعيف او المتوسط .و المفروض كان يضع كلمه about فى السؤال رقم خمسه فى القطعه .

Hussan spent about two weeks in Aswan and Luxor

لان ده شهر يناير يعنى 31 يوم .(للدقه بس )
4- ده كله كوم و سؤال البرجراف كوه لوحده .
هو ايوه يعتبر سهل بس يا ريت كان استعمل دهاؤه فيه زى ما سبق و استخدمه قبل كده .
سؤال :ألا يمكن ان يذكر الطالب (اسم المكان اللى بيعيش(الاداره مثلا) فيه و(اسم المدرسه اللى يذهب اليها) فى البرجراف ده؟
مما يؤدى الى عدم الموضوعيه من جانب المصصح و بالذات لو مر عليه ورق مدرسته مثلا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و فى النهايه تبقى كلمه :
الامتحان اللى بثير جدل بالشكل ده أكيد بيدل على ان واضعه مش على درايه كا مله بالمنهج .

الله يكون فى عون الطلبه

عذرا للاطـــــــــــــــــــــــــــــــــــاله

[اسلام عمر 1]

بارك الله فيك

[Huda Mohammed 2010]

الحمد لله لقد تم تقبل الإجابتين فى التصحيح

مش مشكلة أى خطأ لأننا نتعلم جميعا

المهم المسئولية أمام الطلبة

تمنياتى بالتوفيق دائما

[mostema]

المشاركة الأصلية كتبت بواسطة huda mohammed 2010

الحمد لله لقد تم تقبل الإجابتين فى التصحيح

مش مشكلة أى خطأ لأننا نتعلم جميعا

المهم المسئولية أمام الطلبة

تمنياتى بالتوفيق دائما

السلام عليكم ورحمه الله وبركاته
معكم مصطفي محمود مدرس لغه انجليزيه
الامثله اللي حضراتكم علقتوا عليها واضحه وناس كتير شافتها وعملت قلق لطلبه كتير لانه امتحان علي مستوي المحافظه
ما بالكم بقي ان فيه امتحانات علي مستوي الادارات او حتي المدارس غايه في السوء ومليئه بالاخطاء

[Huda Mohammed 2010]

المشاركة الأصلية كتبت بواسطة mostema

السلام عليكم ورحمه الله وبركاته
معكم مصطفي محمود مدرس لغه انجليزيه
الامثله اللي حضراتكم علقتوا عليها واضحه وناس كتير شافتها وعملت قلق لطلبه كتير لانه امتحان علي مستوي المحافظه
ما بالكم بقي ان فيه امتحانات علي مستوي الادارات او حتي المدارس غايه في السوء ومليئه بالاخطاء

فعلا
لكن تذكر حضرتك أننا جميعا نجتهد فى اللغة لأنها ليست لغتنا الأم

أنا لى دائما طريقة اتخذتها لنفسى تأثرا بأبى (فقد كان أيضا مدرسا فى يوم ما) وتأثرا بأخلاق ديننا الكريم

طريقتى أن أقول الخير أو أصمت (لاأنقد دوما)

عندما أجد مايشوش أو يلخبط الطلبة أركز فى نقدى (خاصا لو أستند على حقائق) على حق الطالب وليس التركيز على خطأ من يضع الامتحان -----حتى لو كلن ضعفا منه وضع نقطة ما

بأحاول وأحاول وبيكون داخلى إيمان كبير بأن ربنا هيوفقتنى طالمى أسعى لمصلحة الطلبة فقط

نصيحة منى - وسوف يجازيك الله وليس الناس على هذا - حاول تتناقش فى كل جملة تشعر أنها خطأ - يمكن يمكن ربنا يهدى من يضع الامتحان ويستفيد من ذلك ويتجنب تلك الجملة
طالما ليس هناك رقابة صارمة تجازى من يستهزأ بمصير طلبة وأهالى كادحة

تقبل تحياتى