للعام الدراسي 20112010 انت تسأل وجميع الاساتذة نجيب

[fatma sherif]

السلام عليكم ورحمة الله وبركاته
بالنسبة لخريط جمع الأعداد الطبيعية من 1-100
أولا : أول خطوة من خطةات حل المسألة هي تعريف المسألة يعنى أعرف المطلوب من حل المسألة وهنا جمع الأعداد الطبيعية
ثانيا: إيه المتغيرات اللى عندي في هذه المسألة هنلاقي العدد الطبيعي اللي بيجمع اللي هو 1و2 و3 ...........100 أعطيله اسم وهو n
والمتغير الثاني هو الجمع لأنه هيبقى 1و 3و6و10 و............ لحد جمع 100 حد هأعطي له اسم وهو sum
'طيب الوقتي أنا مش هدخل الأعداد الطبيعية دي لأ ده هتزيد من خلال البرنامج تزيد إزاي بالمعادلة n=n+1 معناها أن قيمة n الجديدة هتساوي قيمتها القديمة +1
طيب عملية الجمع نفسها هتيجى إزاي
الوقتي لما أعطي لكي هذا التمرين في الرياضيات هتحليه إزاي
طبعا هنجمع 1+2 = 3 وبعدين هتجمع 3 + العدد الطبيعي الثالث إللي هو 3هيساوى المجموع الجديد 6وبعدين هتجمع المجموع ده االلي هو 6 مع العدد الطبيعي التالي اللى هو 4
يبقي المعادلة اللي بتعملي هذه العملية هي sum=sum + n يعنى المجموع الجديد بيساوي المجموع القديم ( اللي قبل كده ) + العدد الطبيعي ( كما وضحنا أعلاها )
ياريت أكون وضحتها
والسلام عليكم ورحمة الله وبركاته