مرض اريد علاجة , ونقاش

[echo2]

السلام عليكم ورحمة الله وبركاتة
إخواني وأخواتي
انا طالب بالمرحلة الأولي الثانوية واكيد هناك من سبقوني في المنتدي مروا بهذة الحالة ان لم يكن معظمهم ولديهم العلاج
المرض والحالة هى ان في وقت من الاوقات او كل الاوقات لدي حماس شديد للمذاكرة
فأجلس لأذاكر فأجد نفسي اشخبط وارسم اشياء لها معني او ليست لها معني المهم ان غير مفيدة بالمرة
فمثلا إذا جلست اذاكر ساعتين اجد اننى لم استخلص منهم ازيد من نصف ساعة
والمرض هو انى اقعد اشخبط واسرح وافكر في حاجات كتير و بضيع وقت المذاكرة فهل حد عنده حل لهذة المشكلة ؟؟


أما النقاش هو
انا ليس ميولي رياضية لكني اريد كلية الهندسة , خايف من علمي رياضة لإن ميولي ليست رياضية لكني قادر علي المذاكرة والحل الكثير , فهل بالمذاكرة والحل الكثير اضمن الدرجات فى الثانوية العامة , طرحت هذا السؤال لصديق لي فخوفني اكتر بحيث انه قالي ان علمي رياضة احيانا تفاجئ بمسائل فى الإمتحان من الممكن ان تكون شاملة كل شئ من إبتدائي لتطلع الحل وليست منهجية كما حللت النماذج مثلا , فهذا هذا صحيح
في النهاية علمي رياضة ولا أدبي ؟؟ ليست لدي ميول معينة لكني اريد كلية الهندسة إن شاء الله
هل من نصائح في الموضوعين

[عبدالله حسن رياش]

حل المشكلة يمكن ان تجدها في قسم الاخصائي النفسي

[بروف انس]

احب اعرفك بنفسي اولا انا اسمي انس كليه هندسه قسم كهربا
ثانيا واضح ان مشكلتك هي السرحان وانك بتكون مشتت لما تيجي تذاكر والحل بسيط جدا حاول تعمل كل حاجه نفسك فيها قبل ما تذاكر وبعدين تروح تذاكر علشان متسرحش
ثالثا بالنسبه لعلمي رياضه والامتحانات اولا علمي رياضه عايز واحد يكون مركز بحيث يعرف يجيب علاقات بين كل حاجه والحل الكتير بيصقل موهبتك ويديك خبرات كتير جدا وتحل المسائل كلها من اسهل واحده لحد اصعب واحده فانت بتاخد خبره يعني مبتضيعش وقت
واللي بيقولك انك ممكن تلاقي حاجات من ابتدائي واعدادي في الامتحان ايه يعني الكلام ده انت درسته ولو بس فكرت نص دقيقه واحده هتعرف تجيبه وياسيدي علشان متحيرش نفسك اي يوم مثلا تكون فاضي ولا حاجه هات اي كتاب رياضه من بتوعك لما كنت في اعدادي وشوفه هتلاقي حاجات سهله بس انت بس اللي بتكون مش متوقع وحاسس ان اللي بيحط الامتحان حطه علشان محدش يعرف يحله وخلي بالك ان اي سؤال له جواب لكن بتحتاج لتركيز وتحاول تفكر في اكتر من حل اوعي تفكر في حل وحيد بس وتحاول تكتب افكارك بتاعت المساله متفكرش وتخزن في دماغك علشان ممكن تكون بتنسي وبالتالي عمرك ما هتوصل للحل ودايما اعرف ان الحل في المساله ودايما كانوا بيقولو لنا لو عرفت المساله عايزه ايه بالظبط يبقي وصلت لنص الحل

ارجو اني مكونش طولت عليك

[echo2]

بروف أنس
بجد سعيد جدا بإجابتك
الجزء الثاني من إجاباتك افادني جدا و اعطاني دفعة معنوية شديدة
لكن الجزء الأول للأسف انا تقريبا بعمل اللى انا عايزه قبل ما اذاكر لكن مش عارف الموضوع مرتبط بالمذاكرة حاسس انها تقيلة شوية فبحاول ارسم واسرح في حاجات ملهاش اى لازمة

[بروف انس]

المشاركة الأصلية كتبت بواسطة echo2

بروف أنس
بجد سعيد جدا بإجابتك
الجزء الثاني من إجاباتك افادني جدا و اعطاني دفعة معنوية شديدة
لكن الجزء الأول للأسف انا تقريبا بعمل اللى انا عايزه قبل ما اذاكر لكن مش عارف الموضوع مرتبط بالمذاكرة حاسس انها تقيلة شوية فبحاول ارسم واسرح في حاجات ملهاش اى لازمة

ما دام بتعمل كل اللي انت عايزه قبل ما تذاكر وتدخل تلاقي نفسك بتضيع وقتك يبقي فيه مشكله انك محددتش لنفسك انت هدفك ايه من الساعه او الساعتين اللي هتذاكرهم لو هدفك مثلا تحل مسالتين في ساعه وقدرت تخلص قبل الساعه يبقي انت عملت انجاز ووصلت لهدفك من الساعه مذاكره وممكن بقي في الوقت الفاضي ترسم فيه او تعمل اي حاجه انت عايزها
يعني مثلا جرب الموضوع ده مثلا وحاول تحدد لنفسك هدف في المده اللي هتذاكره اذا كنت هتخلص درس وتحل مسائل ولو ابقي وقت اعمل اللي انت عايزه

وحاجه اخيره بالمناسبه انت اسمك ايه احسن مش عارف اقراه