هل المعلم المساعد يفضل الضرب ؟

[الكبــيـــر]

طبعاً سمعتو عن المدرس اللى صفى عين البنت بتاعة اولى ابتدائى
ايه رأيكم فى التصرف ده
وبصراحة
هل تمسك عصاية داخل الفصل ؟
لو بتضرب التلاميذ
ايه الحالات اللى بتخليك تضرب
وبتدى كام عصاية
وهل شايف ان الضرب ده شئ كويس ؟

قول وعبر عن وجهة نظرك

[Mr.Zing0]

السلام عليكم
طبعاً أنا من أشد المقتنعين و المؤيدين لفكرة أن مفيش علم من غير عقاب و ثواب
و ثابت تاريخياً أن أكثر الأمم التى أزدهرت علمياً كانت تعلم أبنائها بالضرب
زى قدماء المصريين ( كان الكاهن ممكن يحبس الطالب فى المعبد أسبوع ميشوفش أهله: و كل أسرة عندها خادم له كل الصلاحيات لعقاب الطفل حتى ينشأ بشكل سوى)
و فى عصر الأسلام ثبت عن النبى فى تعليم الصلاة: علموهم الصلاة على سبع و أضربوهم عليها فى عشر" يعنى لو ضرب الإنسان يجعلة زى الحيوان زى منظمات حروق الطفل بتقول مكانش المسلمين سادوا العالم!!!!
و قريباً كان عصر الكتاتيب و أكيد نسمع عن الفلكة و الخرازانة: و أحكم على نواتج الكتاتيب و نواتج طلاب اليوم حتى نهاية المرحلة الأعدادية( مبيعرفوش يكتبوا أسمهم إلا القليل)

ولكن عن نفسى : أنا لا أضرب الطالب على عدم أداء الواجب بل أعنفة فقط, ولا ألجأ للضرب إلا مع الطالب (قليل الأدب)

[msrahmedseef]

والله انا مقتنع جدا ان الثواب والعقاب مبدءان لا ينفصلان عن بعضهما البعض فالله المثل الاعلى فى الجنة و النار وبعدين احنا ما اتعلمناش صح وما طلعناش مثقفين الا بالضرب و الفلكة و الحمد لله رغم الضرب اللى احنا عانينا منه فى مراحل تعليمنا الا انى عن نفسى اجل واوقر واحترم كل مدرس درسلى ماده وكان بيضربنى علشان ارفع من مستوايا بدل ما احنا الوقتى بنعانى من طلاب فى الصف الثالث الاعدادى اميين القراءة والكتابة وبعدين لو كان النصح فقط بيأثر فى كل الناس فخطباء الجوامع زهقو نصح فى الناس وعلى رغم ذلك نلاحظ ان الجريمة كل يوم بتزيد عن اليوم اللى قبلة

[ABDOURAGAB]

الضرب يكون غير مبرح وفي حالة ( قلة الأدب ) لكن التعليم يمكن أن يأتي بثماره المرجوة باللين والثواب والعقاب أيضا بالضرب بس في حالات متأخرة جدا

[ايهاب بدر الدين]

هو معلم مساعد اللى عل كده

[ايهاب بدر الدين]

هو معلم مساعد اللى عمل كده

[MISS.DINA]

صراحة الطالب دلوقتى لو مشافش عصاية فى ايد المدرس مش هيخاف منه بس ياريت يبقى وجدود العصاية دة للتهديد ويكون استخدامها دة اخر السبل للعقاب ومتكونش عقاب لقلة المذاكرة لكن لقلة الادب وياريت نحاول ناخد بايدين الطلاب عشان منضطرش اننا يحصل معانا المواقف دى واكيد ياجماعة المدرس اللى عمل فى عين البنت دى كدة مكانش يقصد انه يجيبها فى عينها وربنا يكون معاه ومع اهل البنت فى المصيبة دى وربنا يستر علينا وياريت نحاول نتحكم فى اعصابنا شوية

[مستر / طاهر أبو خزيم]

لابد من الثواب والعقاب واستخدام الضرب يعد اسلوب من اساليب التربية والتعليم لكن فى حدود المعقول لا ان يصل الأمر الى الكسر والجرح وفقء العين او حتى الموت لا قدر الله فخير الأمور الوسط

[منار على]

بصراحه انا شايفه ان الطلبه انواع

نوع ممكن الضرب يعقده ويخليه يكره الماده والمدرس

ونوع ودا الغالب الضرب بيجيب معاهم نتيجه بس طبعا مش الضرب المبرح

يعنى الطالب لما ينضرب عصايتين على ايديه مش هيحصله اى حاجه

ونوع من الطلبه ودول برضه للاسف كتير لو المدرس مدخلش الحصه بعصايه بيسوقوا الرخامه

وبيستهتروا لدرجه انهم ممكن ميجيبوش كتب وكشاكيل الماده

ونوع مفقود فيه الامل سواء بضرب او لا

بس فى الغالب مجرد دخول المدرس بعصايه الفصل دا بيفرق كتير وبيخلى اغلب الطلاب

اللى بتخاف من العصايه تخاف من المدرس وتحترم الحصه حتى لو مستعملهاش

وعلى فكره النوع اللى ممكن الضرب يعقده دا قليل جدا لانهم غالبا بيكونوا ولاد وبنات

اولياء امورهم مدلعينهم واغلب طلباتهم مجابه ومش بيستخدموا معاهم الاسلوب دا فى البيت كتير

وبيستخدموا معاهم اسلوب الاقناع واسمحولى لو قلت ان اغلب ولادنا فعليا فى بيوتنا مش متعودين على الاسلوب دا

يعنى فى الاول والاخر موضوع الضرب واستخدام العصايه او لا بيرجع للمدرس نفسه وذكائه وفهمه للطالب اللى قدامه

لكن للاسف من ناحيه تانيه

فيه مدرسين ممكن تستغل الضرب لمصالح شخصيه واجبار الطلبه انهم يروحوا عندهم الدرس

يعنى انا مع الضرب بس باستخدامه بحكمه وبعقل

[الكبــيـــر]

المشاركة الأصلية كتبت بواسطة zing0

السلام عليكم
طبعاً أنا من أشد المقتنعين و المؤيدين لفكرة أن مفيش علم من غير عقاب و ثواب
و ثابت تاريخياً أن أكثر الأمم التى أزدهرت علمياً كانت تعلم أبنائها بالضرب
زى قدماء المصريين ( كان الكاهن ممكن يحبس الطالب فى المعبد أسبوع ميشوفش أهله: و كل أسرة عندها خادم له كل الصلاحيات لعقاب الطفل حتى ينشأ بشكل سوى)
و فى عصر الأسلام ثبت عن النبى فى تعليم الصلاة: علموهم الصلاة على سبع و أضربوهم عليها فى عشر" يعنى لو ضرب الإنسان يجعلة زى الحيوان زى منظمات حروق الطفل بتقول مكانش المسلمين سادوا العالم!!!!
و قريباً كان عصر الكتاتيب و أكيد نسمع عن الفلكة و الخرازانة: و أحكم على نواتج الكتاتيب و نواتج طلاب اليوم حتى نهاية المرحلة الأعدادية( مبيعرفوش يكتبوا أسمهم إلا القليل)

ولكن عن نفسى : أنا لا أضرب الطالب على عدم أداء الواجب بل أعنفة فقط, ولا ألجأ للضرب إلا مع الطالب (قليل الأدب)

رأى جميل ومعتبر استاذ زنجو

[بحر العرب]

المشاركة الأصلية كتبت بواسطة الكبــيـــر

رأى جميل ومعتبر استاذ زنجو

الضرب مع التلميذ ناقص التربية وما أكثرهم والثواب والعقاب من أساليب التربية التى يجب أن يأخذ بها المعلم حسب كل موقف بعينه

[hamadazeny]

كتر الضرب يفقده ميزته لا تضرب على الفاضى والمليان على طول

[الكبــيـــر]

المشاركة الأصلية كتبت بواسطة msrahmedseef

والله انا مقتنع جدا ان الثواب والعقاب مبدءان لا ينفصلان عن بعضهما البعض فالله المثل الاعلى فى الجنة و النار وبعدين احنا ما اتعلمناش صح وما طلعناش مثقفين الا بالضرب و الفلكة و الحمد لله رغم الضرب اللى احنا عانينا منه فى مراحل تعليمنا الا انى عن نفسى اجل واوقر واحترم كل مدرس درسلى ماده وكان بيضربنى علشان ارفع من مستوايا بدل ما احنا الوقتى بنعانى من طلاب فى الصف الثالث الاعدادى اميين القراءة والكتابة وبعدين لو كان النصح فقط بيأثر فى كل الناس فخطباء الجوامع زهقو نصح فى الناس وعلى رغم ذلك نلاحظ ان الجريمة كل يوم بتزيد عن اليوم اللى قبلة

أشكرك على المرور