هل الخبر ده صحيح؟؟؟؟؟؟ افيدونى

[sosoonly]

انا يا جماعة بادرس في السعودية و رايحة سنة ثانية ثانوى علمى وعايزة اعرف


1///// اختبار القدرات بقت 30%و اختبار التحصيلى 40% في السعودية ؟ و 30% على تانية وتالتة ؟؟؟وده النظام اللى هيطبق من السنة دى

عشان الاستاذة لسة قايلنا كده النهردة في المدرسة؟؟؟ ومن ساعتها وانا مصدومة وخايفة من اختبار القددرات والتحصيل ده لحسن محلش فيه ويجي صعب ويضيعنى معاه او بفكر اجى اخد الثانوية من مصر بس المشكلة انى مش عارفة اى حاجة في مناهج مصر ولا قوانينها ...


2//// انا سمعت عن حاجة اسمعها المستوى الرفيع عاوزة اعرف بس هو يعنى ايه ؟؟؟ وهل فعلا اتلغى زى ماسمعت ؟؟؟ وايه فايدته ؟؟؟


3/// هو فيه في مصر امتحانات قدرات زى اللى في السعودية كده ولا الطالب بياخد مجموعة على الكلية على طول؟؟؟؟

وقولولي رايكم اخد الثانيوية من مصر على طول بلا قدرات ولاحاجة ولا اخلينى في السعودية ؟؟؟؟

بجد محتاجة رايكم .......... واللى جرب في السعودية يقولى لانى بجد محتارة وانا دلوقتى متعطلة مش عارفة ادخل هنا ولا في مصر

[ياسمين مهند]

وفي انا دلوقتي في تالتة ثانوي منهج مصري بس في السعودية واول سنة اخدها مصري كانت السنة اللي فاتت تانية ومكنتش اعرف حاجة برضو عن المنهج المصري

[ياسمين مهند]

انا جبت 90.4 ومن رأيي حولي احسن لأن فعلا المنهج المصري افضل و القدرات والتحصيلي هتطبق على تالتة ثانوي سعودي السنة دي واستخيري ربنا وربنا معاكي ويوفقك دعواتك لينا

[سارةالنودى]

لا لالالالالالالاا خليكي عندك الي تجيبيه هناك احسن من مصر ميه مرة انا نزلت علي تانية ثانوي ويا رتني ما نزلت كنت علمي علوم وحولت ادبي لان مجموعي منخفض جدا انا اصلا كنت هناك لاولي ثانوي وقال ايه خفت من امتحان القدرات وطلعت غبية اني جيت مصر علي ثانوية عامة والله كنت هرجع السعودية تاني واعيد السنة لاني ضعت رسمي انا دلوقتي في تالته ثانوي وبقيت ادبي يعني حلمي ضاااااااع للابد خليكي عندك وما تنزليش نصيحة مجرب

[sosoonly]

شكرا يا سارة وشكرا يا ياسمن على تجاوبكم معايا

[sosoonly]

طيب يا سارة انتى دلوقتى تعرفى انه القدرات والتحصيل دى انها عليها التركيز الكلى وكبرو نسبتها لغاية مابقت 40% للتحصيل و30% للقدارت يعنى اتفضلى 30 % للسنتين تانية وتالتة ده على حسب كلام الابلة اللى قالتلنا كده في الفصل ؟؟؟؟؟؟؟؟؟؟؟؟

وانا لغاية دلوقتى مش الكلام ده صح ولا لا؟


طيب انتى درستى في مصر عملتى ايه اول مانزلتى في مصر من حيث الدراسة والجراءات لانى سمعت انو لو نزلت مش هاخد مادة الفرنساوى لانى ماخدتاهش في سنة اولى ثانوى اللى درستها في مصر ...؟؟؟؟؟؟؟؟؟؟؟؟؟؟

[sosoonly]

ايه يا جماعة محدش جاوبنى ليه الا سارة وياسمين مع ان فيه ناس كتير شافت الموضوع ياريت بس لو حد عارف حاجة ميبخلش بالرد عليا لانى مكتبتش هنا الا لانى محتاجة رايكم وخلفيتكم عن الاخبار ده اذا كانت صح ولا لا ...

[المؤمن الصغير]

بسم الله الرحــمن الرحيم
لقد كنت في نفس وضعك بالضبط وفعلاً قرر الأهل أن أعود إلى مصر مع أنني ولدت في السعودية وبقيت هناك إلى الصف الأول الثانوي, والمعلومات التي قلتها كانت أحد أسباب مجيئي وهي معلومات صحيحة, وجئت مصر, وحصلت على إعفاء رسمي من اللغة الفرنسية, وبذلك أصبح المجموع من 155 وليس من 205 , وبفض الله حصلت على 150.5 من 155 (97.1%) علمي علوم, ونسأل الله التوفيق وأن يبلغني الكلية التي أريدها.هذه المعلومات لوجه الله وهي تجربة شخصية ولا تنس أن تستخير الله قبل كل عمل تحتار فيه. والسلام عليكم ورحمة الله وبركاته

[sosoonly]

متشكرة جدا يامؤمن على مشاركتك دى بس كنت عاوزة اسال يعنى عملت اجراءات ايه عشان تاخد الاعفاء ده معلش بس هنتعبك معنا؟؟؟؟؟؟؟؟؟؟؟؟؟؟؟ وربنا يوفقك اكتر.

[المؤمن الصغير]

بسم الله الرحمن الرحيم

هذه الإجراءات تمت بسهولة والحمد لله. أولاً إحضار الورق كاملاً الموجود في الملف ثم تقديمه إلى الإدارة الخاصة بكم في مصر. عن نفسي والدي العزيز - حفظه الله - قام بتقديم ورقي في المنصورة وحصلنا على ورقة الإعفاء وتم إرفاقها بالملف وإرسالها إلى قسم شؤون الطلبة بالمدرسة والإدارة وهكذا تم الإعفاء وأصبح المجموع من 155 درجة فقط. وانتهت السنة على خير ونسأل الله دوام التوفيق لنا ولكم إنه ولي ذلك والقادر عليه.
ولكن هل قررتم المجيء أم ماذا؟

والسلام عليكم ورحمة الله وبركاته,,,

[sosoonly]

ايوة انا خلاص يدوب بجهز التاشيرة خلاص وجاية مصر بس هكون اتاخرت شوية عنهم بس مش مشكلة ومتشكرة جدا يامؤمن على مشاركتك دى بجد اطمنت لما شوفتها...:av4056bb7jp3 : معلش بس كنت عاوزة استفسر عن شهادتك اخر السنة لما اخدتها ادوك درجاتك عادى بسهولة من 155ولا خصموا منك خلوها من 205 وعملت حاجات عشان تصححها ولا ايه معلش بس استحملنى شوية

[المؤمن الصغير]

بسم الله الرحمن الرحيم
عفوا فلا يوجد هناك أي إحراج أو تعب. ولكن بفضل الله تسلمنا الشهادة بيسر ولم يحدث خطأ في حساب المجموع ولكن قد يحدث لا قدر الله لأنني سمعت ذلك من أحد الزملاء قبلي بحوالي أربع دفعات. ولكن بسهولة ذهب إلى المدرسة وأخبرهم بأنه معفى وتم حل المشكلة. ولكن أهم شيء هو ورقة الإعفاء لأنها ستكون بمثابة الحصانة من أي مشكلة بإذن الله.ولا تقلق من التأخير ولكن سارع بأخذ الدروس التي فاتتك واختر المدرسين الأكفاء واسأل عنهم ممن تثق بهم لكي تلحق بالطلاب. وحاول أن تتابع المنتدى هنا فبه الكثير من المعلومات المفيدة وكذلك الحصص الصوتية التي ستبدأ عما قريب بإذن الله ولا سيما الأستاذ: جابر مشابط موجه اللغة العربية ومن خير المعلمين. وكذلك هناك أحد اختيارين إما أن تأخذ أحياء (كما فعلت أنا) أو تأخذ كيمياء. ونسأل الله لنا ولكم دوام التوفيق والنجاح والسداد.
والسلام عليكم ورحمة الله وبركاته,,,,

[sosoonly]

بجد متشكرة اوى اوى على ردك السريع على مشاركاتى دى بجد افدتنى كتير وربنا يوفقك يارب للى انتا تحلم بيه ومتشكرة جدا