صرخة معلم مساعد بخصوص المناطق النائية

[h_hmmam]

السلام عليكم ورحمة الله وبركاته

من هنا من بوابة الثانوية نناشد معالى وزيرالتربية والتعليم

الدكتور احمد زكى بدر

بصرف بدل المناطق النائية للمعلمين المساعدين

حيث ان اغلبنا موزعين على قرى بعيدة عن المدن

ونصف المرتب ضايع فى المواصلات

فالرجاء تطبيق صرف المناطق النائية للمعلمين المساعدين

لتحسين الدخل الشهرى

وخصوصا اننا فاتحين بيوت بـالـ 337 جنيه .

[hishamhassan]

ربنا معاكم

[أ/محمد على عاشور]

ربنا معاكم ومعانا

[منار على]

ههههههههههههههههههههههههه

مايمكن بيتصرف وبيروح لاماكن تانيه

[magedsaleeb]

لقد ارسلنا نحن المعلمون المساعدون استفسار الى فاكس الوزير يسرى الجمل بخصوص المناطق النائية ولم يرد علينا حتى الان
ولكن ربنا يوفقكم ويساعدكم

[magdymahrousw]

احنا في سوهاج لما بنمضي علي عقد جديد بيبقي فيه بند المناطق النائيه باسم الجهود الغير عادية
ولكن والحمد لله لم نراها في حياتنا السابقة ولا اعتقد اللاحقة
لو حد بيصرف يا ريت يقول تبع اي ادارة واي منطقة

[sosoreda]

احنا هنا فى الاسكندرية بنشتغل فى مدرسة تبع ادارة العامرية من ضمن مدارس القطاع الثامن وهو قطاع المهضة والمدرسة تبعد عن سكنا جميعا فمنا من هو من العجمى ومن العوايد ومن المندرة وغيرها من المناطق البعيدة انا عن نفسى بدفع مواصلات فى اليوم الواحد سبعة جنيهات فى ست مواصلات رايح جاى كل يوم وتقدمنا بطلبات نقل للادارة ولكن للاسف اللى على هواهم وليه واسطة يتنقل جنب بيته واللى واسطته ربنا يفضل مدفون فى المكان ده بحجة العجز واحنا بنعمل فى المدرسة منذ سنوات وغيرنا بيتنقل بعد شهور وايام والسيد المحافظ اللى كان قبل عادل لبيب كان مقررلينا بدل اماكن نائية ولكن بعد مجئ البيه المحافظ عادل لبيب
ربنا يسامحه منع هذا البدل عنا على فكرة انا معلم مساعد ومرتبى 321 جنيه وحزبى الله ونعم الوكيل فى كل من لايرحم عباده وكل املنا فى الله والسيد الوزير انه يحس بينا ويضع ضوابط للنقل فى ادارة العامرية اى داخلها ويكون هناك تكافؤ فرص فى موضوع العمل فى الاماكن النائية بمعنى اللى اشتغل عام اوعامين فى الاماكن النائية يكون من حقه النقل لمكان قريب من سكنه علشان كده حرام

[omfahd]

كان في حد من سيناء بيقول بيصرف 500وحاجه بالمناطق النائيه
حد من سيناء يا جماعه؟؟؟؟