عندك أي سؤال عن كليه العلوم أو المواد الدراسيه ....أتفضل أدخل

[geniou100]

موضوع كامل ومتكامل عن البيولوجي
صباح الفل يا عم ستار
وشكـــــــــــــــر كبيــــــــــــــر على الموضوع المفيد ده

الموضوع يا عمنا انى انا فى اولى علوم بيولوجي دلوقتي ولحد الان انا مش عارف ايه الكلية دى مش عارف اربطها فى دماغي حاسس انها واقعه مني ومدلدله يعني :-

1- انا عايز اعرف يعني ايه شرائح , تبص تلاقي شرائح حيوان وشرائح نبات , يعني ايه دى ؟
----------------
2- كمان يعني انا هذاكر ازاى ؟ انا عارف انه سؤال عبيط اوى لما تقول لواحد انا هذاكر ازاى ؟ ! !
بس سدقني فعلا انا مش عارف ازاكر ازاى يعني اكتب المحاضرة اللى الدكتور بيقولها ولا اسجلها ولا اصورها ولا .....؟
3- والمعمل اعمل فيه
وايه المطلوب مني (( هشرح ضفدعه ))
تصور ياعم ستار (( انا ... انـــــــا ,,, انا هشرح ضفدعـــــــــــــــــــــــــــه )) ينهار ابيض

-------------
4 - كمان انا مش عارف خريجي القسم ده هيبقى ايه
ناس بتقولك هيركب ادوية فى شركات الصيدله
وناس تانية تقولك لاء دا تركيب الادوية تبع الكيميا

ثم ان نظام الماحضرات مش فاهمه يعني ياريت لو توقلي طريقة المحاضرات ماشيه ازاى وطريقة المذاكرة هتمشي ازاى ؟ وانا اسا سا همشي فى الكلية دى ازاى ؟ ؟ ؟


نهاية الموضوع بإسمي وبإسم كل شخص فى أولى بيولوجي ومش فاهم نظامها
نطالب بموضوع كامل عن البيولوجي
******
****
**
منه لله واحد اعرفه ....
انا كان مجموعى جايب هندسه وكنت هخشها لكن هو قعد اقنعني ان المهندسين بقوا على القلب أد كده والعلوم احسن , ووعدني انه هيسفرني بشهادة العلوم اما الهندسه مهوش ضامن

ياريات ترد عليا فى اسرع وقت اصل الواحد ملغبط , تصور انا بقالي يومين ماشي على راسي ومكتشفتش الا دلوقتي بعد ما لاقيت ! ! ! مش مهم