أبشروا الحضور أربعة أيام فى الأسبوع فقط

[sobhy333]

كثير من المعلمين والمعلمات استطاعوا احضار خطابات من الحزب الوطنى ، مفادها يوم كل اسبوع بالحزب ،وصاحب الخطاب ميوقعشى فى الحضور ويكتب امامه الحزب الوطنى وبكده يحضر أربعة أيام فى الاسبوع اللى يبدأ الأحد وينتهى الخميس وبهذا الموضوع يكون هذا الموظف قد وقع فى دفتر الحضور فى الشهر 4×4=16 يومأً ، وممكن ياخد كمان يوم أو اتنين عارضه كمان فى الشهر ، والمفروض انه يوقع 21توقيع حسب لوائح وزارة الماليه ،ناهيك أن جدوله فى هذا اليوم يوزع احتياطى على المعلمين اللى معهم نصابهم وزياده ، ولكن المفاجأة أن زميل لنا أحضر خطاباً من حزب غير الحزب الوطنى يوم فى الاسبوع ، ولم يعترف بهذا الخطاب والمفارقه الغريبه أن هذه الخطابات الصادرة من الحزب الوطنى فى ايام الدراسه من اول يوم الى اخر يوم وبعد كده مفيش اليوم ده فى الأجازه ، وصاحب الخطاب ييجى المدرسه عادى علشان طبعا مفيش حصص هيدرسها ، اصحاب الخبرة أفيدونا بهذا الموضوع ، احنا مش فاهمين ليه ، وأنا لا أعتقد إن الحزب الوطنى يرتضى تعطيل الجداول داخل المدارس ، وهو يعلم علم اليقين بمشكلة العجز الصارخ فى المعلمين ، وهل هذا قانونى؟ ، أم أنه بشكل ودى .

[algazzr]

الحزب الوطنى يعيس فى الارض فسادا
اذاق العباد الذل
والمهانه
والفقر
والتجويع
واضاع كرامتنا
من كل النواحى
بين كلدول العالم
ويحمى المفسدين
ويحارب الشرفاء
وحسبنا الله ونعم الوكيل عدد ما كان وعدد ما يكون وعدد الحركات والسكنات

[wahid fahim]

الأجدر أن يكون العصابة الوطنيه

[ابوسمرة88]

اخى الفاضل لابد ان لة خطاب من الحزب بالتفرغ وهو يوم واحد فى الاسبوع غير كدة يبقى فوضى وممكن يكون الجلاسات بعد العمل الرسمى يبقى لا ينفع كمان خطاب

[medomatrex]

كلام جميل
هذا ما وجدته من زميل لنا كان عضوا فى مجلس محلى القرية
كانت معه خطابات على بياض يكتب فيها مأمورية
وكان يستخدم هذه المأموريات عند غياب أى يوم يريده بعد يوم الاجتماع
وكان الضحايا هم تلاميذ بلدته وأهله وجيرانه
وعند الشكوى لا تجد الإجابة

[ashrof1010]

يا جماعة والله المسالة مش مسالة حزب او دولة المشكلة فينا احنا احنا اللى معندناش ضمير اذاكان معدوم الضمير لا يخاف الله فماذا تنتظروا ربنا يهدى

[sobhy333]

عاوزين من اللى عندهم نفس الموضوع يردوا قانونى ولا غير قانونى وممكن لاى حزب ولا الوطنى بس ويخفف جدولهم ولا لا وهل ممكن مدير الادارة يرفض ولا يبقى ورط نفسه ودول اكثرهم مش اعضاء محليات بيحضروا اجتماعات بس وبنسألهم فيها ايه الاجتماعات بيقولوا مفيش بيقعدوا فى الحزب يدخنوا سجاير والبوفيه بيعمل مشاريب وجو جميل متيجى معانا .

[awm2005]

بلد وطنية تحيا الوطنية

[ابو اسامة]

تحيا جمهورية مصر الملكية الديمقراطية العربية ولله الامر من قبل ومن بعد

[داودعلى]

اعيب عليك سيدى انك مش فاهم ؟
لكن الواضح من كده ان الحزب يهمه مصلحة التعليم
وحسبنا الله ونعم الوكيل