ياي !! هم الشباب بيعاكسونا ليه ؟؟

[scream angle]

السلام عليكم و رحمة الله ,


من أكثر الحاجات اللي بتغيظني ,
و بترفع ضغطي - و بالتالي درجة حرارة غلياني - ,

لما تلاقي واحدة طالعة مثلا في التلفزيون ,
لابسة : بادي , أو بنطلون , أو حتى بلوزة و جيبة , و ( الكل أُس "ضَيِّق" )
سواء كانت ( مغطية شعرها ) أو مش مغطياه ,
-

المهم , لما تلاقي واحدة بالشكل ده سواء مستضيفينها في برنامج ,
أو بياخدوا رأيها في الشارع ,

و تلاقيها بتسأل بكل ( براءة ) - و إن شئت فقل بكل ( استهبال ) - و تقول :
أنا مش عارفة هي الأخلاق انحدرت ليه كده عند الشباب ؟؟
ليه ظاهرة المعاكسات و التحرش زادت كده ؟؟

و كأن ( جناب البريئة ) ترتدي زِيَّ أمهات المؤمنين !!

و مش شايفة إن طريقة لبسها زي ما بيقول الرافعي - من أكثر من 70 سنة - :

" تجعل ثيابها تعبيرًا دقيقًا عن أعضائها،
و بدلاً من أن تُلبس جسمها ثوبًا يكسوه ،
تُلبسه الثوب الذي يكسوه و يزينه و يُظهره و يُحركه في وقت معًا،
حتى ليكاد الثوب يقول للناظر:
هذا الموضع اسمه... وهذا الموضع اسمه... وانظر هنا وانظر ههنا...
ما زادت المدنية على أن فككت المرأة الطيبة ثم ركبَّتها في هذه الهندسة الفاحشة " [وحي القلم - فلسفة الطائشة]

و إنهنّ - لابسات هذا الزيّ - حتى و لو فرضنا إنهم ماشيين في حالهم و ( بوزهم في الأرض ) ,
فإن ثيابهن المثيرة و تبرجهن و سفورهن ينادون الرجال أن هلموا ,

و هذه الثياب التي تصف أكثر مما تستر و هذا التبرج جعلهن كما يقول الرافعي أيضا :

" سلعة بائرة يُنادى عليها في مدارج الطرق والأسواق :
العيون الكحيلة ، الخدود الوردية ، الشفاه الياقوتية ، الثغور اللؤلؤية ، الأعطاف المرتجة ، النهود الـ... الـ...
أوليس فتياتنا قد انتهين من الكساد بعد نبذ الحجاب إلى هذه الغاية،
وأصبحن إن لم ينادين على أنفسهن بمثل هذا فإنهن لا يظهرن في الطرق إلا لتنادي أجسامهن بمثل هذا ؟ "[وحي القلم - تربية لؤلؤية]


أنا مش ببرر للشباب معاكسة الفتيات و التحرش بهن ,
لأ , أبسولوتلي
بل الواجب عليهم أن يغضوا أبصارهم حتى لو كان النساء يمشين عرايا ,

لكن في زمنٍ رقَّ فيه الدين ,
أظن أنه ليس من ( العقل ) - و سيبنا من الشرع علشان الناس اللي عندها حساسية - أن تترك باب بيتك مفتوحاً بدعوى أنك ( حُر ) ,
ثم تلوم اللصوص على السرقة !!

.
.
.


طبعا أكيد هلاقي ناس بيقولوا إنهم لابسين محترم و بيتعاكسوا برضه ,
و المسألة دي ليها 3 احتمالات :
1- إنهم شايفين إن لبسهم محترم , و الواقع إنه مش محترم , علشان كده بيتعاكسوا .
2- إنهم لابسين محترم , لكن طريقة مشيهم أو كلامهم أو ..... مش محترمة .
3- الحالة دي نادرة الوجود شوية : إنهم فعلا يكونوا لابسين محترم , و ماشيين بوقار و احترام و كل حاجة عندهم تمام ,
إنما حظهم إنهم مروا أمام بعض الشباب المريض نفسيا , اللي بيعاكس كل ما تلحقه تاء التأنيث
حتى لو كانت قطة , أو فرخة , أو حتى رِجل كنبة !!

......................


بس خلاص ,
ده موقف كان غايظني فحبيت أتكلم عنه
منقووووووول

[ضياء الدين سعيد]

موضوعك يستحق النقاش
بصى حضرتك

التبرج والسفور بدأ يكثر فى مصر
وبطريقه غير طبيعية
يعنى أخر مرة كنت فيها فى مصر كنت بشوف العجب
فبسأل واحد صاحبى بقلة هو البنات دى ليه كدا
قالى يا حبيبى دول لابسين على الموضة
قلتله أه موضه

ولما جيت هنا السعودية
أستغربت لحاجات كتير اوى
فرق بين النساء
يلا نشوف
هنا عمرى حتى ما شفت وش بنت
بنمشى فى الشوارع مش بنقابلهم
ممكن مرة واحده تلاقى قطعه سودة معدية من جنبك
مش بقول كدا تريقه لا
يعنى لابسة الإسدال ولابسة النقاب

عشان كدا
تلاقى الحياه هنا حلوة
عمرى والله ما شفت بعينى واحد بيعاكس واحده

وياسلام لما تنزلوا شارع جامعة الدول ولا الهرم
بلاش دول

أتفرجوا على الجامعات المصرية

من 4 سنين وأنا فى الجامعه حصل قدامى موقف غريب
واحدة زميلة جت طلبت منى كشكول المحاضرات
فقلتلها بس ياريت مش تتأخرى عليا بيه لأنى عندى مذاكرة
قالتلى هصورة وأجبهولك على طول على العموم انا لو أتأخرت هتلاقينى عند مكاتب التصوير إللى خارج الكليه
قولتلها أوكى
المهم خلاص عايز أمشى فقلت أتمشى أدندن مع نفسى كدا لحد ما تيجى
ومرة واحدة وانا خارج الكلية
لقيت واحدة بتندهلى فببص لقيت واحدة منقبه
قلت مين دى وعايزا منى إيه
المهم لقيتها بتدينى الكشكول بتاعى !!!
قلتلها مين حضرتك
قالتلى أنا ....
قلتلها والله إيه أتنقبتى فى ساعة وأخدت الكشكول ومشيت
وأنا بقول
إنا لله وإنا إليه راجعون
فى الكلية البادى والبنطلون
وبرة الكلية سبحان الله
نقدر نقول ...... مش عارف أقول إيه
قولوا أنتم
من يوميها نفسى أعرف هى البنت بتستفاد إيه بدا

هو فين حديث المصطفى صلى الله علية وسلم عن أهل مصر " إذا فتح الله عليكم مصر فاتخذوا من أهلها جندا كثيفا فإن بها خير أجناد الأرض ـ فقيل ولما يا رسول الله قال : لانهم وأهليهم في رباط إلي يوم القيامة"

لحد كدا وهنقف
ونقول
تحبوا يا مسلمات تكونوا كدا
فى الكلام إللى جاى

المعجم الأوسط للطبراني : حدثنا أحمد , قال : نا عبد الله بن صالح العجلي , قال : نا زهير بن معاوية ، عن زياد بن خيثمة ، عن سهيل بن أبي صالح ، عن أبيه ، عن أبي هريرة , قال : قال رسول الله صلى الله عليه وسلم : " صنفان من أهل النار لم أرهما بعد : نساء كاسيات عاريات مائلات مميلات ، على رءوسهن كأسنمة البخت ، وقوم معهم سياط كأذناب البقر ، لا يدخلون الجنة ، ولا يجدون ريحها "

صحيح مسلم : حدثني زهير بن حرب ، حدثنا جرير ، عن سهيل ، عن أبيه ، عن أبي هريرة ، قال : قال رسول الله صلى الله عليه وسلم : " صنفان من أهل النار ، لم أرهما قوم معهم سياط كأذناب البقر يضربون بها الناس ، ونساء كاسيات عاريات مميلات مائلات ، رءوسهن كأسنمة
البخت المائلة ، لا يدخلن الجنة ولا يجدن ريحها ، وإن ريحها ليوجد من مسيرة كذا وكذا "

شكراً لكل من حملت دين الإسلام إسماً ودنست إسمه فعلاً


شكراً لفتح النقاش فى هذا الباب

[**تسابيح**]

هو فين حديث المصطفى صلى الله علية وسلم عن أهل مصر " إذا فتح الله عليكم مصر فاتخذوا من أهلها جندا كثيفا فإن بها خير أجناد الأرض ـ فقيل ولما يا رسول الله قال : لانهم وأهليهم في رباط إلي يوم القيامة"

حديث ضعيف ......
الموضوع منقول
ومع ذلك لم يكتب منقول ...
مغلق .....