بالله عليكم ردوا على حتى لا اضيع

[احمد حمدى عبدالله]

انا طالب ازهر اسمى احمد من سوهاج وهدخل كلية تربية جامعة الازهر فانا كنت عاوذ استفسر عن الكلية صعبة ولا اية وبعدين انا من سوهاج يعنى هتبقى المصاريف جامدة على وانا مش عاوذ اصيع سنة من عمرى وانا كمان ضعيف فى الانجليزى عشان احنا كنا فى الاعدادى مخدناش انجليزى وانتوا عارفين مفيش اهتمام فى الازهر بالانجليزى والله وابوية راجل على كدا حالو لذا انا مش عايذ اضرف فلوس كتير فة مصر فى السكن والاكل وفى الاخر مانجحش ارجوكم ردوا على انا محتار انا مستنى رددكم والله المستعان على ما تصفون وياريت حد يشور علينا بقسم يكون الانجليزى فية مش مهم طيب اية رايكم فى قسم وسائل المعلومات وتكنولجيا التعليم

[أ/ سعيد موسى]

بص يابوحميد لاتوجد كليه سهله وكليه صعبه
يوجد مذاكرة واجتهاد ويوجد لعب وتضيع وقت
عملية حسابيه 1+1=2 تذاكر وتجتهد ثق ان ربنا يوفقك وتنجح
نروح للكلام العملى سؤالك انت الوحيد الذى تستطيع الاجابه عليه فلايوجد احد يعرف ميولك اكثر منك
موضوع الانجليزى فى الكليه ليس بالصعوبة التى تصورها هو مجرد اساسيات والامتحان مجرد اختيارات فقط فلاتعقد الامور وتضخمها والانجليزى فى جميع الاقسام ماعدا قسم الانجليزى والترجمه سهل جدا
افضل ان تختار قسم تستطيع بعد التخرج ان تجد له عمل وانت ايضا الذى يحدد وليس احد اخر
توكل على الله وصلى صلاه استخاره واستعد جيدا للمذاكرة والاجتهاد والباقى اتركه لرب الكون

[Observer]

اهلا احمد كل سنة وانت طيب
ركز كويس قوى فى كلام الأستاذ سعيد
اخوك خريج تربية الأزهر بالقاهرة انجلش واحب اضيف حاجة
الانجليزى فى جميع الاقسام هو نفس المقرر ماعدا قسم الانجليزي طبعاً
متخافش منه سهل جداً ومحدش بيسقط فيه
أهم حاجة تكون عارف انت حابب اى قسم
الكلية ماشاء الله حوالى 14 شعبة وقسم تكنولوجيا التعليم جميل
وفى عجز فى مدرسين الكمبيوتر بالأزهر عموماً
متقلقش هتسكن مدينة بعون الله لأن محافظتك نائية
توكل على الله وان شاء الله موفق

[مينومينو]

كلام الاساذ سعيد سليم
اضف الى ذلك ان القسمين الذين ذكرتهما اكثر اعتمادا على اللغه الانجليزيه من باقى الاقسام
وحاول تشد حيلك ف الانجليزى وتنجح عشان تفرح اهلك
والله المستعان

[الاستاذ عوض على]

الأمور كلها سهلة وبسيطة

توكل على الله ولا تضخم الأمور

[احمد حمدى عبدالله]

شكرا
على المرور بس اية يعنى الكلام دة
كلام الاساذ سعيد سليم
اضف الى ذلك ان القسمين الذين ذكرتهما اكثر اعتمادا على اللغه الانجليزيه من باقى الاقسام
وحاول تشد حيلك ف الانجليزى وتنجح عشان تفرح اهلك
والله المستعان


ياريت التوضيح وايى اقسام تعتمد على الانجليزى

[teacher120]

اخوك محمود مدرس انجلش من المنصوره وخريج تربيه

انا مع انك تشوف حاجه تشغلك بعد كده يعنى امامك قسم تكنولوجيا التعليم ودا له ميزه ان ممكن تشتغل امين مكتبه او مدرس حاسب الى

او قسم الدراسات الاسلاميه ودا قسم سهل فى كليه تربيه ودا بيشغل اما مدرس شرعى ولكن معك ميزه انك خريج تربوى او ممكن تشتغل امام وخطيب ودى وظيفه جميله بس اهم حاجه تحفظ القران الكريم

وزى ما الاساتذه اتفضلوا ان كل الاقسام الانجليزى فيها سهل ما عدا طبعا قسم الانجليزى

بالنسبه للمصاريف سيبها على الله ربك هيعدلها وممكن تظبط حالك وتشوف اى شغل بجانب كليتك ومعظمنا كان بيعمل كده لان الحضور مش كل يوم فى الكليه

وقبل كل شىء اطلب من الله انه يهديك للطريق الصح
وانت بتفكرنى بنفس الموقف دا حصلى كنت محتار ادخل ايه ووالدى نصحنى بتربيه انجليزى والحمد الله ربنا وفقنى وان شاء الله يوفقك