بيزنس التسول

عاشقه الدراسه · #1 10-09-2010, 11:26 PM

هل اصبح التسول ظاهره تطيح بالمجتمع ام ظاهره سرعان ما تنتهى ؟
فكره لم يسبق طرحها
فلنناقشها معا
كفايه فصحى لغايه كده ونتكلم شويه بالعاميه
اولا كل سنه وحضراتكم بخير
وكل عيد وانتم طيبين ويارب كل سنه تكون احسن من اللى قبلها
بس فيه موضوع شغل بالى جدااا فى رمضان شهر الطاعات اللى اتحول دلوقتى لبيزنس لاصحاب القلوب المريضه
اعذرونى اذا كنت حاده شويه فى كلامى بس دى الحقيقه اللى انا بشوفها فى رمضان واللى زادت عن حدها جداا السنه دى ومش عارفه فين دور الحكومه منها
الموضوع باين من عنوانه
ظاهره التسول
كنت عاوزه احكيلكم بعض المواقف الحقيقيه واللى سمعتها وشفتها بنفسى
_ فى اواخر رمضان وانا ماشيه بعد صلاه العشاء فى الشارع _ كالعاده_ الشوارع مليانه بالمتسولين بس لفت نظرى واحد عمره عدى 70 سنه تقريبا بيطلب من الناس مساعده وفى ايده سيجاره وجمبه كوبايه شاى يعنى من الاولى لو كان محتاج فعلا انه يبطل السجاير اللى بيشربها دى ده غير انها بتسبب امراض ربنا وحده الاعلم بيها وغير بردو انها حرام شرعا

_ موقف تانى
طبعا الناس مابقتش بتستنى فى بيوتها لما تيجى لهم الزكاه ( اين الذين لا يسالون الناس الحافا ) فمن ضمن الناس دول واحده من مده قاضت زوج بنتها بسرقته منها الافات مش عاوزه اقول المبلغ عشان ما تقولوش ببالغ ( تبقى دى محتاجه تصدق عليها ؟
وغيرها اللى زوجها بيقسم ان عندها فلوس الله اعلم بعددها مجمعاها من التسول ولسه بتتسول ده غير انك لما تدى حد مبلغ محترم يجى بعد شويه ومعاه العيله كلها يطلبوا تانى !!!!!!

_ موقف اخر
حصل قدامى وهو ان فيه واحده بتطلب فلوس بحجه ان بنتها مصابه بالـكانسر ( ربنا يعافينا ) وبعدها شفتها بتدخن فى نهار رمضان تخيلوا مش زى عمو اللى حكيت لكم عليه بيدخن بعد الفطار لا دى فى نهار رمضان ( تقريبا اخدت بفتوى ان التدخين ما بيفطرش ) لازم نلتمس للناس الاعذار بردو
ده غير انها بتقول ع بنتها مصابه بالـــــ .....
دى الام مش بتتحمل ابنها يكون عنده شويه برد
دى تقول ع بنتها كده ؟؟؟؟؟؟؟؟؟

وبعد الكلام الطويل ده فاتحه باب المناقشه لحضراتكم
وياريت تشاركونى بارائكم

وردة امل · #2 10-09-2010, 11:46 PM

ظاهرة ليست بالغريبة علينا ابطالها من كل الاعمار الكلام واحد وكأنها قصيدة معينة تروي على مسامعنا اينما اتجهنا في وسط الزحام...
يتقمصون ادوار الشفقة والبؤس يمثلون مسرحيتهم في جميع الطرق ماعدا

أقسام الشرطة فهيا بيوتهم التي تذكر بين اربعة جدران!!

هذة القنبلة الموقوتة لم تصبح مقتصرة على احد فالمجال مفتوح ولكن بالحجز

Mr. Ali 1 · #3 11-09-2010, 12:01 AM

وانتي مستغربة كتر الناس اللي بتتسول؟؟ ما هي الحكومة برده بتتسول وطول السنة ولا انتي مبتشفيش اعلانات مستشفي 57357 أو دار الأورمان أو معهد الأورام أو معهد الكبد أو ............ . اوعي حد يقولي ان ده تبرع وليس تسول ! إلي متي ستبقي هذه المستشفي قائمة علي التبرعات؟!! في البداية قالوا التبرع للبناء فقط , وبعد كده قالوا التبرع للأجهزة والمعدات الطبية , وبعد كده بقي التبرع للأدوية , معني كده ان المستشفي بكل المرضي " شفاهم الله تعالي " وكل العاملين فيه بيعمدوا فقط علي التبرعات . ولما لاقوا اقبال شديد علي المشروع بيعملوا مستشفي آخر في طنطا وبعد كده ظهر معهد الكبد في المنصورة .أليست هذه صور من التسول؟ ما هو دور الحكومة وميزانية وزارة الصحة؟ أهو الاشراف علي المشروع وأمواله؟ وبعد كده يتضح ان جزء كبير من هذه التبرعات بيتسرق !!!!! وكمان شكل الاعلانات يشبه التسول تماماً !!! الحكومة دي كل همها هو ازاي تجيب فلوس من الهوا . يبقي مش غريب اننا نشوف ناس كتير بتتسول . إذا كان رب البيت بالدف ضارب فشيمة أهل البيت ..... كملوا انتوا بقي . شكراً لكي علي الموضوع وتقبلي مروري .

عاشقه الدراسه · #4 11-09-2010, 12:42 AM

اقتباس:

المشاركة الأصلية كتبت بواسطة الصمت الحزين

ظاهرة ليست بالغريبة علينا ابطالها من كل الاعمار الكلام واحد وكأنها قصيدة معينة تروي على مسامعنا اينما اتجهنا في وسط الزحام...

يتقمصون ادوار الشفقة والبؤس يمثلون مسرحيتهم في جميع الطرق ماعدا

أقسام الشرطة فهيا بيوتهم التي تذكر بين اربعة جدران!!

هذة القنبلة الموقوتة لم تصبح مقتصرة على احد فالمجال مفتوح ولكن بالحجز

شكرا ع المشاركه بالراى

عاشقه الدراسه · #5 11-09-2010, 12:53 AM

اقتباس:

المشاركة الأصلية كتبت بواسطة aliweeka1

وانتي مستغربة كتر الناس اللي بتتسول؟؟ ما هي الحكومة برده بتتسول وطول السنة ولا انتي مبتشفيش اعلانات مستشفي 57357 أو دار الأورمان أو معهد الأورام أو معهد الكبد أو ............ . اوعي حد يقولي ان ده تبرع وليس تسول ! إلي متي ستبقي هذه المستشفي قائمة علي التبرعات؟!! في البداية قالوا التبرع للبناء فقط , وبعد كده قالوا التبرع للأجهزة والمعدات الطبية , وبعد كده بقي التبرع للأدوية , معني كده ان المستشفي بكل المرضي " شفاهم الله تعالي " وكل العاملين فيه بيعمدوا فقط علي التبرعات . ولما لاقوا اقبال شديد علي المشروع بيعملوا مستشفي آخر في طنطا وبعد كده ظهر معهد الكبد في المنصورة .أليست هذه صور من التسول؟ ما هو دور الحكومة وميزانية وزارة الصحة؟ أهو الاشراف علي المشروع وأمواله؟ وبعد كده يتضح ان جزء كبير من هذه التبرعات بيتسرق !!!!! وكمان شكل الاعلانات يشبه التسول تماماً !!! الحكومة دي كل همها هو ازاي تجيب فلوس من الهوا . يبقي مش غريب اننا نشوف ناس كتير بتتسول . إذا كان رب البيت بالدف ضارب فشيمة أهل البيت ..... كملوا انتوا بقي . شكراً لكي علي الموضوع وتقبلي مروري .

طبعا دى وجهه نظر حضرتك وبحترمها جدااا لكن مختلفه معاك فى بعض النقاط
عشان اوضح وجهه نظرى بس انا كلامى كله موجه للطبقات الغير محتاجه ماديا وتسعى للتسول لكن طبعا المحتاج ع راسى من فوق ومنهم المرضى اللى فى امس الحاجه للشفاء ( عافانا الله وشفى امراض المسلمين )
ولما تكون فى مستشفى زى سرطان الاطفال بالشكل العظيم اللى بقت موجوده عليه فده فخر لجميع المصريين خاصه ان العلاج فيها مجانى وعلاج الكانسر مكلف جدااا
والاجمل ان لما مشروع ينجح فاواجب علينا اننا نتوجه بنجاح اخر وانا شايفه ان بناء العديد من المستشفيات خطوه ايجابيه فى تاريخ مصر
انا فى كلامى فصلت ما بين فكره المستشفيات القائمه ع التبرعات وسمسره الحكومه ( دى حاجه تانيه ) وكمان ما اقدرش اعلق ع موضوع ان التبرعات بتتسرق ما عنديش فكره بصراحه
وانا حاسه انى طولت شويه فبختصر كلامى ده فى اننا واجب علينا اننا نساعد المحتاج ليس من يدعى الاحتياج

بلالل · #6 11-09-2010, 01:11 AM

والله بجد موضوع محزن
انا برده حصل معايه موقف ان امراه وابنها الجلس على كرسى وهى بتطلب التبرع لابنها المصاب للشلل ومره وانا رايح الدرس بعد الفجر لاقيتها هى وابنها المشلول بتخانقوا مع واحده فالشارع وطالعه تجرى ورا المراه هى وابنها المشلول

Mr. Ali 1 · #7 11-09-2010, 01:24 AM

الأخت العزيزة عاشقة الدراسة / في البداية أشكرك علي حسن الحوار والمناقشة علي الرغم من اختلاف وجهات النظر .
أنا لست ضد التبرع وبصفة خاصة للمرضي والأرامل وغيرهم من الفقراء , فهذا فرض علي كل مسلم أغناه الله من فضله . ولكن اعتراضي هو أن مشروع المستشفي كله قائم علي التبرعات !! ولا يوجد أي دور للدولة , ماذا يحدث إذا امتنع الناس عن هذه التبرعات؟ هل يترك هؤلاء الأطفال المساكين للموت؟ كل ما أخشاه أن الحكومة بتستحلي الموضوع وسيأتي يوماً نري فيه اعلانات تطالب الناس بالتبرع من أجل تعليم أفضل , تمهيد الطرق , انشاء الكباري , انارة الشوارع , شرب مياه نقية , ..... . واحدة واحدة علي الشعب عشان ميحسش بالأمر !! المشروع مشروع حكومي يبقي لازم الحكومة تخصص له ميزانية خاصة ولا تعتمد فقط علي التبرعات . وبعدين الحكومة غنية وفيها فلوس كتير أوي بس المشكلة انها بتتنهب وتذهب غالبيتها إلي من لا يستحق!!!!

mera_mar21 · #8 11-09-2010, 01:34 AM

بصى انا معاكى فى ان الحكايه دى زادت اوى وبقت مهنه عند بعض الناس
لكن بصى مهما كان بيبعتبر صدقه وحتى لو اديتى القليل دى السيده عائشه لماااا جالهااا متسول على الباب اديته عنبااايه
فاعد يبصلها ومستقلهااااااااا قالت له شوف فيها كام ذرررة
وامثله كتيرربردو
انا عارفه ان فى زمنه الناس كانت محتاجه فعلا
لكن الله اعلم بالنفووس ادى حتى لو القليل

عاشقه الدراسه · #9 11-09-2010, 01:43 AM

اقتباس:

المشاركة الأصلية كتبت بواسطة بلالل

والله بجد موضوع محزن
انا برده حصل معايه موقف ان امراه وابنها الجلس على كرسى وهى بتطلب التبرع لابنها المصاب للشلل ومره وانا رايح الدرس بعد الفجر لاقيتها هى وابنها المشلول بتخانقوا مع واحده فالشارع وطالعه تجرى ورا المراه هى وابنها المشلول

فعلا المناظر بقت مؤسفه للغايهـ
مع ان الاسلام اعزنا والناس مصممه تهين نفسها
شكرا ع المرور والتعليق

عاشقه الدراسه · #10 11-09-2010, 01:52 AM

اقتباس:

المشاركة الأصلية كتبت بواسطة aliweeka1

الأخت العزيزة عاشقة الدراسة / في البداية أشكرك علي حسن الحوار والمناقشة علي الرغم من اختلاف وجهات النظر .
أنا لست ضد التبرع وبصفة خاصة للمرضي والأرامل وغيرهم من الفقراء , فهذا فرض علي كل مسلم أغناه الله من فضله . ولكن اعتراضي هو أن مشروع المستشفي كله قائم علي التبرعات !! ولا يوجد أي دور للدولة , ماذا يحدث إذا امتنع الناس عن هذه التبرعات؟ هل يترك هؤلاء الأطفال المساكين للموت؟ كل ما أخشاه أن الحكومة بتستحلي الموضوع وسيأتي يوماً نري فيه اعلانات تطالب الناس بالتبرع من أجل تعليم أفضل , تمهيد الطرق , انشاء الكباري , انارة الشوارع , شرب مياه نقية , ..... . واحدة واحدة علي الشعب عشان ميحسش بالأمر !! المشروع مشروع حكومي يبقي لازم الحكومة تخصص له ميزانية خاصة ولا تعتمد فقط علي التبرعات . وبعدين الحكومة غنية وفيها فلوس كتير أوي بس المشكلة انها بتتنهب وتذهب غالبيتها إلي من لا يستحق!!!!

شكرا ع المناقشه الهادفه ومرورك الطيب
فعلا فيه مشروعات تانيه حقيقه بالاهتمام
وكلامى كان بدافع انك حددت بالاخص مستشفى 57 لانى شفت بنفسى الاطفال دول بيعانوا اد ايه وزرت احد المستشفيات فى التخصص ده يوم عيد وفرحت جدااا لما لقيت طلبه جامعات مجمعين تبرعات وبيوزعوها ع هياه العاب او كمبالغ واتمنيت لو اقدر اعمل جروب زيهم ومعنى كده انهم بيساعدوا فى مشروع صغير فمابالك لو ساعدنا فى بناء مستشفى خاصه ان المستشفيات الحكوميه جودتها ضئيله جداااا

عاشقه الدراسه · #11 11-09-2010, 02:04 AM

اقتباس:

المشاركة الأصلية كتبت بواسطة mera_mar21

بصى انا معاكى فى ان الحكايه دى زادت اوى وبقت مهنه عند بعض الناس
لكن بصى مهما كان بيبعتبر صدقه وحتى لو اديتى القليل دى السيده عائشه لماااا جالهااا متسول على الباب اديته عنبااايه
فاعد يبصلها ومستقلهااااااااا قالت له شوف فيها كام ذرررة
وامثله كتيرربردو
انا عارفه ان فى زمنه الناس كانت محتاجه فعلا
لكن الله اعلم بالنفووس ادى حتى لو القليل

موقف السيده عائشه معلومه جديده عليا ربنا يكرمك
وكمان لما الرسول عليه افضل الصلاه والسلام يامرنا باننا نعطى للسائل حتى ولو جالنا ع حصانه فمن الاول التنفيذ وده تصديقا ع كلام حضرتك
لكن المواقف اللى ذكرتها كانوا بيطلبوا مساعدوا ومعاهم سيجار فى الموقف ده تتصرفى ازاى ؟؟؟
ده غير ان رسولنا الكريم لما طلب منه سائل المعونه ساله انت عندك ايه فى البيت وامره بانه يجيب له الحاجات اللى فى بيته وباعهم لاحد الصحابه وقسم تمن بيع الاشياء دى ع بيته وع شئ يعمل فيه يكون مصدر دخل مستمر ليه وقاله ان ده افضل من انه ياتى يوم القيامه ع هياته كشحاذ
يعنى الموضوع محتاج اعده نظر مش معنى اننا نطلع صدقه بس اكيد بيقى اجمل لو كانت للى يستحقوا .

وميرسى ع مرورك الكريم
شرفنى وجودك فى التوبيك

مستر ايمن محمد راشد · #12 11-09-2010, 02:09 AM

عاشقة الدراسة : فعلاً الظاهرة دة منتشرة جداً وخاصة فى الآونة الأخيرة ...فى موقف حصل قدامى واحد متسول بعد ما خلص الوردية بتاعته راح قعد على القهوة وطلب من القهوجى يجمد الفكة اللى معاه ....انا شوفت الفلوس اللى جمدها تقريباً تعدى الخمسين جنية وكمان قاعد يشرب شاى وشيشة ....لكن عشان تقول الحكومة ... لكن عشان تستنه الحكومة ... الحكومة مش هتعمل حاجة

عاشقه الدراسه · #13 11-09-2010, 02:21 AM

اقتباس:

المشاركة الأصلية كتبت بواسطة مستر ايمن محمد راشد

عاشقة الدراسة : فعلاً الظاهرة دة منتشرة جداً وخاصة فى الآونة الأخيرة ...فى موقف حصل قدامى واحد متسول بعد ما خلص الوردية بتاعته راح قعد على القهوة وطلب من القهوجى يجمد الفكة اللى معاه ....انا شوفت الفلوس اللى جمدها تقريباً تعدى الخمسين جنية وكمان قاعد يشرب شاى وشيشة ....لكن عشان تقول الحكومة ... لكن عشان تستنه الحكومة ... الحكومة مش هتعمل حاجة

طبعا يا مستر لازم الفلوس اللى اخدها وهو عارف ان فيه ناس اولى ومحتاجه الفلوس دى ربنا يمحق منها البركه ويضيعها ع الشيشه
بالنسبه لدور الحكومه
فيه دوريات شرطه بتحارب الموضوع ده فى الاماكن اللى فيها السائحين فى مصر
بس فين المدن الصغيره من الموضوع ده ؟ دورهم تقريبا بيقتصر ع المدن الكبيره ويمكن ده اللى مساعد فى انتشار الموضوع لزى لو مش موجود قانون يعاقب القاتل كان كل الناس قتلت فبالتالى من الاولى يكون فيه حدود للظاهره دى

mera_mar21 · #14 11-09-2010, 02:33 AM

اقتباس:

المشاركة الأصلية كتبت بواسطة عاشقه الدراسه

موقف السيده عائشه معلومه جديده عليا ربنا يكرمك
وكمان لما الرسول عليه افضل الصلاه والسلام يامرنا باننا نعطى للسائل حتى ولو جالنا ع حصانه فمن الاول التنفيذ وده تصديقا ع كلام حضرتك
لكن المواقف اللى ذكرتها كانوا بيطلبوا مساعدوا ومعاهم سيجار فى الموقف ده تتصرفى ازاى ؟؟؟
ده غير ان رسولنا الكريم لما طلب منه سائل المعونه ساله انت عندك ايه فى البيت وامره بانه يجيب له الحاجات اللى فى بيته وباعهم لاحد الصحابه وقسم تمن بيع الاشياء دى ع بيته وع شئ يعمل فيه يكون مصدر دخل مستمر ليه وقاله ان ده افضل من انه ياتى يوم القيامه ع هياته كشحاذ
يعنى الموضوع محتاج اعده نظر مش معنى اننا نطلع صدقه بس اكيد بيقى اجمل لو كانت للى يستحقوا .

وميرسى ع مرورك الكريم
شرفنى وجودك فى التوبيك

ايوة انا معاكى
بس احنا بنديهاااااا وبنحتسب اجرررالصدقه يعنى جاى عشان يغفر ذنوبنا
مهماااااااا كان الشخص يستحق ولا
لكن نيجى للمتسووولين بغض النظر انها بقت مهنه وانها بقيت زيااده عن الززوم
لكن تفتكرررى الموقف اورد الفعل مناااااا الى هيحصل ايه تمتنعى انك تديلوااااااا ولالا ايه

ممكن لووو قدمتى نصيحه مثلالالالالالا يبقى كويس

ولوووووووكلنااااا اخدنا قرار بالامتناع عن الى ميستهلوش

ممكن يبقى احسسسسسسن وخصوصا ان المجتمع بقى شكله وحش