ما هو افضل مجالان الهندسة من حيث الراتب والشغل

[enamado]

السلام عليكم ورحمة والله وبركاتة
سؤال بسيط معلش لاعضاء منتدى الهندسة

ما هو افضل مجالات الهندسة من حيث الراتب والشغل؟؟

بعد هندسة بترول يعنى

اية افضل قسم ومجال متوفر فية الشغل واعلى مرتبات ؟؟
وفى حدود كام فى مصر والخارج

سؤال تانى معلش

اية الاقسام اللى ممكن من خلالها اشتغل فى بترول ؟؟؟
منتظر الرد

تحياتى

[BaNZeR]

المشاركة الأصلية كتبت بواسطة enamado

سؤال بسيط معلش لاعضاء منتدى الهندسة

ما هو افضل مجالات الهندسة من حيث الراتب والشغل؟؟

السؤال ده صعب
ممكن يتحور إلى
ما افضل الاماكن اللى ممكن تشتغل فيها من حيث الراتب والشغل ؟
وفي الحالة دي حقولك كتير

وطبعاً بما إني لسه طالب ... وحتلاقي كل اللى هنا طلبة
فمحدش حيفيدك اوي في موضوع الشغل

الشغل نصيب ... ممكن صاحبك يشتغل بالف جنيه
وانت في نفس المجال وفي مكان تاني وتاخد ستة آلاف جنيه
وواحد تاني معرفش يلاقي شغل اصلاً

[eng.midosaid]

زي ما banzer قاللك بالظبط الشغل دا نصيب يعني انا اعرف ناس في مدني اشتغلت باربعة وبخمسة

وناس في بترول معانا واشتغلت بالفين الموضوع كله نصيب وارزاق موش اكتر

اما بخصوص القسم اللي ممكن يشتغل في البترول

كل الاقسام ممكن تشتغل في شركات بترول اصل البترول موش هيقف على مهندس الحفر بس يعني

ماهو في مهندس ميكانيكا وبيكون في مهندس مدني واكيد قسم الكهرباء يعني كل قسم ليه وظيفة معينه

[enamado]

تمام يا جماعة انا ميقن ان الارزاق بيد الله
بس انا اعرف حاجة اسمها متوسط او من الواقع يعنى

طيب معلش سؤال اخر واخير ان شاء الله

الافضل من تواجد اماكن العمل والفرص والمرتب (( ميكانيكا ولا اتصالات وشبكات ولا طيران ؟؟؟ ))

معلش انا عارف انى ثقلت عليكوا
تحياتى احلى اعضاء

[حسام حبشى]

انا فى كليه هندسع عين شمس اعدادى

و نفسى ادخل اتصالات باذن الله

[mabouhager]

هو تنسيق هندسة مدنى يوصل لكام
ارجو الرد