لما كتبت كلمة "شاب مصرى" فى مشاركتى السابقة لم احدد غنى و للا فقير , لكن كنت اقصد نقطة واضح إنها ما وصلتش للقارئ بوضوح و هى إن الصين بترسل بناتها خارج الصين يروحوا يشوفوا اكل عيشهم بالطريقة الـ تعجبهم فى أى بلد غير الصين , يتزوجوا .. يتاجروا .. المهم خارج الصين .. دى سياسة ماشية عليها الصين زى ما قالوا الناس الـ كاتبة أراءها فى اول الموضوع , لها اهداف كتيرة : تخفيض التعداد الرهيب للسكان , ايجاد فرص عمل بأى ثمن , فتح أى اسواق خارجية يمكن فتحها لمنتجاتهم , و غيره و غيره . و الـ بيؤكد الكلام ده هو إجابة السؤال ده : لو كانت بنات الصين فيهم المميزات دى كلها ليه ما يتزوجوش صينيين زيهم ؟ مش هما أولى بيهم ؟ الاجابة فى رأيى إنهم حيجيبوا أطفال تعيش فى الصين و تزود التعداد و تزود العبء و المشاكل على الصين , و ده الـ بيحاولوا يقللوا منه .
رأى شخصى ==> الدنيا زى ما فيها الغلط فيه الصح .. و زى ما فيها الوحش فيها الكويس ... و كل واحد رزقه بيجرى وراه .. مش مطلوب من الإنسان غير الرضا بقضاء الله و أمره و التشبث بالصبر .
كمان الناس مش زى بعضهم , فى شباب و بنات متطلعين زيادة عن اللزوم و فى غيرهم متواضعين , فمش كل واحد ما طالش الـ بيحلم به يغضب و يبقى عايز الدنيا تتهد أو يروح يعالج المشكلة بمشاكل تانية . ربنا يوفقنا جميعا للحق و الصواب
|
29-08-2010, 04:24 AM
العرض الشجري
