طـوّر لغتــك الإنجليـزيـة بـعشـر خطوات بسيطــة !!

[شخصية مشهورة]

السلام عليكم و
رحمة الله و بركاته

النهاردة جايبه لكم معايا عشر خطوات عشان تطوروا لغتكم الانجليزيه .. و صدقونى (و عن تجربه) نصائح جباارة وهتخليك متميز فى اللغه

مش هعطلكم و تعالوا نبتدى مع أول خطوة :

1. إقرأ بالإنجليزى:

إقرأ الصحف أو المجلات أو الإعلانات أو القصص , حاول انك تقرأ اللغه الانجليزية حوالى نصف ساعة يومياً .

2. إستمع للغة الإنجليزية:

إستمع للبرامج الإنجليزية الإذاعيه ( نشرة أخبار BBC هى الأفضل)

3. إكتب بالإنجليزى:

حاول تخلى الانجليزى جزء من حياتك العمليه دام إنت بحاجه إليها , حاول تكتب الحجات زى قائمة المشتريات أو مذكراتك بالإنجليزى (ولو عجز عليك حاجه متترددش انك تسأل حد) .

4. إتكلم بالإنجليزى :

حاول انك تتكلم مع أصحابك أو مدرسيك بالإنجليزى , و حاول انك تخصص ساعه فى الاسبوع تتكلم فيها انت مع اصحابك بالانجليزى فقط (عارفه ان دى صعبة شوية بس أكيد هتعرف حد بيحب اللغه) ويستحسن لو تعرف أجانب بيتكلموا اللغه كويس هيكون أفضل .

5. إستخدم كمبيوترك:

أيوا ممكن تستفيد كتيير أوى من جهازك .. لإن معظم البرامج بالإنجليزى و كمان مواقع تعليم اللغه الإنجليزيه بتعرض لعب كتييره كويسه أوى لـ اللغه.

6. إتعلم كلمات جديدة:

إجمع الكلمات الجديده اللى بتتعلمها فى دفتر أرقام الهاتف , و دى فكرة حلوة لإن ممكن ترجعلها أى وقت و تكون زى (قاموسك الشخصى).

7. قم بـإثـراء لغتـك:

قم بعمل كراسة صغيرة تجمع فيها أى قول مأثور أو مثل دارج أو أى بيت شعر من اللى بتقرأهم أو بتسمعهم , هينفعوك بجد فى المستقبل.

8. إسأل عن اللى متعرفهوش:

متترددش دايمً فى إنك تسأل عن حاجه متعرفهاش , إسأل أى حد من اللى بتأنس فيهم المعرفة عشان تتعلم ,عشان كل ما تعلمت اللغه هتتيسر لك و هتستمتع بيها .

9. أعمل واجباتك :

لإن الواجبات بتثبت المعلومات فى العقل و يسهل عليك انك تتذكر المعلومات بعد كده.

10. إستثمـر أجازتك الصيفيه:

متخليش أجازتك تنسيك اللى تعلمته طول السنه,لإنك لو نسيت هتتعب فى السنه الجايه, بالعكس الأجازة دى فرصة لإنك تطور نفسك فى اللغه بعيد عن ضغوط المواد الدراسيه,خطط لنفسك برنامج لممارسة اللغه مثلا زى بالإلتحاق بمعاهد لتعلم اللغات .

أعزائى القراء, أتمنى تكونوا إستفدتم من النصائح اللى فوق , ومتنسوش تدعولى هاه.

سلااامـ

[(( أريــ الفـردوس الأعلى ــد ))]

جزاكم الله كل خير..

[شخصية مشهورة]

منورة الموضوع

[NeVeR CoMe BacK]

ايوة الواحد داخل علا ثانوى وفعلا محتاجين اننا نقوى لغتنا الانجليزية اوى اوى ................
مرسيه عالنصايح الجامدة هحاول انفزها,,,,,,,,,,,,,,,,,,,,,,
(بس ياريت انتى كمان تكونى بتعملى كده)

[شخصية مشهورة]

منورة الموضوع يا جاست .....واللغة الانجليزية مهمة فى حياتنا جدا العملية والعلمية

[NeVeR CoMe BacK]

المشاركة الأصلية كتبت بواسطة شخصية مشهورة

منورة الموضوع يا جاست .....واللغة الانجليزية مهمة فى حياتنا جدا العملية والعلمية

انتى انور
(((((ههههههههههههههه))))))))))
فعلا اللغة الانجليزية مهمة جدا جدا وانا بحبها اوى هى محتاجة بس سنس احساس كده تحسى ان فيه واحد حاسس اللغة مثقف يعنى مش شرط يكون حريت مزاكرة يلتزم بالقواعد وخلاص لازم يكون فيها ابداع شخصى من عندك انتى وده بيكسبها تذوق وحلاوة اكتر ,,,,,,,,,,,,

[شخصية مشهورة]

ههههههههههههه انور مين ....ما فهمت .......ولغة عالمية