التغيير هو الحل ... ضع آراءك عن التغيير لمنع االحزبحكومةمن ايقاف التغيير

[العابد لله]

ماذا ينتظر الناس ليطالبوا بالتغيير ؟
- مصر يا سيدي واقفة في طابور العيش بتحارب عشان لقمة.
- مصر بتموت كل يوم في القطارات و العبارات و الحرايق و حوادث الطرق و العمارات و تحت الجبل.
- مصر يا سيدي بتتهان و بتتعذب و بيتمسح بيها البلاط في قسم الشرطة.
- مصر عندها فيروس سي.
- مصر بتدفع كل يوم ملايين من لحمها الحي رشاوي و إكراميات عشان موظف يقوم بشغله و يديها ورقة.
- مصر بتموت ألف مرة في اليوم في ممرات المستشفيات و على أبوابها
- مصر بتخاف و بتخرس صوتها عشان ميعلاش و يضايق البيه الوزير أو الرئيس أو الأمين.
- مصر بتتسرق و بتتنهب و بتتباع بتخفيض للعدو
- مصر بتهلل عشان ماتش كورة و بتنسى كرامتها عشان قانون الطواريء.
- مصر واقفة على كوبري أكتوبر و المحور و الأوتوستراد مستنية الفرج.
- مصر بتتنفس هوا ملوث و بتشرب ميه مجاري و بتاكل مبيدات مسرطنة.
- مصر بتعلم ولادها ببلاش إزاي يبقوا جهلة و غوغاء.
- مصر بتدعم رغيف المرض و القمح الفاسد.
- مصر بتتنتحر في البحر و هي رايحة تدور على كرامتها في إيطاليا.
- مصر بتتجلد في السعودية عشان مش لاقيه ضهر تتسند عليه.
ـ مصر يا سيدي تحتضر بسبب النظام لكن المصيبة يا أستاذي و الخوف و السلبية الرهيبة اللي الناس فيها.. أنا مش فاهم الناس في مصر عايزة إيه تاني يحصل عشان ينطقوا و يتحركوا.