كيف نحصل على الدرجة النهائية؟اقتصاد و احصاء

[هينار]

طب ماأنا السنة ده أخدة علم نفس وحاسة إنى ضايعة فيه خالص وبعدين بسبب علم النفس مفيش قدامى غير نص يوم بس عشان الكيمياء
وبالنسبة بقى إنك إزاى تجيب الدرجة النهائية فى أى مادة من المواد يعنى عشان ماتنبعدش عن الموضوع فأنا هتواضع وهديكم شوية نصايح يارب تفيدكم
أول حاجة وده أهم حاجة لازم تكونوا متصلين بربنا وبالذات الأيام ده حاولوا تقربوا من ربنا على قد ماتقدروا وصدقونى مش هتندموا وبعدين فيه حكمة بتقول كن مع الله فى الرخاء يكن معك فى الشدة
إوعوا تزعلوا باباكم أو مامتكم إنتوا مش عارفين ممكن دعوتهم سواء ليكم أو عليكم ممكن تعمل إيه
نيجى بقى للحاجات العملية مش هقولكم ذاكروا الاربعة وعشرين ساعة لإ ن ببساطة إحنا بشر لينا طاقات بس حاولوا تجمعوا المواد على قد ماتقدروا دلوقتى وقت تجميع مش مذاكرة
فى الامتحان حاولوا تنظموا إجاباتكم وتعملوها فى نقاط اللى بيفرق طالب عن طالب هو finish الإجابة
طبعا تناموا كويس جدا وتاكلوا كويس جدا وطبعا ده مش محتاجة توصية وعلى فكرة يستحسن إن قبل الامتحان ماتكلوش كتير قوى عشان المفروض فى حالة الجوع بتزيد هرمونات التذكر فى المخ وبتساعدكم إنكم تفتكروا ( أنا لسة قرأة المعلومة ده قريب ومش متأكدة منها )
ده كل اللى عندى وفى النهاية ماتنسوش تدعولى وأكيد برده أنا هدعيلكم الدعاء بظهر الغيب مستجاب

[الشحرورة]

<div class='quotetop'>إقتباس(l0za @ May 25 2007, 10:59 AM) [snapback]311314[/snapback]</div>

طب يا جماعه انا عايز لو فى اسئله مهمه فى الاقتصااد تجيبوها
اصل انا خايفه منه اووووووووى
[/b]

www.shattour.com
الموقع يا لوز عليه الاسئلة المتوقعة في كل المواد

أوعي تكون بتهزر بجد يا اسلام
والله انتوا هتودوني في داهية
انا مش باخد درس احصاء
قولوي نختصر الرقم و لا لاااااااااااااااا

[احمدمحمود]

يا جماعه انا مش عايز حاجة من ده كله انا اللى عايزه حد يمتحن احصاء مكانى بس مش اكتر
ويا اسلام انا كنت سايب الاحصاء لحد الاخر واتخدعت فيها ربنا ما يكتب عليكم انقلاب المادة السهلة لمصيبة

المرعوب
احمد هاكر

[ماسى]

هاااااااااااااااااااااااااااااااااااى ياجماعة انا خايفة من كله رغم انى كنت بذاكر بس الواحد مش عارف ايه اللى حصله السنة دى جايله بالنوم والكسل رغم انى كنت انشط طالبة والله..صدقونى
محرومة من الراحة
والقلق تاعبنى
نفسى فى يوم انام مرتاحة
والقلق يبعد ويسبنى

[الشحرورة]

و الله حالكوا من حالي
انا بدأت العربي و سايبة كل المواد بغلافها للايام اللي قبلها في الامتحانات و ربنا يستر بقي
ممكن حد يطمني و يقولي اذا كنت هعرف اعمل حاجة و لا لا
و المشكلة ان الفلسفة ليها يوم و متفتحتش من اول السنة والتاريخ كمان ليه يوم
و الله انا مش عارفة السنة عدت زي الهوي كده ليه
انا طالبة 80 بس مش اكتر
ادعولي معاكوووووووووووووو