موضوع مهم جدا حد يساعدني ويقولي رأيه بصراحه

[the spider mido]

انا جايب 86% علمي علوم اعمل ايه ساعدوني ولو كملت علوم ممكن الحق بيطري او علاج طبيعي او علوم؟

[صائد التفوق]

انا جايب 87% وان شاء الله هكمل علمى علوم وربنا يكرمنا والتنسيق السنة الجاية ينخفض

[Mr.Power]

رأيي :خطر جدا تعرف لو انا مكانك هكمل ادبي اهو ابقا ضامن

المجاميع مش هتنزل اوى قارن بينها وبين السنه قبل الفراغ قلل 1% ك حد اقصي هندسه كانت من 94

بس بردة هقول لك شوف انتا كان شكل مجهودك إه يعني الدرجه دة دلع واستهبال ولميت نفسك في الاخر ولا دة اخرك في المذاكرة

ودة مجرد رأي من اكتر وحاول تعمل اللي بتحبه بردة علشان متحسش بتقل عليك

[Nitro Of LoVe]

على فكرة ثوانى التنسيق لازم ينزل لأن لازم نلاحظ حاجتين مهمين :

1- ان المجاميع عالية اه بس مش بالنسبة اللى تخوف و بعدين لسه فى تالتة

و زى ما بتبصوا و تقولوا التنسيق مش هينزل زى السنين اللى فاتت

لو شوفتوا السنين اللى فاتت فى نسب كبيرة من الطلبة مجموعها قل فى 3

2- و تانى حاجة و ده الاهم ان عددنا قليل بعد عدد رسوب العديد من الطلبة

و لسه كمان فى سنة تالتة و اكيد هيصعب الامتحانات و المجاميع هتقل اكتر



و زى مقولتلكوا اتحدى اى حد ان التنسيق هينزل و لو باتنين فى المية عن السنين الماضية

[the spider mido]

شكرا على النصيحه

[ريما_eng]

انا من رايي ان مجموع 86%او87%من الافضل له انه يكمل علمي رياضه ده لو هوه بيحب الرياضة لانه لو مالحقش هندسة يبقي ما ضيعش منه العلوموالله اعلي واعلم