( لو اختك بتحب هتعمل ايه ) ؟ ؟

[محمود الجوكر]

ريت قبل ما ادخل في الموضوع ان كل واحد يكون عقله كبير ويتفهم
السؤال اللي انا هساله واحنا كلنا تقريبا ناس كبيره وعاقله وفاهمه




سؤال هام جداا فى حياه الأنسان

كل واحد بيحب وبيتكلم عن الحب

والقسم ده تقريباا من أكتر الاقسام نشاطااا
ماشى كلام جميل.......

طيب لو انت اختك جت قالتلك انها بتحب واحد قوى وهو كمان بيحبهاااا
يا ترى هيكون ايه رد فعلك الحقيقى؟؟؟؟؟؟
يا ترى هتكون متفهم ولا ..............

مع العلم ان اللي انت بتحبها او معجب بيها ممكن تكون اخت واحد بردووو
واكيد ليها اب وام وقرايب ..... يعني

يا ريت كل عضو يقول رأيه ووجهة نظره

وسيبوني انا في الاخر ..........

[Unique Muslimah]

I know my sis would never think of these stuff

[manosha]

الحاجة دي بتغيظني اوي يبقى الاخ بيكلم بنات وبعمل اللي هو عايزه تيجي تقولله تحب اختك تعمل كدة فجاة يبقى رجل قوي جدا ويقولك"لااااا" ازاي
انا كبنت مااحبش احط في وضع زي وضع البنت اللي بيكلمها لاني عارفة انه بيتسلى او بالاحرى"بياخد تجارب في الحياة"على حساب سمعتي ,وصدقوني البنت اللي هو بيكلمها او بيمشي معاها دي هي اخر وحدة ممكن يفكر انه يرتبط بيها
ولا ايه رايك ياعم جوكر؟..........شكرا لموضوعك

[فردة شراب]

هجطعها جطييييييييييع

[محبة الله]

فى عندنا عادة فى الشعب المصرى انا اعمل اللى فى مزاجى اه بس اختى لا دى مهما كان بنت ولو انا ولد ومصاحب اختى هتيجى تقولى كل حاجة والاحسن انها تستشيرنى لان الرجالة عارفين حركات بعض كويس اوى
ومن رائيي لو بنت جه واحد وفكر يعمل معاها علاقة تقول لاخوها ولو شاريها ونيتو خير هوا اللى هيطلب منها تقول لاخوها ولو هتخبى عللى اخوها هتقول لمين باه؟؟؟؟؟؟؟؟؟؟
ومستنية اعرف بائى الاراء بردو
سلام

[nancey2006]

موضوع رائع صراحه وبصراحه اكتر البنت اللى تعترف بانها بتحب شخص غير مسموحلها انها تقول انها بتحبها تستاهل اللى يجريلها وبعدين الولد مختلف عن البنت الولد حاجه والبنت حاجه تانيه خالص.................

[The Lord Of The Rings]

الحمد لله ..

معنديش اخوات بنات عشان افكر ف الموضوع ده :D

بس عموما نقتبس " كما تدين تدان"

[SEMSEMA ELMASRY]

فعلا موضوع مهم جدا جدا جدا الايام دى
وفعلا الواحد يلاقى ان ولد بيحب بنت وهيموت فيها ولو عرف ان اخته بتحب يبقى ليلتها سودة ومنيلة بنيلة
وتلاقى الولد بيكلم بنات فى التليفون وبيقابل بنات وعايش حياته بالطول وبالعرض ولو اخته اخرت خمس دقايق بره يخرب اسود يبقى سين وجيم ووجع دماغ
وانا بصراحه عجبنى رأى محمد البرى اوى
لان فى العصر الى احنا عايشين فيه المفروض الاخ يصاحب اخته عشان يعرف عنها كل حاجة خصوصا ان فى بنات كتير اوى سهل يضحك عليهم باسم الحب
والبنت لما تحب وتروح تقول لاخوها انا بحب الانسان كذا وهو بيحبنى وهو نزل قابله هو هيعرف اذا كان الانسان ده كويس ومحترم ولالا وكمان كدا هيكون كل حاجة ادام عينيه ومش هيسمح لحد انه يضحك على اخته او يخدعها
لكن معظم الشباب دلوقتى تقولك لا انا بحب لكن اختى ابدا ده انا ادبحها وعشان كدا بتعمل كل حاجة من وراه ومن غير ما يعرف
وكمان كما تدين تدان يعنى لو الشخص ده فعلا مايلعبش بالبنات والكلام ده محدش هيضحك على اخته وربنا هيحافظله عليها
وانا عايزة اعرف راى الشباب الى معانا فى المنتدى فى الموضوع ده

[gamal saber]

انا شايف ان الحب المحترم وحط مليون خط تحت محترم دى انا ارضى بية الاختى طبعا
وكمان لازم اقابل الشاب واعرف اذا كان بيلعب بيها ولا لا
ولو انا اختى كانت فى رايى مش كويسة عشان بتحب يبقى البنت الى انا كمان بحبها مش محترمة
وانا معتقدش ان هى كدا
بس بردو دة ميمنعش ان الموضوع حساس شوية وممكن لو اتحطيط فى الموقف دة تصرفى يتغير
دا ممكن
ملحوظة اختى متجوزة وعندها منة
يعنى راية مش نابع عن تجربة يعنى يحتمل الخطا بنسبة اكبر من الصحة

[محمود الجوكر]

شكرا ياااااااااااااااجماعه على ردودكم الجميله دى وياااارب يكون الموووضوع عجبكم



وبجد انا سعيد اوووى على ردودكم الجميله د ى

[islamkoko]

ادبحها واستريح يا معلم

[محمود الجوكر]

بجد انا متشكر اوووى على ردودكم الجميله دى

يارب الموووضوع يكون عجبكم

[احمدمحمود]

يا جماعة اعملوا حساب لحاجتين
1-نخوة الرجل عشان كده ممكن ي*** اخته او يموتها .
2-عدم خبرة الشباب بالدنيا وحبه للمغامرة عشان كده ممكن يلعب بالبنات وده غلط برضه.
والغلط على حاجتين 1- البنات اللى عارفة ان مفيش شاب يمشى مع بنت ويخطبها كبيرها
يكتب عليها ورقة عرفى .2-الشباب اللى لازم يبقى راجل ويحترم نفسه
اخوكم
احمد هاكر

[Drowns in a sea grief]

وانا مستنية راى شبابا المنتدى معلش طولت عليكم