للاجلك ربى ... لم افعلها ..!!!

[ChihirO]

بسم الله الرحمن الرحيم

اهلا كل اخواتنا فى المنتدى منورين التوبيك
التوبيك دا ياجماعة انا عملته عشان كلنا نشارك فيه و نفيد بعضنا البعض و الواحد يحس قد ايه بقوة نفسه و تحكمه فيها

اكيد كلنا بنغلط بس موش كلنا بنكفر عن غلطنا و ذنبنا دا
بصوا يا جماعة الفكرة انه كل واحدة فينا يذكر حاجة حرام او غلط كان بيعملها و بطل يعملها و قال علشانك ياربى و عشان ترضى عنى موش هاعمل كدا تانى او برضه حاجة كان ناوى يعملها و هى غلط
و معملهاش عشان خاطر ربنا الفكرة اننا نفتكر ربنا و نحط كتابه و سنة نبيه دستور لتصرفتنا

انتم عارفين دى عند ربنا ايه لما تتخلى عن هوا من اهواء الدنيا عشان ربك او عشان ماتغضبوش منك

اتمنى الفكرة تكون وصلت و عجبتكم
و تشاركوا معايا فيها
ع العموم انا هابتدى الاول و متوقعة مشاركات

انا مثلا من الحاجات الى كان نفسى قوى فيها و سيبتها بدون تردد لما عرفت انها حرام كان نفسى اعزف علا الكمان بس اتأكدت انه حرام

تانى حاجة اللبس لبس البنطلونات بطلته خالص لانه حرام برضه و ربنا هدانى و ناوية الاسدال بأذن الله
و سماع الاغانى و حاجات كتير

ها بئا
مين هايشارك معايا

[7ooooda gamal]

على فكره ياسمين
التوبيك جميل جدا
بس محرج حبتين
ان كل واحد يقول على الحاجه الغلط
ممكن يبقى ميقدرش يقول
عشان كده ممكن يبقى اللى بيدخل مش بيشارك
لأنه حاسس انه عيب انه يقول الحاجه الغلط اللى هو
بيعملها او حتى لو بطلها


انا مثلا واحد من الناس كان فيا عيب وحش جدا
والحمد لله بحاول اتخلص منه
وهو العصبيه
كنت عصبى جدا
وبتعصب من اقل حاجه
بس دلوقتى الحمد لله بمسك نفسى شويه
شويه
بس نفسى امسك نفسى خالص
ادعولى اتخلص من العيب ده


وعلى فكره يا جماعه
الاعتراف بالحق فضيله
توبيك رائع وفكره جميله
شكرا يا ياسمين
تقبلى مرورى

[كونان العرب]

فعلا الموضوع جميل جداااااا ^^
بس زي ما قال 7ooooda gamal الموضوع صعب و محرج كمان..

و انا عن نفسي عملت ذنوووووب كتييييييير فمفيش حد معصوم من الخطأ ..
لكن انا خايف يكون اعترافنا بالاخطاء دي تبقي مجاهرة بالذنب و دي حاجة مش كويسة خااااااالص ..

علي العموم انا طبعا بطلت اسمع اغاااني من زمان خاصة اني بحس ان ملهاش لازمة و كلامها بايخ و دلوقت لو اغنية وصلت لوداني بالغلط بحس ان المغنين دول ناس هايفة و اللي بيعملوه اهيف .. و ربنا يهديهم يارب
و استبدلت الاغاني دي باناشيد دينية جميلة و القرآن قبل اي شئ ..


و اكيد فيه حاجات كتييييير زي مثلا الحسد و الحاجات اللي من النوع دي .. و محدش يقول ايه ده و كده !!
انا سمعت من الشيخ محمود المصرى ان قلما نجد من ليس لديه امراض القلوب مثل الحسد و غيره من تلك الامور ..
و انا بحاول علي قد ما اقدر و بدعي ربنا يشرح صدري و يبعد عنه الحاجات دي و كمان مقتنع مليون في المية ان اصلا الدنيا دي فانية و مجرد طريق لازم نعبره صح عشان نوصل للجنة ان شاء الله و مع ذلك بردوو بحس اني بتغاظ من حاجات مفروض مش اتغاظ منها لانها مش مستاهلة اصلا .. بجد الموضوع ده مضايقني و ادعو لي بقي اخلص من الموضوع ده و انا بقاوم علي قد ما اقدر .. و ربنا معايا ان شاء الله ..

و حاجات كتير طبعا بس ان شاء الله ربنا يهديني الي ما يحبه و يرضاه ..

كمان فيه حاجة انا عاملها اظن انها غلط
و هيا خاصة بالمنتدي ده و هيا مضايقاني جداااااا بس للاسف عمري ما هقدر اعترف بها !! ..
مع ان نفسي اقولها و اخلص منها بس مش هقدر بجد !!

[نقاء الروح]

قال رسول الله صلى الله عليه و سلم :

" كل أمتي معافى الا المجاهرين "

و المجاهرون هم من فعلوا ذنب معين و سترهم الله ثم

يأتون و يحدثون فلان و فلان بهذا ذنب فيهتكون ستر الله عليهم ..

لذلك ارى ان الموضوع قد يكون مدرج تحت هذه النقطة ..

فاتمنى الا نتطرق لمثل هذه المواضيع ..

بل نسأل الله العفو و المعافة الدائمة ..

سترنا الله فوق الارض و تحت الارض و يوم العرض ..

اشكرك

و ارجو ان تقبلي وجهة نظري المتواضعة ...

[Dr. Hoda Ahmed]

بارك الله فيكم

وشكرا نقاء الروح على الافادة


اللهم يا مقلب القلوب ثبت قلبى على دينك

اللهم باعد بينى وبين خطاياى كما باعدت بين المشرق والمغرب

اللهم اغفر لنا جميعا