فاضل خمس شهور

سمسم ك.م · #1 26-07-2010, 04:39 PM

انا اسمى سمسمة ,وانا الان في الصف الثالث الثانوي
حصلت على مجموع 97.3%فى الصف الثانى الثانوى

وخلال هذا العام الدراسى مررت بلحظات يأس كثيرة
فتفجرت مشاعرى الى بعض الخواطر النثرية البسيطة والعامية
وكنت حينها في شهر يناير حيث لم يكن فاضل الا 5شهور على الامتحانات

(فاضل خمس شهور)

معدش فاضل حاجة

يادوب خمس شهور

هنعمل فيهم اية

ياريت حد يقولى

انا فعلا انتهيت

ولا فاضلى فرصة

اقدر ابنى اللى فات

ولا هاقول ياريت

ياريتنى كنت صحيت

من اول الطريق

ولا هاقول السلامة

ع الاحلام والامانى

اللى كنت هحققها

ف الثانوية العامة

دى الثانوية العامة

عاملة ذى الطريق

فية اللى بيمشى سالك

وفية اللى بيمشى بطئ

فية اللى يحقق مناه

وفية اللى بيعقد يعيد

حاطط ايدة ع خدة

قاعد بيقول ياريت

لا. بس انا لازم احاول

علشان مااقولش ياريت

دة العمر كلة كام

دة يادوبك مرة واحده

هنعيشها والسلام

لازم نبنى الامانى

لازم نبنى الاحلام

لازم نحقق املنا

دة العمر كلة كام

...........

Egypt for Ever 25 · #2 27-07-2010, 10:21 AM

بجد خواطر جميلة جدا

و اسلوبها سهل و بسيط

شكرا علي الموضوع

و في انتظار المزيد من ابداعاتك المميزة

و ربنا يوفقك دائما

Yasser Gabr · #3 28-07-2010, 01:12 AM

أول الغيث قطرة .........ثم ينهمر
المهم مانبطلش نكتب

a7mad 3abdo · #4 29-07-2010, 11:18 AM

بجد والله حلاوتها في بساطتها
يعني كلمات بسيطة , وجميلة
شكرا لك , في انتظار المزيد من ابداعاتك .

سمسم ك.م · #5 04-08-2010, 03:26 PM

شكرا على المرور

مشاهدة نتائج الإستطلاع: ما رأيك ف هذا الموضوع
جيد جدا	1	33.33%
جيد	2	66.67%
متوسط	0	0%
ردئ	0	0%
المصوتون: 3. أنت لم تصوت في هذا الإستطلاع