ارجو الافادة ضروررررررررررررررررررررررررررررررررررررررررى

[MatreX50]

باختصار كدة انا دخلت كلية حاسبات ومعلومات المنصورة والحمد لله ,في نفس الوقت انا كان نفسي ادخل هندسة ومجموعي جايب المعهد العالي ببنها اللي بيطلع خريجين معاهم بكالريوس هندسة
دلوقت انا عايز راي الناس اللي فاهمة بجد او مجربة اي من الكليتين
انهي افضل كلية الحاسبات والمعلومات ولا المعهد العالي ببنها اللي هو يعتبر بديل لكلية الهندسة
وعايز اعرف كمان هل خريجي المعهد ده بيشتغلوا زي خريجين الهندسة ولا مهندس البرمجيات افضل(خريج الحاسبات)
يا جماعة انا مش عايز حد يكون عارف اي معلومة بخصوص الوضوع ده وينفض وميكتبش رد بليز يعني عشان الحق احول لو المعهد افضل,شكرا.

[clinical chemist0]

اولا شوف انت عايز ايه وبتحب ايه
ثانيا خريج حاسبات ومعلومات اسمه مبرمج وليس مهندس برمجيات

[MatreX50]

المشاركة الأصلية كتبت بواسطة clinical chemist0

اولا شوف انت عايز ايه وبتحب ايه
ثانيا خريج حاسبات ومعلومات اسمه مبرمج وليس مهندس برمجيات

لا يا نجم خريج الحاسبات اسمه مهندس غصب عن اي حد (مهندس كومبيوتر) ده لمعلوماتك وكمان كل ما جي اسال واحد يقلى الحاسبات افضل ووالله لسة سائل النهارده واحد شيخ جارنا يعني مش هيكدب بيقلي ان ابن خالته خريج هنسة قسم ميكانيكا كمان ومش لاقي شغل بقاله 3سنين وده يثبت ان ان شاء الله خريج الحاسبات هيكون افضل من خريج الهندسة بعد كدة كفاية كدة عليك

[mahmouedsakr]

رجعتلك تاني انا محمود صقر بتاع المنوفية ايلي قلتلك قبل كدة كتير عن الفرق بين الكليتين بس مش مشكلة .



يبقي حرام عليك لما تجيلك حاسبات وتحول معهد دة شي والله لا يقبلة اي عقل !!!!!1



توكل علي الله حاسبات يلة

[محمد الاكشه]

حاسبات افضل كتير انا جارى خربج حاسبات ومعلومات ودلوقتى بيشتغل الساعه بس ب70 جنية وعلى فكره شغله متوفر جدا واى خريح حاسبات مطلوب جداااااااااااااااااااااااااا وبرضو ده مجرد راى والاحسن انك تصلى صلاة استخاره والى عيزه ربنا هيكون

[MatreX50]

المشاركة الأصلية كتبت بواسطة mahmouedsakr

رجعتلك تاني انا محمود صقر بتاع المنوفية ايلي قلتلك قبل كدة كتير عن الفرق بين الكليتين بس مش مشكلة .



يبقي حرام عليك لما تجيلك حاسبات وتحول معهد دة شي والله لا يقبلة اي عقل !!!!!1



توكل علي الله حاسبات يلة

انا شايف كدة برده
بس في حاجة حاسبات القاهرة افضل ولا حاسبات المنصورة
وشكرا يا برنس

[MatreX50]

المشاركة الأصلية كتبت بواسطة محمد الاكشه

حاسبات افضل كتير انا جارى خربج حاسبات ومعلومات ودلوقتى بيشتغل الساعه بس ب70 جنية وعلى فكره شغله متوفر جدا واى خريح حاسبات مطلوب جداااااااااااااااااااااااااا وبرضو ده مجرد راى والاحسن انك تصلى صلاة استخاره والى عيزه ربنا هيكون

يا راجل قول ما شاء الله
انا بس بستفسر لكن انا من جوايا اكيد حابب حاسبات اكتر
وشكرا يا معلم.

[M ! D O]

بالتوفيق اخواااااااتى

[نورهان احمد احمد]

هاى محمد انا شايفة انك تستنى شوية

[نورهان احمد احمد]

هاى محمدالاكشة انا شايفة انك متستعجلش خالص وسيبها على الله

[tomcruise_tito]

اى حاجه يقولها محمد صح ازيك يا محمد فينك من زمان

[Hawy.php]

طبعا الموضوع بيفرق حسب طموحك وهواياتك

بس برضو انت تتكلم في مقارنة لو كان جايلك هندسة في اي حتة انما ده معهد


وياريت تحمد ربنا بجد علي كلية حاسبات ،، انت لو متابع ردودي او شوفتها ،، انا معايا دبلوم تكنولوجيا المعلومات تخصص برمجيات

ومليش حاسبات في التنسيق وعلشان ادخل حاسبات حاليا بذاكر فيزياء ورياضة 1 ، 2 وهدخل امتحان تكميلي في شهر 9 لو نجحت فيه هدخل حاسبات لاني مش عايز هندسة
مع ان مجموعي ان شاء الله هيجبلي اي هندسة مستريح

بالنسبة لخريج حاسبات ، اسمه مهندس برمجيات والجمعية الخاصة بخريجي وطلبة كلية حاسبات اسمها
الجمعية المصرية لمهندسي البرمجيات وموقعها http://www.esea-online.org/

وهما بيحاولوا جاهدين الان لانشاء نقابة مهندسي البرمجيات لتكون لخريجي كلية الحاسبات والمعلومات


وبص بقي مدام انت لسه هتخش الكلية هنصحك نصيحة اخد فيها ثواب

هتقول ازاي هنصحك اوان لسه مدخلتهاش ،، هقولك انا شغال مبرمج بقالي 5 سنين الحمد لله واعرف كتير جدا من مناهج حاسبات

المهم في الدراسة في حاسبات انك متعتمدش عاللي هتديهولك الكلية وتسكت عليه وبس

لا العلم ده بالذات ملهوش حدود ومهما روحت اي مكان عمره ما هيخليك جامد

عايز تكون مميز في المجال ده بمجهودك وتعبك

عايز تاخد كورسات بقي او هتقدر فعلا تبدا تتعلم من علي النت لان النت عليه كل حاجة صدقني
كل ما تتخيله من دروس لاي حاجة في المجال ده بالذات موجودة ،، صوت و صورة وفيديو وعربي كمان
كل حاجة


ياريت تسمع نصيحتي كويس وصدقني هتشكرني بعد 4 سنين لو عملت بيها


اوعي اوعي اوعي تنام في الكلية وتعتمد عالعلم الي هتاخده فيها لانه قليل جدا

عايز تتميز لازم تتعب وتحط اودامك المثل
No Pain .. No Gain

من غير تعب مش هتكسب حاجة


وانا بالنسبة لي حاسبات افضل مية مرة من هندسة ومن هندسة قسم حاسب الي كمان

ربنا يوفقك ويكرمك

وحاسبات المنصورة من كليات الحاسبات الكويسة جدا في مصر

يعني احسن حاسبات في مصر هما 4
عين شمس والقاهرة وحلوان والمنصورة

وبعديهم في المنوفية والزقازيق والمنيا كويسة


يارب اكون قدرت افيدك