ازمة نفسية

[حسين الدوانسى]

المشكلة الكبيرة عندى مش المرتب لأنه حتى الاساسى مش بيكفيه مرتبه هو وزوجته
المشكلة فى العقد ان مفيش اجازة بدون مرتب ولو مشيت ضيعت كل حاجه
السفر مكتوب علينا لأن مصاريف الجواز كتير والعرايس بلاش ( الحموات) طلباتهم كتير
ولازم الواحد يكون واقف على رجله عشان يفكر فى زوجة

[مدرسة الانجلش]

المشاركة الأصلية كتبت بواسطة حسين الدوانسى

المشكلة الكبيرة عندى مش المرتب لأنه حتى الاساسى مش بيكفيه مرتبه هو وزوجته
المشكلة فى العقد ان مفيش اجازة بدون مرتب ولو مشيت ضيعت كل حاجه
السفر مكتوب علينا لأن مصاريف الجواز كتير والعرايس بلاش ( الحموات) طلباتهم كتير
ولازم الواحد يكون واقف على رجله عشان يفكر فى زوجة

تعاقد يعني ازمات
واستمرار التعاقد يعني توالي الازمات

[hassan43]

على رأى الفيلم عايز حقى
انا اتخرجت 2003 و اشتغلت بالعقد ابو 105 جنية ثم 174 و هكذا حتى جات 2008 و اهو مستورة بال 365
و لغاية دلوقتى مش عارف حتى افكر ازاى اخطب او اتجوز .. خايف ابو العروسة اللى فى علم الغيب يضحك على لما اقوله بقبض 365 جنيه
انا دلوقتى 28 سنة و لسه مسنتى اعرف مصيرى من التعيين علشان ابدا افكر فى الجواز
مش عارف اقول ايه .. اضحك و لا ابكى
و اكيد فى ناس زيي كتير عندهم نفس المشكلة ..
يا ريت حد يقولى أعمل ايه فى الازمة دى اللى خلتنى مش عارف افكر او اخطط للمستقبل المجهول
و اتمنى لو حد يفكر معايا فى الحل
حرام السنين دى كلها ..
هو احنا اتعلمنا و دخلنا كلية تربية .. عشان نطلع معلمين نربى الاجيال و لا عشان نتبهدل
و الله الواحد بيتكسف من نفسه لما بينصح التلاميذ و يقولهم اتعلموا عشان تاخدوا شهلدة و تروحو الكلية و تبقوا ... حاجة ....؟
ولا لما بيسال التلاميذ انت نفسك تطلع ايه ؟ طبعا لو قال مدرس .. مش عارف اقوله ايه
فين الدافع اللى هيخلى الشباب يتعلموا .. و ياخدوا شهادة
ده اللى بيشتغل سواق على تاكسى او ميكروباص ( مع احترامى للسواقين كلهم ) احسن مننا فى المعيشة
ايه الحل ..
ده احنا فى المدرسة حوالى 17 متعاقد و الاساسيين 10 و الكلام ده ممكن نلاقيه فى مدارس كتير على مستوى الجمهورية
يعنى احنا اللى شغالين بجد
نرجو نظرة يا سيادة الوزير
و ربنا معانا