مشاركات غير لائقه

[أ/رضا عطيه]

بسم الله الرحمن الرحيم


بقول لكم إيه

تيجو ا نتفلسف على بعض وتكون الفلسفه هى الفيلسوف اللى يعالج كل المشاكل الفلسفيه دى
-(1)
ليه بنشوف انسان قمه فى الاحترام والادب والاخلاق لكنه ساعة مباراة كره تلاقيه متعصب وزهقان وممكن كمان من غير مايحس تلاقيه صبح شتوم للا عيبه أو الحكم أو الجمهور ؟ (مصيبه)
(2)
ليه الايام دى البنت لو زعلت تلاقى الكل بيحاول يراضيها ولو الولد زعل وحتى خرج من البيت زعلان يقولوا سيبوه دلوقتى يهدى ويرجع تانى-- هو الخروج بره البيت فى الأيام دى بيهدى الغضبان؟--(غريبه)
-(3)
ليه أنا لوغلطت فى حقك بلفظ جارح ورديت عليا بنفس اللفظ بتشعر بأنك على حق وأنا على باطل ؟ (عجيبه)


ياريت لانتسرع فى الإجابه لان الزمن مفتوح حسب نشاطكم


ملحوظه هامه: لو الامتحان صعب عليك ولقيت نفسك مش هتقدر تجاوب على كل الاسئله
-- اختار سؤالين--- لقيته صعب اختار سؤال ---- لقيته صعب قول أى حاجه واجرى

ولعدم تسريب الأمتحان ممنوع منعا باتا المشاهدات فقط
مفيش بعد كدا إدعوا لى أبقى وزير التعليم

بدأ الوقت

[أ/رضا عطيه]

شكرا لاهتمامكم








8/1 لصالح المشاهدات---

[أ/رضا عطيه]

المشاركة الأصلية كتبت بواسطة 7ooooda gamal

يا مستر يا مستر ممكن اخد قلم من اللى جنبى
مش هاغش منه غير السؤال الاول والتانى والتالت بس
ههههههههههههههههههههههههههههههههههههههههههه
هى الاسئله صعبه ايوه بس ان شاء الله هاجاوب عليها
هو الزمن قد ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟

ماتسأل محمد حلمى على الإجابه كمان
بص أدامك وجاوب اللى تعرفه واللى ماتعرفوش كمان
والوقت لحد ماتخلص إجابه لوحتى شهر
سلام

[أ/رضا عطيه]

والله عامل الناس زى ماانت حابب انهم يعاملوك




هو دا الحل الصحيح


واتعلمنا نقابل السيئه بالحسنه (ادفع بالتى هى أحسن -------) تحول الاعداء إلى أصدقاء

شكرا لمرورك الجميل

[أ/رضا عطيه]

المشاركة الأصلية كتبت بواسطة .: Future eng :.

انا صراحة بحب اتفلسف لكن يبدو اني لست جيدة لدرجة كافية للرد علي هذه الاسئلة !!
ليس لصعوبتها و لكن لانه لا يوجد جواب !! لكن هحاول اشتغل شغل تأليف يمكن انجح ^^

ما هي كورة !! كل شئ فيها ينفع !!

لان ببساطة دي بنت و ده ولد >> جبت التايهة
البنت - كما يزعمون - لديها مشاعر و احاسيس .. لكن الولد مش بيحس .. بارد يمكن !!
غريب فعلااااا !!

ربمـــــــــا لان العين بالعين و السن بالسن و البادئ اظلم ..
مع اني لا اري في ذلك مبررا لان اكون انا علي حق و انتَ علي خطأ لاننا ببساطة نحن الاثنين علي خطأ !!
تركيبة الانسان بقي !!

يارب انجح !!
و شكرا علي طرح هذا الموضوع اللطيف ..

بارك الله فيك

بس رغم إن السؤال بخلت عليه بالإجابه وكلمتين وبس
بس التانى والتالت إجابه نموذجيه
تنجح ب 98%بس

شكرا لك

[أ/رضا عطيه]

المشاركة الأصلية كتبت بواسطة yomna1993

بجد بجد اسئلة جميلة جدا
جزاك الله خير
و احنا اسفين لو اتاخرنا بالاجابة بس فعلا اسئلة صعبة
شكرا لحضرتك

نورتى الدنيا
وشكرا لمشاركتك الجميله

[أ/رضا عطيه]

المشاركة الأصلية كتبت بواسطة 7ooooda gamal

هههههههههههههههههههههههههههههههههههههههههههه
شكرا يا مستر
محمد مش موجود دلوقتى للأسف
هههههههههههههههههههههههههههههههههههههههههههههه
انا هاجاوب هو انا صغير
هههههههههههههههههههههههههههههههههههههههههههههههههه

ما أنت حلو أهوه
أمال عامل مشاكل ليه فى اللجنه
شكرا على مشاركتك الجميله واللطيفه

[أ/رضا عطيه]

المشاركة الأصلية كتبت بواسطة 7ooooda gamal

لا على فكره مايغركش الشكل
انا كويس على فكره
هههههههههههههههههههههههههههههههههههههههههههه
يا جماعه انا بقول مش بحب اتكلم ن نفسى كتير
هههههههههههههههههههههههههههههههههههههههههههههههههه
على فكره انا اجاباتى فوق
ياترى ايه رأيك فيها
؟؟؟؟؟؟؟؟؟؟؟؟؟؟؟؟؟؟؟؟؟؟

طبعا ممتازه
وانت كمان 98%
مفيش حاجه بخساره تستاهلهم
شكرا وسلام

[أ/رضا عطيه]

المشاركة الأصلية كتبت بواسطة نقاء الروح

مرسي استاذي الفاضل على الاسئلة اللذيذة

بتعالج لقطات يوميه نقف أمامها حائرين

و يارب انجح

شكرا على مشاركتك الطيبه
وربنا يوفقكم جميعا

[أ/رضا عطيه]

المشاركة الأصلية كتبت بواسطة samar saad

والله قولى بس الانتخابات امتى وانا انتخب حضرتك للوزارة مافيش اسهل من كده اسئلة والاختيار سهل جدا ما شاء الله لو جالى الامتحان ده السنة جاية هدخل ألسن انشأ الله ههههههههههههههههههههه
والله اللى استشفيته من اسئلة حضرتك ان حضرتك بتحاول تسئل عن بعض محاور الزمن دلوقتى يعنى مثلا اول سؤال ده الناس كلها الحقيقة بقيت فى تعصب دائم حتى من غير كورة ولا حاجه مع انها هى السبب وبحس انها رياضة فاضية يعنى انا ليه احرق اعصابى وناس هى اللى هتاخد فلوس وتشتهر على قفايه طب ما العبها احسن على الاقل هستفيد وهعمل حاجه لصحتى , اما بالنسبة اللتعصب فالناس من كتر اللى شايفاه فى الدنيا بجد تلاقيها عايزة تتطلع همها فى كل حاجه مش مهم بقى هى ايه ولا مين عادى المهم ترتاح وفى العكس طبعا بيرتاحوا بالهدوء مع انى مش زى دول انا زى الناس التانية


اما بقى بالنسبة للسؤال التانى انا الحقيقة لازم اقف وقفة مع الولاد الحقيقة والله بيعانوا فى حياتهم , يعنى الناس بتحس ان البنت لازم نحافظ عليها وعلى مشاعرها عشان هى رقيقة وممكن تنكسر يعنى , لكن انا الحقيقة مابحبش الاسلوب ده حتى تربيتى مش كده اللى عمل حاجه غلط يتحمل غلطه بس طبعا الا فى حالة انى مظلومة ساعتها ممكن اكلهم كلهم هههههههههههههههه فالولد بجد لازم ننظر شوية لعاطفته لان لو معملناش كده هيبقى قاسى القلب وممكن يسبب مصايب ويعاند اكتر


اما بقى اخر سؤال والحمد لله , الحقيقة ممكن احس بكده عشان بحس انى غلط فيه مثلا وضميرى مأنبنى وبقول عيب زى ماشتمت لازم اشتم او الحقيقة السؤال صعب اتمنى مانقصش درجه او حاجه , بس انا بحس كده لما اكون غلطانه فى حد فبقول زى ماجرحته بكلمتى لازم ياخد حقه انا حقانية اوووووووووى الحقيقة طيبه والله هههههههههههههه

يارب انجح وربنا يستر على الفلسفة دى اهى مختاراها السنة دى ربنا يستر

إن شاء الله ربنا يوفقكم جميعا ويحقق كل أمالكم
بس إيه الفلسفه المتفلسفه من فيلسوفة المنتدى
شكرا على الاجابات الجميله ياسمر

[أ/رضا عطيه]

المشاركة الأصلية كتبت بواسطة سؤئة الطيوبة

(1)ليه بنشوف انسان قمه فى الاحترام والادب والاخلاق لكنه ساعة مباراة كره تلاقيه متعصب وزهقان وممكن كمان من غير مايحس تلاقيه صبح شتوم للا عيبه أو الحكم أو الجمهور ؟ (مصيبه)لان الكورة دى ..........لازم ,,,,,,,,,,,,,تكون ...........متعصب .........علشان ....تستمتع .....بالمباراة ..........وتكون ..............متفاعل...........(2)ليه الايام دى البنت لو زعلت تلاقى الكل بيحاول يراضيها ولو الولد زعل وحتى خرج من البيت زعلان يقولوا سيبوه دلوقتى يهدى ويرجع تانى-- هو الخروج بره البيت فى الأيام دى بيهدى الغضبان؟--(غريبه)لان البنات ........بيقولو بيقولو .......عنهم ........انهم حساسين ........ورقيقات ههههههههههوالولد .........لانى مبيحسش ........ومعندوش قلب ههههههههههه-(3)ليه أنا لوغلطت فى حقك بلفظ جارح ورديت عليا بنفس اللفظ بتشعر بأنك على حق وأنا على باطل ؟ (عجيبه)لان اللى يلغط عليك.........لا زم تغلط عليةومتسكتلو ش.........,,,,,,,,,لازم تنام ........واخد طارك.........وكتر الطيبة المسامحةبتكرهك فى نفسك .......اسالونى انا هههههههه,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,شكرا موضوع مهم جدا ورررررررررررررررررررررررررررروووووووووووووعةشكلى ساقطةهههههههههههههههه

ربنا يوفقكم ويحقق كل أمالكم
بس سؤال برىء شويه
هى إجابتك فى ورقة الامتحان بتبقى كدا
مليون نقطه وخمسه مليون فصله وخمسه ههههههه بس
بس بطلعى حكم جميله (وكتر الطيبة المسامحةبتكرهك فى نفسك )فعلا صدقتى ياسؤئه
شكرا على المشاركه الجميله ---- والحكم بعد المداوله

[أ/رضا عطيه]

المشاركة الأصلية كتبت بواسطة الفتاة العنيدة

ايه الاسئلة الصبعة دى ولا سؤال حليته

الفتاة العنيده ماتخافش من أى امتحان ولا إيه؟
شكرا على مرورك الطيب
وربنا يوفقكم جميعا

[أ/رضا عطيه]

المشاركة الأصلية كتبت بواسطة mado crazy girl

-(1)
ليه بنشوف انسان قمه فى الاحترام والادب والاخلاق لكنه ساعة مباراة كره تلاقيه متعصب وزهقان وممكن كمان من غير مايحس تلاقيه صبح شتوم للا عيبه أو الحكم أو الجمهور ؟ (مصيبه)ج) ممكن يكون الانسان دة حقيقته غير اللى بيظهرو يعنى تشوفو تقول ملاك وادب وكدة بس اللى بيظهرو على حقيقتو المواقف اللى مش بيقدر يكدب فيها زى الكورة امممم ......
(2)
ليه الايام دى البنت لو زعلت تلاقى الكل بيحاول يراضيها ولو الولد زعل وحتى خرج من البيت زعلان يقولوا سيبوه دلوقتى يهدى ويرجع تانى-- هو الخروج بره البيت فى الأيام دى بيهدى الغضبان؟--(غريبه) يعنى انتو كل حاجة حسدنا عليها احمد ربنا انهم بيسبو الولد يخرج دول مش بيعملو كدة عشان سواد عيونا دول مش عايزنا نخرج والنبى يا اخويا انتو اخرجو واتفسحو وارجعو زى ما تحبو واحنا نولع فى البيت
-(3)
ليه أنا لوغلطت فى حقك بلفظ جارح ورديت عليا بنفس اللفظ بتشعر بأنك على حق وأنا على باطل ؟ (عجيبه)اممم دى مش جربتها بصراحة بس يمكن الانسان بيحس باستفزاز اللى قدامه علشان انت اللى بدأت واستفزيتو لو مكنتش قولتله حاجة مكنش بردو هيقول حاجة تجرحك

وشكرا يامستر على الامتحان ده ياريت كل الامتحانات كدة
يارب يارب يارب تبقى وزير التعليم
لووووووووووول[/quote]










إيه ياجماعه إنتم صدقتم إنه امتحان ولا إيه ؟
ياريت كل واحد يقول رأيه بحريه
عايز ردود وتفسير للأمور دى اللى بتحصل لنا كل يوم أوبنسمع عنها
شكرا لكى على المرور الطيب
والإجابات النموذجيه

[أ/رضا عطيه]

بارك الله فيك
وشكرا للمرور والاجابات الجميله

[أ/رضا عطيه]

المشاركة الأصلية كتبت بواسطة عبد الله الرفاعي

والله يااستاذى انا نفسى اتفلسف من الزمان وفى مقولة بتقول (ان الفلسفة وجهات نظر وكل منا له وجهة نظر اذن كلنا فلاسفة)
1_الموضوع الاول موضوع الكرة : الفكرة ان كل واحد مننا لايستطيع التعبير عن غضبة سواء من مديره فى الشغل او من الحكومة او من الحكومة اللى فى البيت طاب الشعب يعمل ايه يطأ يفرقع لأ طبعا مابنصدق ماتش كورة ونطلع الضغوط على شكل شتائم (العب يابن ال.....باصى يالعيب يا........وهكذا)وعلى فكره كل انسان محترم بداخله انسان سافل.
2_الموضوع التانى :على فكره بقى المضوع ده مالوش دعوة بالاحاسيس كل الفكرة ان الاب بيسمح للابن انه يغضب بره البيت يمكن الواد يكون عنده دم وياخد شنطته ويطلع يشتغل فى اى مطعم طول فترة الاجازة بدل ماهو قاعد يرازى فيه فى البيت ....وكله توفير.
3_ الموضوع التالت : جرب يااستاذنا كده وشوف واحد اتشتم تعرف اول كلمه المشتوم بيقولها ايه : انت عارف انت بتكلم مين..ماشاء الله الشعب كله ابن باشاوات وولاد ناس ف ازاى ابن الفلاحين يشتم ابن البيه لكن ابن البيه من حقه يشتم ابن الفلاحين لان ده طبيعى وطبعا ابن الفلاحين بيبص لنفسه على انه ابن باشا فيرد الشتمه بما هو اوقح مما قيل له وهكذا يتم التعامل بين شعب كله من اولاد الباشاوات

وهى دى وجهة نظرى فى اجابات الامتحان (ولكم ارائكم ولى اراء والحياة ظلال واضواء)ههههههههههههههههههههههههههههههههه

أنا لو شفتك وانت داخل اللجنه كنت منعتك من الإجابه
لان ماينفعش مدرس يصحح لأستاذ

سعدت بمرورك ويارب أعرف أخفى الاجابه منعا للغش

شكرا أستاذ عبد الله وبارك الله فيك