إعتصام فى بوابة الثانوية

[the black rose]

المشاركة الأصلية كتبت بواسطة blakblak66

بسم الله الرحمن الرحيم

بقول لكم إيه

طقت فى دماغى فكره وأنا الايام دى دماغى عمال يطلع منه حاجات ربنا يستر منها
الفكره الناس اللى فى البوابه دى مش مقدرنا خالص
علشان كدا أنا ناوى أتزعم الموضوع ونعمل ا عتصام داخل البوابه ومانخرج منها لأن ممكن نخرج يقفلوا البوابه ويجيبوا غيرنا
ونقدم لهم شروط إن وافقوا ونفذوها نفك الإعتصام ونبقى حبايب - رفضوها يستمر الاعتصام
وأنا علشان أنا الزعيم بتاعتكم واللى زعلان يروح يشجع فريق طنطا وهو حر -- هقدم الشروط وهى

أولا - على السيد الاستاذ مدير الموقع مشكورا عمل موضوع فورا ويثبت فى أى مكان يقول فيه للناس كل سنه وانتم طيبين وكل الناس كبير وصغير فى السن طبعا يهنوا بعض بحلول شهر الصيام
كل سنة و حضرتك طيب و ان شاء الله رمضان كريم علينا و عليكم
ثانيا - كل مشرف يعمل اللى عمله أستاذنا فى قسمه
معلش ممكن اعرف مشرفكوا عمل ايه ف قسمه ؟

ثالثا- اللى زعلان من حد يسامحه ويعلنها أو مايعلنهاش دى حاجه بينه وبين ربنا
ربنا يسامح الجميع و ان شاء الله ندخل رمضان بقلوب صافية

رابعا- على اللورد يقدم لنا كل يوم رابط لجزء من القرأن الكريم ويحدد ساعه من أيام رمضان ترفع فيها الاقلام ولايكون شغلنا الشاغل فى هذه الساعه سوى الاستماع للقرأن سوياويكون فى موضوع الاستاذ ممدوح اكرمه الله

هما دول اللى الأربع شروط لفك الاعتصام وكل سنه وأنتم بخير


وعلى الاعضاء اللى موافقين على الشروط دى
لايسجلوا الشكر ولكن يسجلوا تأيدهم للاعتصام لحد ماينفذوا حتى الطلب الأول
بالله عليكم طول السنه مش ممكن تفطر وتتغدى وتتعشى لوحدك
لكن ممكن تفطر لوحدك فى رمضان----- صعب طبعا -- ماتيجوا نتجمع ونتعلم من رمضان إزاى نبقى روح واحده----
أعضاء ومشرفين لأن كلنا أحبه ومسلمين

والاعتصام كدا وكدا ----- يعنى كله فى مكانه والعمل جارى

عايز تنضم للاعتصام سجل (الله ) ثلاث مرات وهى كافيه للتعبيرعن كل مافى قلوبنا


وكل عام وأنتم بخير

و حضرتك بالف خير
جزاك الله كل خير
على حرصك ع تقربنا من ربنا
فى امان الله