الوزير يتحدث عن التعيين بتاريخ 23/1/2010

[بدر البدور وائل]

تعهد الدكتور احمد زكي بدر وزير التربية والتعليم بتعيين المدرسين العاملين بعقود مؤقتة في الوزارة ...

تناول بدر في حواره مع برنامج 48 ساعة مشكلة عدم تكليف خريجى كليات التربية ,وكان السؤال هل كان هناك قرار من وزارة التربية والتعليم بعدم استدعاء او تكليف خريجى كليات التربية على الرغم من وجود البعض منهم حاصل على ماجستير فى التدريس ويعمل وهو غير معين , هل من الممكن دراسة وبحث هذة المشكلة لان يوجد الكثير منهم مؤهلين للتدريس؟

وفى رد للوزير الدكتور احمد زكى بدر ان جميع المشاكل قابلة للبحث والدراسة , وبالنسبة لهذة المشكلة فهناك
اولويات للتعيين الاولى لخريجى كليات التربية و ثانيا الدرسات الاسلامية واللغة مع دبلومة فى التربية ثم الحاصلين على الليسانس او البكالريوس باضافة الى دبلومة التربية

http://www.elbashayer.com/news-80534.html

[عمرو المهدى]

والله خبر كويس على الأقل فى بادره أمل إنهم هيثبتونا
رربنا يبشرك بالخير دايما
تحياتى لك

[miss math2010]

الخبر قديم اوى

[teacher120]

الكلام دا صرح به اول ما جه الوزاره انا سمعته بنفسى

[بدر البدور وائل]

انا خريج تربيه الحمدلله ممكن اتثبت قبل المتعاقدين من 2005 هههههههههههههههههه بس هقولكم حاجه انا متعاقد وحاصل على الرخصه الدوليه 2009 يعنى عديت بمراحل فاضل امتحان الكادر بس وعايز اقول للمتعاقدين القدامى كل من تعاقد قبل 2008 تعتبر فترة غير محسوبه لانه بتعديل العقود لمعلم مساعد كلنا اتساوينا لاننا دخلنا فى مرحله جديده مش هتتحسب من الاقدميه لان الكادر فى تدرجه الوظيفى ( معلم مساعد - معلم باقدميه سنتين ) يعنى دخلنا قانون جديد يجب ماقبله لى زملاء متعاقدين من 2003 والله وعدلوا عقودهم وانا لسه بتعين هما بيقبضوا 360 وانا 350 فرق علاوه 2008 بس لانهم عدلوها 2008 فبشرى لخريجى التربيه لان دى وظيفتنا وياريت الدخلاء يسيبوها محدش يزعل منى لان احنا وظيفتنا مدرسين وياريت كليات العلوم تقتصر على تخريج علماء فقط والاداب شعراء وعلماء نفس اما التجارة فهم عارفين مكانهم
نسيت الخدمه الاجتماعيه دول ضرورين لانهم لهم مكان بينا وبالتوفيق للتربويين الاصليين الى اطحنوا تربوى 4 سنين مش سنه ولا اتنين زى الى عايزين يبقوا زينا احنا الاحق ولو حصرنا المدرسين فعلا التربويين هنلاقيهم 30% من المتعاقدين حاليالان معظم الباقى غير متخصصين زينا وكمان انا متعيين بمسابقه مش كوسه

[عمرو المهدى]

يا أستاذ وائل يجب عليك التحدث ببعض الإحترام للزملاء ولا يجب عليك السخريه من مؤهلات الآخرين
تجاره وآداب وعلوم
أنا معاك ان التربيه هى التخصص الأصلى للتدريس
انا خريج تربيه ولكن يجب علينا أن ندعو للجميع بالتثبيت وإجتياز هذه المحنه
اللهم آمين

[ايهاب بدر الدين]

يا رب يكون صادق ويكون بسرعة

[Mr.AI]

لله الامر من قبل وبعد
ربنا يعديها على خير

[حسين الدوانسى]

من يناير حرام مفيش جديد

[مسيو عاطف]

والله حرااااااااااااااااااااااااااااااااااااااااااااااام ندخل على الموضوع ده

[roosy]

دا خبر قدييييييييييييم
المفروض ميطلعش دلوقتى