أنــا شكلــى خلاص هاسيب المنتدى .. !!!! بجد والله

[ArabianPDA]

بص يا محمد،،
فيه حاجه اتعلمتها من المنتديات مش لازم الرد لان والله
فيه ناس بترد بنفاق
هتلاقى فيه ناس مثلا فيه واحد طالب ملزمه وكله بكتب شكرا من غير حاجه وده نفاق
انت انسان جميل وطيب وربى يشهد انى نفسى اقابلك
انت بس اعمل الى عليك واكيد الاعضاء هتستفيد

[ArabianPDA]

خش هنا يا حلمى شوف انا تعبت اد ايه فى الموضوع ده
وكام واحد عبرنى
فمن الاخر متتاخدش فى بالك

[ZIKA*STAR]

بسم الله الرحمن الرحيم


اهنا اخوات هنا ،وكلنا بندخل المواضيع نرد على بعض بالطريقة اللي نحبها

بص يا ابو حلمي يا كبير

انت عامل الموضوع ده عشان تغير امزجة الناس ؟؟؟

انا هقوللك الزيتونة (الخلاصة) بتاعة الموضوع

لو واحد تافه ، هيحب المواضيع التافهة وهيرد عليها ومش هيرد على مواضيعك الجامدة ( يبقى متزعلش)

لو واحد بتاع بنات ، هيحب المواضيع بتاعت البنات عشان يمثل الدور ويوقع البنات في دباديبه وطبعا امله هينهار لأن البنات هنا شوية سكر ، مش هتلاقي في ادبهم واخلاقهم ولا صفاتهم الجميلة + ثقتهم في كل اولاد المنتدى ودي ثقة غالية جدا (وانت في غنى عن بتاع البنات ده).

لو واحد زوقه بعض المواضيع من لون معين ومدخلش موضوعك ،يبقى لون موضوعك مش بيفضله .

يعني في النهاية كل واحد ومزاجه ، وانا مقصدش حاجة ، بس الحل انك تقول انك هتسيب المنتدى عشان نبقى نرد على مواضيعك؟؟

انا عن نفسي بحب مواضيع البنات هنا لانهم بيكتبوا في كل المواضيع

تسابيح ( مناصرة المرأة المسلمة)
الفتاة العنيدة (اخبار ومواضيع هادفة و ترفيه)
سؤئة الطيوبة (دي بقى كول على طول) مواضيعها كلها كوووول.
التائبة الي الله (مواضيعها كلها تخليك تعيط ، ودينية وهادفة)

وغيرهم

فلازم يبقى موضوعك على مستوى منافسة هؤلاء الجهابز ، يعني حط عنوان مثير يعبر عن مضمون الحوار زي مثلا

(عايزة احط صورتي على الفيس بوك) اظن اللي ميشدوش العنوان ده وميدخلش يبقى معقد نفسيا .

امال لما اختي تدخل بمواضيعها اللي ملهاش حل هتعمل ايه؟؟ دا انت غلبااااااان

دي بتعقدني شخصيا ...

انا وضحت وجهة نظري

عايزينك تنتقم من البنات اللي شايفهم عاملين فيك كده ووريهم مواضيعك اللي تحت البلاطة ، طلعلهم الزتونة بتاعت مواضيعك.

واعتب عليك انك تقول بيدخلوا مواضيع البنات ، على اساس اننا سايبين الرومات بتاعت (التشات) و ( الفيس بؤ ) عشان نعد نلف ورا واحدة واحدة من البنات دول (قال ايه) ، ياعم احنا داخلين هنا بهدف الاستفادة والافادة وكلنا اخواااااات وبحترم بعض ومفيش مكان لاي خبيث ، لان اي واحد نيته مش صافية هيبان على طول من ردوده وحركاته.

ارجو تقبل رأيي الصغير ده ، مش عايز اطول عليكم

[sad angel4ever]

يامحمد انا دي اول مشاركه ليا وبجد زعلت بس انت ممكن يكون معاك حق انك تزعل وانا مقدرش اقول حاجه اكتر من كده لاني لسه مش عارفه المنتدى بس ع اي حال خليك انت الاحسن بس متسيبش المنتدى لاننا اكيد هنستفيد منك ان شاء الله

[Mohamed.Helmy]

شكــــرا لرد حضراتكم كله ... لكن انا وضحت وجهة نظرى وانا مش عاوز ردود والله وانا وضحت كلامى فى مشاركات سابقة ...


شكــــــــرا لاهتمامكم جميعـــا

[**تسابيح**]

مع ان حضرتك مش بنت وما شاء الله وصلت ل 4 صفحات
عايزين نعرف السر؟!
سر شويبس ...
يا أخي
أنا موجودة في المنتدي دا من زمن يعني
وسالعات فيه مواضيع بس يبقي فيه ردود
رد او اثنين
لو انا زعلت مكنش زماني دلوقتي لسه في المنتدي
عادي يعني الموضوع موضوع اننا بنفيد بعض
مش مهم بئا حد رد او لا
المهم اني فكرتي وصلت للألف المشاهدة
بجد ببقي فرحانة ان يكون فيه ألف مشاهدة وممكن
حد فيهم يستفاد ويكون ع الأقل عندي حسنات
ومش ضيعت وقتي في حاجات متخلفة ع النت
بل افادت الناس واستفدت
ع نفسي انا مش موجود 24 ساعة ع النت
يعني فيه احتمال مواضيعك مشفتعاش قبل كدا
لان القسم نشيط فطبيعي المواضيع بتختفي
وغير ان القسم في الوقت الحالي
بيكتب فيه حاجات مفروض في اقسام تانية
ممكن يعني عضو يعجب بموضوعك
ويبقي فيه اسباب تمنعه من الرد
(1) الكهربا اقطعت ...رجع النور ...وبعدين نسي
دا طبيعي في البشر
أسباب كثير
النت فصل
يعني لو ردي مش ادرج يبقي النت عندي فصل

ياريت تغير رأيك كلنا أخوة هنا
سلالالالالالالالالالالام

[عمدة الثانوية]

والله الحكاية دى حصلت معايا كتييير ...وكنت كل مرة بتنرفز اوى وبقول انى مش هدخل المنتدى تانى ابداااااا.........بس برجع تانى وبلاقى نفسى مش قادر انسى المنتدى لأن فى ناس كتير انا حبتهم بجد واتعلقت بيهم مع انى ماشفتهمش ..بس نفففففففففض وكبر دماغك ياصاحبى

[Jehad Mohamed]

انت لسه فاكر ترد يا عمده اراجل شغال فى الموقع تمام ومبقاش فيه مشاكل الحمد لله ربنا يهدى الجميع

[Doctor S.E]

عادي ...بيحصل في احسن العائلات اقصد في احسن المنتديات
ما على حضرتك الا انك تحط موضوع يرضي ضميرك و يرضي ربنا
و الردود دي بقى ارزاق
طبعا كل شخصيه فيه مواضيع معينه بتشدها ف اكيد مش كل الاعضاء بيدخلوا كل المواضيع
يا رب محدش يزعل من الموضوع ده تاني
و ان شاء الله نرتقي كلنا بالمنتدى لاننا اصلا ناس راقيه
و السلام عليكم ...تقبلوا مروري

[مصرية وبحب بلدي]

والله يامحمد انت انسان كويس وانا بحترمك جدا
وياعم حقق عليا انا
وانا بتاسفلك نيابة عن الجميع اللى غلط فى حقك واللى مغلطش
انت اخ عزيز علينا كلنا ويهمنا جدا انك تكون معانا دايما