|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
27-07-2010, 01:00 PM
|
||||
|
||||
أمك مش أمك .. شعر/ سمير الأمير
أمك مش أمك شعر/ سمير الأمير ********************* أمك ضربها السلك خدها أبوك مقص ولا حد حس, ولا حد قال عيب ع الرجال يا خدو الحريم بالغصب سوا ف الحرام أو ف الحلال أمك حتعمل فيها حد مهم جدا علشان تجيب حق انكسارها وذُلها وتجيب كمان حق الليالى السوده وسنين فقرها أمك قدرها تكون كده متعذبه ومتنكده وصباحها هم كما أى أم فى أى ريف رماه الانتظار وكمان قدرها تكون جريئه لوحدها عشان أبوك يعمل لها ألف اعتبار وعشان كده حست براسها فى السما وهى وسط المحكمة ساعت ما ابوك اتخض من شكل القفص وطب راكع يسترجى عطفها ويقول لها أنا وانتى واحد يا مرّه والله راجل مسخره عرِّفت ابوك؟ أمك ضربها السلك خدها ابوك وروح من زمان وانت اللى قاعد لسه تستنى اللى جاى ياباى عليك.. مستنى مين ؟ ماعدتش جاى غير الطوفان بلدك ضربها القهر..لخبطت العجين وشاخ أبوك قبل النهاية بكلمتين إسمك وسنك ! والسؤال هل سبق إنك قريت البخت أو لبخت وقريت أى حاجه؟ أمك مش أمك شعب مصر كمان ماعداش م الكمين ويكون فى علمك شعب مصر ما هوش أبوك والمضروبين على قلبهم بالسلك مش سالكين آخر تعديل بواسطة Samir Elamir ، 27-07-2010 الساعة 01:03 PM 
|
|
#2
27-07-2010, 02:17 PM
|
||||
|
||||
بجد حلوة اوى
ربنا يصبرنا جميعا
|
|
#3
28-07-2010, 03:30 PM
|
||||
|
||||
|
اقتباس:
سلمت يداك اكثر من رائعه وموجعه ايضا تقبل تحياتي
|
|
#4
28-07-2010, 03:38 PM
|
|||
|
|||
|
اقتباس:
وزميل نفتخر به.
|
|
#5
28-07-2010, 04:32 PM
|
|||
|
|||
|
جميله جدا
وحقيقيه جدا بس سؤال لما شعب مصر مش الاب طب مين الاب ومعتقدش انه اللى فبالنا لان شكل مصر لها ابهات كتييييييييييييييييييييييييير تقبل مرورى
__________________
BE WHAT YOU WANT TO SEE IN THE WORLD
|
|
#6
28-07-2010, 05:12 PM
|
||||
|
||||
|
مش دا غريب ويحزن فعلا إن التقدير غير كافى لأمثالك شاعرنا العظيم
كلامك مؤثر لأنه صادق فى نقل معاناتك أنت والكثيرون. موهبتك غالية جدا على محبيك وهواة قراءة أسلوبك الجميل أتمنى لو أستطيع تجميع كل أعمالك الجميلة ليقرأها عدد أكبر من الناس يمكن نشوف اليوم اللى الناس تفوق فيه من اللاوطنية وترجع تانى روح تقدير الكلمة الحلوة الصادقة المفهومة الهادفة بدلا من الثقاقة الحديثة عن طريق أحدث وأشهر الأغانى وشربت حجرين على الشيشه مع توتو والسبع وويشا ويانى يانى يانى مش هعمل كده تانى هوبا هوبا هوبا هوبا وشربت حجرين على الشيشه مع توتو والسبع وويشا وخدنى جعران والكابتن وروحنا عن عماد فيشا ونزلت وانا ماشى فى الشارع شوفت اللى نازل ليه طالع فضلت ماشى مع نفسى وقولت اشوف الى فى نفسى اروح ادور اروح ادور اروح ادور على نفسى نفسى وأتمنى ترجع مصر جميلة بالعقول المصرية المثقفة التى تقدر وتفهم الأعمال الراقية مثل أعمالك أستاذى العظيم أنت وأمثالك
__________________
Minds, like parachutes, only work when opened 
|
|
#7
28-07-2010, 09:10 PM
|
||||
|
||||
محبة واحترام
 الزملاء والزميلات هدى ونغم وفتكات وممدوح وياسر لم أتحقق من القصيدة إلا بعدما كتبتم تعليقاتكم الغالية ، محبتى لكم لا أجد كلمات تعبر عنها، دمتم محبين للوطن وللإبداع
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:44 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
